La asocio Racing Club – ofte ankaŭ nomata Racing Club de Avellaneda, ekster hispanlingvio foje ankaŭ Racing Buenos Aires – estas futbalklubo en Avellaneda, industria antaŭurbo de granda Bonaero ĉirkaŭ la argentina ĉefurbo en la provinco Bonaero. Sian unuan grandan tempon la klubo havis inter la jaroj 1913 kaj 1925, kiam la unua vira teamo de la klubo naŭfoje iĝis nacia ĉampiono. Inter la jaroj 1949 kaj 1966 aldoniĝis ses pliaj naciaj ĉampionaj titoloj. La klubo internacie konatiĝis, kiam en 1967 ĝi gajnis la pokalon Copa Libertadores, la plej gravan futbalteaman trofeon en Sudameriko, kaj samjare ankaŭ la Interkontinentan Pokalon.
