Iberia Junul-Liberecana Federacio
| Iberia Junul-Liberecana Federacio | ||
|---|---|---|
| ||
organizaĵo 
| ||
| Komenco | 1932 vd | |
| Lando(j) | Hispanio vd | |
| Ideologio | ||
| Retejo | Oficiala retejo | |
La Federación Ibérica de Juventudes Libertarias (FIJL), Iberia Junul-Liberecana Federacio aŭ Iberia Federacio de Liberecana Junularo estis organizo de anarkistaj junuloj kreita en Madrido, Hispanio, en 1932 dum la Dua Hispana Respubliko. Foje ĝi estas konata simple kiel la Juventudes Libertarias aŭ Liberecana Junularo, kaj pro ties mallongigo JJLL. Multaj elstaraj aktivuloj de la anarkosindikatisma movado aŭ de la CNT estis antaŭe membroj de la JJLL. Dum la milito la organizo kreskiĝis spite la dediĉo al la militaj taskoj, sed ankaŭ pro la klara ekstremiĝo de la populacio en la respublika flanko.
Februare de 1937 oni realigis en Valencio Nacian Konferencon de Regionoj de JJLL (la 2a kongreso de la FIJL), kun la jena partopreno (delegitoj de):
- Andaluzio: 7.400 aliĝintoj,
- Ekstremaduro: 1.907 aliĝintoj,
- Valencia Regiono: 8.200 aliĝintoj,
- Centro 18.469 aliĝintoj,
- Aragono: 12.089 aliĝintoj,
- Katalunio: 34.156 aliĝintoj.
Post la Hispana Enlanda Milito aperas du branĉoj:
- Juventudes Libertarias en Hispanio, subpremata de la diktatoreco de Francisco Franco kaj multfoje rekonstruita.
- Juventudes Libertarias (internacia), sideje en Parizo, formita de ekziliitoj.
Je la rekonstruo de la CNT kaj de la liberecana movado je la fino de la 1970-aj jaroj la organizo denove rekonstruiĝis.
21a jarcento
Dum la unuaj jaroj de la 21a jarcento, la FIJL evoluas al insurekciaj sintenoj kaj la diferencoj kun la organizita anarkosindikatismo evidentiĝas. La subpremado kontraŭ la organizo postis ĝin al la kaŝiteco.[1]
Nova generacio de anarkistaj junuloj decidis formi alian similan federacion ekde 2006, kaj diference de la "insurekciisma FIJL" planas survoji kun la anarkosindikatismo. En la jaro 2007 tiun novan organizon oni fondis definitive laŭ la mallongigo FIJA sed kiel agnosko, ke ili estas sukcedaj de la historia FIJL.[2] Ili publikas gazeton nomita "Fuelle" kie foje aperas tekstoj favoraj al Esperanto.
Spite tio, la insurekciisma FIJL pluaktivas kaj pluhavas sian nomon, diferencige de la nova FIJA.
Referencoj
Eksteraj ligiloj
- FIJA Arkivigite je 2012-04-13 per la retarkivo Wayback Machine (sukceda de la historia FIJL)
- Blogo pri la historio de la FIJL (hispanlingve)