Post
|
Ur bajenn disheñvelout eo homañ, da lavarout eo ur roll pennadoù hag a zo damheñvel o anv. Bremañ e c'hallit dibab ennañ ar pennad emaoc'h o klask. Mard oc'h bet degaset amañ dre ul liamm diabarzh en ur pennad e c'hallit kemmañ al liamm evit m'ho kaso war-eeun d'ar bajenn emaoc'h o klask. |
Post (pester pe postoù, el liester) a vez lavaret eus meur a dra e brezhoneg.
Un dra sanket en douar
Gallout a ra bezañ ur pezh hirik e koad, metal, simant, hag all, a sanker en douar pe e stalier warnañ :
- ma vez lavaret reut evel ur post kleud (kloued)
- a vez staget loened oute a-wechoù, givri da skouer (selout ouzh strapenn)
- a veze staget tud gondaonet oute gwechall, gwelout post-ar-vezh (anvioù all : post-an-dalc'h, post-an-dro-c'houzoug, post-ar-c'holier, post an dorfedourien)
- a vez staget traoù oute, evel panelloù-hent
- a vez lakaet e tachennoù sport, pa gomzer eus postoù rugbi, pe mell-droad
- a c'hall bezañ graet e maen, simant, a c'hell bezañ tolzenneg, pa gomzer eus postoù (pe pileroù) ur pont, met e reer gant peul pa vez anv eus postoù uhel tre evit an tredan, ar c'hehentiñ dre wagennoù
- a zo e metal ivez implijet e pleustradegoù ar gorfembregerezh, dañs a-wechoù
Labour-douar
Gallout a ra bezañ brec'h un arar ma komzer eus pester an arar.
Kordenn
Gallout a ra bezañ pakad neudennoù gros gweet asambles d'ober ur gordenn ma komzer eus postoù ur gordenn.
Lizherenn
Ar rann serzh e-barzh skrivadur ul lizherenn.
Poent da vezañ tretet war roll an divizoù
En ur brezegenn, un diviz, ur roll-labour… e c'heller diboullañ poentoù pe temoù dibar a reer ar postoù anezho hag a reer dave outo diwar o urzh.
Labour
Gallout a ra bezañ al lec'h labour, ha karp pe micher da-heul pa lavarer eus un den en deus ur post mat. Komz a reer eus ur post-labour.
Ar Post
Ul lec'h arsav e oa pa veajed gwechall gant kirri sachet gant kezeg, ha war un dro an ti ma veze kavet kezeg diskuizh, hag un den anvet postilhon karget d'ober war e dro. Diwar-se eo bet anvet ar post, ar melestradur karget da gas lizheroù, gant ar c'harr ha gant kezeg gwechall, hag al lec'h ma vez roet al lizheroù (pe lizhiri) da gas.
Skouerioù melestradur ar seurt-se e broioù zo :
- An Post en Iwerzhon
- Deutsche Post en Alamagn
- La Poste er broioù gallek, en o zouez La Poste, anv ar melestradur-se e Bro-C'hall, hag e Breizh da-heul
Gwelout boest-post, ti-post, kod-post, kartenn-bost, postel.
.post zo un anv domani internet miret d'ar servijoù post.
Skingomz ha skinwel
Gallout a ra ober dave d'ur benveg skingomz pe skinwel :
- ar post skingomz, pe ar post bihan
- ar post skinwel, pe ar post bras
Benveg
Gallout a ra bezañ ur benveg.
Dre astenn, sikour, harp
- evel en anv Pabo Post Prydain
- pa lavarer bezañ post d'un den en e gozhni
-
Post en ur straed en Alamagn, ha panelloù-hent stag outañ -
Postoù rugbi -
Post-dour, da stourm ouzh un tan-gwall -
Banniel Danmark ouzh ur post hir. -
Plac'h ar post: ur Go-Go dancer stadunanat o tañsal en-dro d'he fost (2012)
Anvioù-familh
Post, von Post ha van der Post zo anvioù nederlandek pe alamanek :
- Pieter Post (1608-1669), livour, engraver ha savour izelvroat
- Wiley Post (1898-1935), nijour stadunanat
- Emil Post (1897-1954), matematikour stadunanat
Postek zo un anv-tiegezh brezhonek.
Anvioù-lec'h
Kavet e vez e anvioù-lec'h ivez :
- Ar Post, kêriadenn e Lanniskad, bremañ e kumun nevez Berrepoz-ar-Blavezh
- Post, ur gêr e Texas
- Y Post Bach, ur gêriadenn e Kembre
E saozneg
E saozneg e kaver ar ger en anvioù kazetennoù :
- er Stadoù-Unanet :
- The Washington Post
- New York Post
- The Christian Post
- e broioù all
- The Jerusalem Post, en Israel
- The Sunday Post, e Bro-Skos
- National Post, e Kanada
- The Sunday Business Post, en Iwerzhon
- Australasian Post, en Aostralia
- Post Magazine, embannet e 1840 e Breizh-Veur
E latin
E latin eo un araogenn, a dalv kement ha goude, hag a gaver er ger post-scriptum.
Adkemeret e vez ar ger e saozneg da fardañ gerioù nevez : post-war, post-punk, post-modern ...