Kaziranga natura parkea

Kazirangako Parke Nazionala
Gizateriaren Ondare
II. maila: parke nazional
Datu orokorrak
Mota	parke nazional
Azalera	170 mi²
Geografia
Koordenatuak	26°40′00″N 93°21′00″E / 26.6667°N 93.35°E / 26.6667; 93.35
Honen parte da	Assam
Kokapena	Golaghat barrutia
Herrialdea	India
Indiako estatua	Assam

Kazirangako parke nazionala (assameraz: কাজিৰঙা ৰাষ্ট্ৰীয় উদ্যান, Kazirônga Rastriyô Uddan, kazirɔŋɡa rastrijɔ udːan ahoskatua) Indian, Assamen, dagoen parke nazionala da, Asiako zaharrenetakoa.

1908an sortu zen, eta Indiako interesgarrienetako bat da, errinozero adar-bakarrak (Rhinoceros indicus) bizi baitira bertan. Errinozero-mota hori galtzeko arriskuan dago, galtzeko arrisku handiena duten animalietako bat da.

Parkeak 42.900 ha-ko eremua du, eta Brahmaputra ibaiaren ezkerraldean dago. Garaiera txikiko ordokia hartzen du, batez beste itsas mailatik 76 m-ra, eta habitat zingiratsuak babesten ditu bereziki. Ibarreko landareen artean nagusiak anfibioak dira, kariak (Phragmites karna) eta Saccharum generoko banbuak, 6 m-tik gorakoak. Horrez gainera, hainbat errekaren bazterretan akazia-basoak daude. Ugaztunen artean, Indiako errinozeroez gainera, Asiako elefanteen (Elephas indicus) eta bufalo basatien samaldak (Bubalus bubalus) bizi dira bertan, eta horiez gainera zingira inguruetako ugaztun bereziak daude, Indiako bisoia, hainbat orein-mota, kokondoetako hartzak eta Himalaiako hartz beltzak, hainbat zerri basati, bereziki basurde pigmeo berezia (Sus sylvanus). Primateen artean makakoak eta langurra (tximino handia, ile beltzekoa, eta aurpegian ile luzea duena) dira nagusiak. Hegazti ugari daude, mota desberdin askotakoak, baina aipagarrienak hauek dira: arrano arrantzalea, Pallaseko pigargoa, hainbat zikoina-mota eta uretako beste hegazti batzuk, hala nola, lertxun beltza.

	Gizateriaren Ondarea Indian
Kulturala Agrako Gotorlekua (1983) • Ajanta (1983) • Ellora (1983) • Taj Mahal (1983) • Mahabalipuram (1984) • Sûrya tenplua (Konârak) (1984) • Goako elizak eta komentuak (1986) • Hampi (1986) • Khajuraho (1986) • Fatehpur Sikri (1986) • Pattadakal (1987) • Elephanta leizeak (1987) • Chola tenplu handi bizidunak (1987) • Sanchi (1989) • Qutub Minar (1993) • Humayunen hilobia, Delhi (1993) • Mendiko burdin bideak (1999) • Mahabodhi tenplua (2002) • Bhimbetkako haizpeko babesa (2003) • Chhatrapati Shivaji geltokia (lehen Victoria Station) (2004) • Champaner-Pavagadh arkeologia parkea (2004) • Gotorleku Gorria (2007) • Yantra Mandir (2010) Naturala Kaziranga natura parkea (1985) • Keoladeonatura parkea (1985) • Manas natura parkea (1985) • Sundarbans natura parkea (1987) • Nanda Devi eta Loreen haran natura parkeak (1988) • Mendebaldeko Ghat mendiak (2012)