Altza

Altza

Localización
43°18′50″N 1°56′05″O / 43.31389, -1.93472Coordenadas: 43°18′50″N 1°56′05″O / 43.31389, -1.93472
Estado	España
Comunidade autónoma	País Vasco
Provincia	Guipúscoa
Comarcas	Donostialdea
Municipio	Donostia
Xeografía
Altitude	93 m

Altza é un barrio da cidade de Donostia que ocupa a súa zona leste, no límite co concello de Pasaia. Ten unha poboación de 21.487 habitantes.

Historia

Aínda que historicamente formou parte do concello de Donostia, durante algúns períodos foi concello independente, primeiro entre 1821 e 1823, e posteriormente entre 1879 e 1940.

Historicamente, Altza era unha entidade eminentemente rural. O núcleo urbano situábase nun outeiro que dominaba a baía de Pasaia, contaba cun barrio portuario (Herrera) e varios casaríos distribuídos polo termo municipal, e limitaba co barrio de Buenavista de Pasaia e co alto de Miracruz e Martutene, no concello de Donostia.

Despois da súa última anexión, varias ondas de inmigración cambiaron a súa fisonomía e socioloxía nas décadas de 1960 e 1970, converténdose na principal zona de expansión da cidade e nacendo novos barrios como Bidebieta ou Intxaurrondo. Polo tanto, o actual barrio de Altza comprende só unha parte do antigo concello, concretamente a comprendida entre a autoestrada AP-8 e o porto de Pasaia, separado do resto da cidade de Donostia por un enlace da AP-8. O actual Altza está formado polos barrios de Altza Gaina, Arria, Auditz-Akular, Buenavista, Eskalantegi, Herrera, Larratxo, Molinao e Oleta.

Véxase tamén

Ligazóns externas