Seth_(homa)

Seth
Seth
Melumato şexsi
Cınsiyet	Camêrd
Hempar	Nephthys, Taweret û Neith
Domani	Anubis û Sobek
Maye	Nut
Pi	Ra û Geb

Seth (ya zi Seteş, Sutekh, Setekh û Suty), dinê Mısırê Antiki dı yew Homayo. Seth çol, vayê gırdi, pêrodayış, leckerdış û yebanan ra mesulo. Yunano Antik dı nameyê cı zey Sēth (Σήθ) biyo. Dinê Mısırê Antiki dı Homao Gırd Ra kar dano Seti rê kı o pıro bıdo Apepi. Apep zi Homay kaosano, yew maro bınê Deryay Sûri dı weşiya xo rameno. Seth be Alepi lec keno coka mitolociya Mısırê Antiki dı ca û caygey cı muhimo. Seth hukımdarê (lord, beg) çolê Mısıri biyo be Homay herrı (erdi) Horusi denge vıraşto.

Mitolociya Mısırê Antiki dı Set zey yew zorba ameyo motış û Seti bıray xoyo dırbetın Osiris kışto.

Kamiya cı

Set, bıray Osirisiyo. İsis, hem waya hem zi cênıka Osirisiya, lacê inan Horuso. Lacê Seti Anubis amariyeno, ema esasên o lacê ey niyo. Nephthys camêrdo xo ra elaqa nêdiyo kı coka zi sihir kerdo û xo zey İsisi mota. Aniya zi İsis û Nephthys yewbini rê zaf nezdi asenê. Yew şan dı Nephthys Osirisi kena sereweş (serxoş) û ey ra yew tûtê cı beno. No leyrek zi Anubis beno.

Set desto bin ra anti-tezê Osirisiyo, Osiris merdımê do firazo, bereket ano. Pêrone lecanê Horusi dı Homa kı cênıka Neithe waşta kı Horusi rê text, Seti rê zi Homay Astarte û Homa Anat bıdo.

Set, be kıştışê bıray xo Osirisi namdaro, yani ey bıray xo kışto wıni zi biyo namdar, name kerdo. Gorey mitolociya Mısıri merdımi û Homay Osirisi sinenê, ey ra hes kenê. Key Osiris qeydan nanê ro, merdımi be zerrıweşi anê be ca. Coka zi bıray ey Sethi wazeno kı bıray xo miyan ra wedaro, hewa do, ey ra bıxıleso û ey bıkışo. Sethi yew plan vırazeno, 72 merdımi zi ey rê peşti danê cı. Sethi berziya bıray xo ra gore yew tebut dano vıraştış û tebuti zaf rınd xemelneno, tebutê do zernên vırazeno. O yew roşan vırazeno, bıray xo Osiriz di sılayi (dawet) keno. Peyniya roşani dı zi Sethi tebuti veceno miyan, vano kı tabut bedenê kami rê mınasib yeno se, o do tabuti cı ra bıdo cı. Her kes kewno (kuno) tabut û tebut ra veciyeno. Her kes ra tepeya bıray cı Osiris zi kewno (kuno) tebut, Seth tebuti padano (qapan keno), mıx keno, tebuti erzeno ro Royê Nili.

Linkê teberi

Mısıro antik Mitolociya Mısıri
Heşt Homaê Heliopolisıci/Ogdoad
Amun/Amunet \| Huh/Hauhet \| Kuk/Kauket \| Nu/Naunet
New Homaê Heliopolisıci/Ennead
Atum \| Şu/Shu \| Tefnut \| Geb \| Nuit/Nut \| Ausare/Osiris \| İsis/Aset \| Set \| Nebet Het/Neftis
Homa u Homaê bini
Anubis \| Apis \| Aten \| Bast \| Djehuty \| Hathor \| Horus \| Khepri \| Chons \| Maàt \| Min \| Neith \| Ptah \| Ra \| Sekhmet \| Sobek \| Wepwawet \| Heryşaf