Majo de 2005

Aktualaĵoj en majo de 2005

• Diversaj manifestacioj en Ajuno, Daĥlo kaj kelkaj marokaj urboj, favore al suvereneco de Okcidenta Saharo.

• Rusia ĉefurbo Moskvo restis sen elektro. Proksimume duono de la urbo kaj ankaŭ multaj apudurboj estas absolute senigitaj de elektroenergio. Tio kaŭzis halton de kvin (el pli ol dek) linioj de metroo, misfunkcion de pluraj Interretaj serviloj kaj telefon-retoj. Malsanulejoj, parlamento, kosmoŝipa centro kaj aliaj gravaj konstruaĵoj transiris al aŭtonomaj elektrocentraloj. Simila energia krizo okazis antaŭe en Usono (aŭgusto 2003).

• Troviĝis la kadavroj de 16 ĉiliaj soldatoj en la Andoj; restas 29 soldatoj netrovitaj. La ĉilia prezidento, Ricardo Lagos, deklaris 3 tagojn de funebrado.

• Koreaj sciencistoj sukcese faris praĉelojn el klonitaj embrioj de malsanuloj. La atingo eblas doni novajn kuracadojn kontraŭ iuj malsanoj.

• La kuvajta parlamento ŝanĝas la balotan leĝaron tiel ke de nun virinoj rajtas voĉdoni kaj kandidati en parlamentaj balotoj.
• Hispanio kiel sepa lando ratifas la konstitucion de la Eŭropa Unio. Post referendumo kaj voĉdono en la kongreso de deputitoj, nun ankaŭ la senato voĉdonis por la konstitucio, tiel ebligante la ratifon.

• Laŭ NRO-oj jam estis mortigitaj 500 ĝis 600 homoj en la subpremado de la insurekcio en Uzbekio.

• Solena kunmemoro de la datreveno de la liberigo de la nazia koncentrejo Mauthausen. Interalie, unuafoje partoprenas hispana reprezentanto, prezidento José Luis Rodríguez Zapatero, kiu omaĝas la milojn da hispanaj respublikanoj tie murditaj.

• Sinmortiga bombatenco en la kurda urbo Irbil de Irako mortigas pli ol 50 personojn. En alia incidento, 9 irakaj soldatoj estas mortigitaj en bombatenco en sudo de Bagdado.
• Israelo haltigas la foriron el Cisjordanio ĝis la palestinaj militantaj grupoj estos senarmigitaj.

• Du usonaj militaviadiloj kolizias super Irako pro malbona vetero. Unu piloto mortis, la alia estas malaperinta.
• Ĉinio preparas donaci al Tajvano du grandajn pandojn kiel signon de bonvola gesto.

• Ortodoksaj kristanoj, precipe en orienta Eŭropo, sed ankaŭ tutmonde, festas la Paskon. Laboristaj movadoj festas la tagon de la laboro.