Aga Khan IV

Aga Khan IV
Nacemento	13 de decembro de 1936 e 1936
Lugar de nacemento	Xenebra
Nacionalidade	Reino Unido e Portugal
Alma máter	Universidade Harvard, Cours Hattemer e Instituto Le Rosey
Ocupación	empresario, esquiador alpino, magnate, comerciante, filántropo e Imán
Pai	Príncipe Aly Khan
Nai	Joan Yarde-Buller
Cónxuxe	Princess Salimah Aga Khan e Gabriele zu Leiningen
Fillos	Princess Zahra Aga Khan, Rahim Aga Khan, Hussain Aga Khan e Prince Ali Muhammad Aga Khan
Irmáns	Yasmin Aga Khan e Amyn Aga Khan
Premios	comendador da Lexión de Honor, Ordem de Mérito do Trabalho, Cabaleiro da Gran Cruz da Orde ao Mérito da República Italiana, honorary Canadian citizenship, Knight Commander of the Order of the British Empire, Companion of the Order of Canada, Premio Norte-Sur, Grand Officer of the National Order of the Lion, Orden da Amistade, Gran Cruz da Orde do Mérito Civil, Padma Vibhushan in trade & industry, Comendador das Artes e as Letras, Grand Cross of the National Order of Mali, Order of the Crown, National Order of Madagascar, Nishan-e-Pakistan, Order of the Golden Heart of Kenya, Sitara-i-Imtiaz, Order of the Throne, National Order of Upper Volta, Fellow of the Royal Institute of British Architects, Fellow of the American Academy of Arts and Sciences, Honorary doctor of the University of Ottawa, honorary doctor of Harvard University, Grã-Cruz da Ordem do Mérito, Grã-Cruz da Ordem Militar de Cristo, Grã-Cruz da Ordem da Liberdade, honorary doctorate from the American University of Beirut, honorary doctorate from the University of British Columbia, honorary doctor of Simon Fraser University, honorary doctor from the NOVA University Lisbon, honorary doctorate from the University of Cambridge, honorary doctorate from the University of Alberta, doutor honoris causa pola universidade de Toronto, Honorary doctorate from Brown University, honorary doctorate from the McGill University, honorary doctorate from McMaster University e Order "Danaker"
Na rede
[ editar datos en Wikidata ]
v c e

Aga Khan IV, nado como Karīm al-Ḥussayni o 13 de decembro de 1936 en Xenebra, é o 49º imán dos musulmáns ismaelís nizarís dende o 11 de xullo de 1957 e como descendente do xa Fath Ali utiliza o título de príncipe ^[1], co tratamento de 'Alteza', concedido pola raíña Isabel II logo da morte de seu avó^[2]. O xa de Irán Mohammad Reza Pahlavi, concedeulle o tratamento de 'Alteza Real' en 1959 pero tras da revolución de 1979 carece de forza legal en Irán^[3].

Traxectoria

Familia e primeiros anos

Fillo máis vello do príncipe Ali Khan (1911–1960) e da súa primeira dona, Joan Barbara Yarde-Buller (1908–1997), filla do terceiro barón de Churston^[4], menos nun ano despois naceu o seu irmán, o príncipe Amyn ^[5]. Seus pais divorciáronse en 1949, en parte polas relacións extraconxugais de seu pai^[6], e ao pouco casou coa actriz estadounidense Rita Hayworth, coa que tivo unha filla, Yasmin Aga Khan.

Aga Khan tamén ten un medio irmán por parte de nai, Patrick Benjamin Guinness (1931–1965), froito do seu primeiro matrimonio con Loel Guinness^[7]

Pasou a súa infancia en Nairobi^[8], primeiro recibiu clases privadas e logo, xa en Suíza, escolarizouse no Institut Le Rosey, a escola máis cara de Europa,^[9] e alí permaneceu durante nove anos ata pasar á Universidade Harvard, onde se graduou en historia oriental^[10]

Imanato nazarí

En 1957 ao morrer seu avo, Aga Khan III, Karim converteuse no novo iman dos nazarís, a principal rama do ismailismo, á súa vez pertencente ao islamismo xiíta. A súa designación foi unha decisión persoal do anterior imán malia a tradición que faría herdar a seu fillo e non a seu neto. A súa entronización foi na capital de Tanzania, Dar es-Salaam^[11].

De novo participou en competicións de esquí alpino e interveu nos Xogos Olímpicos de 1964 representando a Irán^[12]. Casou en 1969 coa antiga modelo Sarah Frances Croker-Poole, que adoptou o nome de Salimah, coa que tivo tres fillos, Zahra Aga Khan nada en 1970, Rahim Aga Khan en 1971) e Hussain Aga Khan en 1974. A parella separouse en 1984^[13]

Aga Khan volveu casar en 1998 con Gabriele Renate Thyssen que asumiu o nome de Begum Inaara Aga Khan, a unión durou ata 2004^[14][15]. Aínda que o acordo de divorcio non se realizou ata 2014^[16]. Con Begum Inaara, o Aga Khan tivo un fillo: Ali Muhammad Aga Khan, nado en 2000.

Negocios

Forbes estima a súa fortuna en 1 000 millóns de dólares (2010)^[17]. É propietario de centos de cabalos de carreiras e numerosas propiedades ao longo do mundo, aínda que a súa residencia principal está en Aiglemont, no concello de Gouvieux, ao norte de París.

O Aga Khan participa en numerosas iniciativas económicas e financeiras, áreas como as comunicacións ou os hoteis de luxo. En 1959 fíxose cun xornal kenyano e fundou Nation Media Group^[18], un grupo de prensa que se converteu nun dos principais do leste de África. Na década de 1990 fíxose cun grupo de hoteis de luxo en Italia, CIGA e por medio do Aga Khan Fund for Economic Development controla o grupo Serena Hotels^[19].

En 1967 estableceu a Fundación Aga Khan, unha organización sen ánimo de lucro que acabou integrando na Aga Khan Development Network, unha das máis importantes axencias privadas de desenvolvemento das condicións económicas dos países máis pobres e que constitúen un conxunto de institucións que cobren diversos dominios: agricultura, industria, arquitectura, educación ou saúde^[20].

Notas