Beja (Portugal)

Beja
	Portugalgo udalerria
	Irudi gehiago
Administrazioa
Estatu burujabe	Portugal
Portugalgo barrutia	Beja
Posta kodea	7800
Geografia
Koordenatuak	38°00′56″N 7°51′55″W / 38.0156°N 7.8653°W
	<img src="https://maps.wikimedia.org/img/osm-intl,10,38.0156,-7.8653,280x250.png?lang=eu" width="280" height="250" decoding="async" srcset="https://maps.wikimedia.org/img/osm-intl,10,38.0156,-7.8653,280x250@2x.png?lang=eu 2x" alt="Map">
Azalera	1.146,44 km²
Altuera	243 m
Mugakideak	Vidigueira, Serpa, Mértola, Castro Verde, Aljustrel, Ferreira do Alentejo eta Cuba
Demografia
Biztanleria	35.854 (2011)
Dentsitatea	31 bizt/km²
Informazio gehigarria
Ordu eremua	UTC±00:00
Hiri senidetuak	Béja (en)
	cm-beja.pt eta cm-beja.pt

Beja Portugalgo Bejako barrutian dagoen udalerria da eta beronen hiriburua. 2011ko erroldaren arabera, herriak 34.387 biztanle ditu.

Geografia

277 metrotako garaiera duen muino batean kokaturik dago Beja, Alentejo Behereko lautada zabalaren erdian.

Banaketa administratiboa

Fregesiak

Albernoa
Baleizão
Beringel
Cabeça Gorda
Mombeja
Nossa Senhora das Neves
Quintos
Salvada
Salvador

Santa Clara de Louredo
Santa Maria da Feira
Santa Vitória
Santiago Maior
São Brissos
São João Baptista
São Matias
Trigaches
Trindade

Demografia

Biztanleriaren bilakaera (1801 – 2011)^[1]
1801	1849	1900	1930	1960	1981	1991	2001	2011
14.971	14.824	25.382	37.143	43.119	38.246	35.827	35.762	35.730

Historia

Zeltiarrek populatu zuten eremua eta Julio Zesarrek lusitaniarrekin bakea lortu zuela ospatzeko Pax Julia izena hartu zuen k.a. 48 urtean. Lusitania probintziako hiriburuen artean hegoalderen zegoen, beste biak Santarém eta Braga baitziren. V mendean bisigodoek eskuratu eta Paca izena hartu zuen. San Aprigio bihurtu zen 530 urtean Pacako lehen apezpikua.

713 urtean omeiatarrek eskuratu zuten. 1031ean taifa bihurtu zen eta hurrengo mendeetan Sevillako kaluifaren aurkako Algarveko iraultza bultzatu zuen. 1150 urtean almohadeek eskuratu zuten eta beren Afrika iparraldeko inperioan barneratu zuten. Hurrengo urteetan Portugaldarren eta mairuen eskuetan egon zen hainbat aldiz, harik eta 1234 urtean Antso II.ak betirako eskuratu zuen arte. Istilu guzti hauek populazioa nabarmen jeitsiaraztea ekarri zuten.

1521 urtean Manuel I.ak hiri estatusa eman zion eta hau hartzen da hiriaren fundazio data. XVII mendean espainiarren eta portugaldarren arteko gerran eskuz aldatu zen sarritan. 1770 urtean apezpikutza eskuratu zuen berriz, 1000 urteren ondoren. 1808an frantziar tropek hiria erasotu eta harpilatu zuten.