Cat Stevens
e Böblingen (Alamagn) e 1976.
Cat Stevens (Steven Demetre Georgiou diouzh e anv gwir), bet ganet d'an 21 a viz Gouere 1948 e Marylebone (ur c'harter eus Londrez), a zo ur soner hag ur c'haner-sonaozer breizhveuriat.
Goude bezañ graet berzh bras er bloavezhioù dek ha tri-ugent e voe gounezet d'ar feiz islamek d'an 23 a viz Kerzu 1977, hag eñ da zilezel metoù ar sonerezh e-pad hogos ugent vloaz. Diwar neuze e tibabas e vije graet Yusuf Islam anezhañ.
Evel Cat Stevens e oa deuet e-maez unnek albom :
- 1967 : Matthew and Son
- 1967 : New Masters
- 1970 : Mona Bone Jakon
- 1970 : Tea for the Tillerman
- 1971 : Teaser and the Firecat
- 1972 : Catch Bull at Four
- 1973 : Foreigner
- 1974 : Buddha and the Chocolate Box
- 1975 : Numbers
- 1977 : Izitso
- 1978 : Back to Earth
Un toullad mat eus e ganaouennoù a oa aet d'ober sonerezh orin ar film Harold and Maude (1971) gant ar filmaozer stadunanat Hal Ashby.
Adalek penn kentañ 2006 en devoa graet e soñj da zistreiñ d'e vicher gentañ, oc'h enrollañ daou albom ouzhpenn, evel Yusuf :
- 2006 : An Other Cup
- 2009 : Roadsinger.