Dan Simmons

Dan Simmons a zo ur skrivagner stadunanat hag en deus savet istorioù skiant-faltazi ha levrioù spont dreist-holl. Ganet eo bet d'ar 4 a viz Ebrel 1948 e Peoria (Illinois) (SUA). Embannet eo bet e levrioù e seizh bro warn-ugent. Anavezet eo dreist-holl evit kelc'hiad Hiperion ha kelc'hiad Ilium.

Simmons en deus bet ur "B.A." e saozneg digant ar Wabash College e 1970 hag, e 1971, ur "Masters" war an deskadurezh er skol-veur Washington e St. Louis (Missouri). Bet eo o labourat er c'hentañ derez betek 1989.

Kregiñ a reas abred da skrivañ istorioù berr, daoust ma ne loc'has ket e esped da vat kent 1982, pa oa embannet e istor berr, The River Styx Runs Upstream, gant sikour Harlan Ellison, ha pa oa gounezet gantañ ar priz kentañ en ur genstrivadeg istorioù aozet gant ur gelaouenn skiant-faltazi ha spont. E romant kentañ, Song of Kali, a voe embannet e 1985.

Emañ bremañ o chom e Longmont, nepell diouzh Denver (Colorado), asambles gant e wreg Karen hag e verc'h. Al lec'h a blij dezhañ ar muiañ evit skrivañ eo e eilti er menezioù, e Windwalker, e su park broadel Rocky Mountain. Dan Simmons en deus staliet dirak e eilti un delwenn eus ar "Shrike", savet gant e vignon ha studier kent Clee Richeson. Ur poltred dezhañ a c'haller gwelet war lec'hienn ofisiel Dan Simmons.

Resevet en deus ar priz Hugo evit e romantoù Hyperion ha The Fall of Hyperion, a ya d'ober Kelc'hiad Hyperion, asambles gant Endymion ha The Rise of Endymion. Gounezet en deus ivez ar priz Locus evit kelc'hiad Ilium hag Olimpos.

• Hyperion (1989) - Hugo Award 1990, Locus Award 1990
• The Fall of Hyperion 1990 (Drouziwezh Hiperion)
• Endymion (1996)
• The Rise of Endymion, 1997 (Dihun Endimion)

• Ilium, 2003 - Locus Award 2004
• Olympos, (2005)

• Song of Kali, 1985) - World Fantasy Award 1986
• Carrion Comfort, 1989
• Phases of Gravity 1989
• The Summer of Night, 1991
• Children of the Night, 1992 - Locus Award 1993 (Skrid euzh)
• The Hollow Man, 1992
• Lovedeath, 1993
• Fires of Eden, 1994
• Le Styx coule à l'envers, 1997 (Dastumadenn embannet e Bro-C'hall)
• The Crook Factory, 1999
• Darwin's Blade, 2000
• Hardcase, 2001
• Hard Freeze 2002
• Hard as Nails 2003

• (en) Lec'hienn ofisiel Dan Simmons

Porched al Lennegezh – Gwelit ar pennadoù hag ar rummadoù diwar-benn al lennegezhioù.

Rummad Skiant-faltazi – Gwelit ar pennadoù hag an isrummadoù diwar-benn ar skiant-faltazi.