नेपाल के प्रशासनिक बिभाजन

संघीय लोकतान्त्रिक गणतन्त्र नेपाल एगो छोट देश ह जवन दक्षिण एशिया में भारत आ चीन के बीच में स्थित बा। ई देश पुरी तरह से स्थलरुद्ध बा कहे के मतलब ह इ देश के भू-भाग समुन्दर के ना छुयेला।

२० सितम्बर २०१५ के जारी भइल नया संविधान के हिसाब से नेपाल अब ७ गो प्रदेश में बंट गइल बा।

नयका प्रशासनिक विभाजन (२० सितम्बर २०१५ के जारी संविधान) के हिसाब से नेपाल के ७ गो प्रदेश आ ७४४ पालिका (नगरपालिका आ गांवपालिका) में बांटल गइल बा। ३ गो जिला सभ के तोड़ के नया ३ गो अउर जिला बन गइल बा। कुल मिला के अब ७८ गो जिला हो गइल बा।

प्रदेश सभ के नामकरण उ प्रदेश के विधान परिषद द्वारा होखे के प्रावधान बा। फिलहाल प्रदेश सभ के ओकर संख्या के आधार से जानल जाऽला।

प्रदेश सभ के नाम ई तरह बा:

1. कोशी प्रदेश
2. प्रदेश संख्या २
3. प्रदेश संख्या ३
4. प्रदेश संख्या ४
5. प्रदेश संख्या ५
6. प्रदेश संख्या ६
7. प्रदेश संख्या ७

नेपाल में पहिले से ७५ गो जिला रहल जवन विकास क्षेत्र आ अंचल में बँटल रहल। जिला के जिम्मेदारी जिला विकास समिति के पास रहल।

अब कुछ जिला सभ के तोड़ के ७८ गो जिला बना दिहल गइल बा आ जिला विकास समिति के नाम [[जिला समन्वय समिति हो गइल बा। कुछ अधिकार में भी बदलाव भइल बा।

नेपाल में अब कुल ७४४ पालिका बाड़े जे में महानगरपालिका, उपमहानगरपालिका, नगरपालिका आ गांवपालिका आवेला।

नेपाल प्राकृतिक रुप से तीन भाग में विभाजित बा।

• हिमालय
• पहाड़
• तराई

प्रशासनिक रुप से नेपाल के 5 विकास क्षेत्र, 14 अंचल आ 75 जिला में विभाजित करल गइल बा। चार पाँचगो जिला मिला के एगो अंचल आ दु-तीन गो अंचल मिला के एगो विकास क्षेत्र बनल बा।

नेपाल में 75 गो जिला बा।

नेपाल में वर्तमान समय में प्रशासनिक बिभाजन के एगो इकाई नगरपालिका बा आ नगरसभा के निर्वाचनके अन्तिम नतिजा प्राप्त होला के 15 दिनभितर 20 सदस्यीय नगर कार्यपालिका के गठन होबेला।

• नगरसभा के मेयर: 1 जन
• नगरसभा के उपमेयर: 1 जन
• वार्ड अध्यक्ष: हरेक वार्ड मे एक-एक आदमी

महिला सदस्य: 5 जन (जौन नगरसभाके सदस्य सभ अपन मे से निर्वाचित क के 5 गो महिला सदस्य)

दलित वा अल्पसंख्यक सदस्य 3 जन (नगर सभाके सदस्य सभ दलित वा अल्पसंख्यक समुदाय मे से वा नगर सभा के बाहर के व्यक्ति के चुने परेला इ 3 जन सदस्य नगर सभाके सदस्य होव सकेला मुदा इ लोकनि के मताधिकार ना होला)