Argonáutidos

Argonáutidos
Argonautidae
Rango fósil: oligoceno – actualidade

Argonauta argo
Clasificación científica
Reino: Animalia
Filo: Mollusca
Clase: Cephalopoda
Orde: Octopoda
Suborde: Incirrina
Superfamilia: Argonautoidea
Familia: Argonautidae
Cantraine, 1841 [1]
Xénero: Argonauta
Linnaeus, 1758 [2]
Especies
  • Véxase o texto
Femia de Argonauta nodosa.

A dos argonáutidos (Argonautidae) é unha familia de moluscos cefalópodos peláxicos da suborde dos incirrinos,[3] unha das dúas en que se divide a orde dos octópodos,[4] que comprende un único xénero vivente, Argonauta Linnaeus, 1758.[3] e varios extintos coñecidos vulgramente como argonautas e,[5] ás veces, como náutilos de papel, debido ás cápsulas, finas como o papel, que segregan as femias para transportaren os ovos; porén, esta estrutura carece das cámaras cheas de aire presentes na cunchas dos náutilos, e non é unha verdadeira cuncha de cefalópodo, senón máis ben unha innovación evolutiva única no xénero Argonauta.[6]

Taxonomía

Descrición

A familia foi descrita en 1841 polo zoólogo belga, especializado no estudo da bioloxía mariña, François Joseph Cantraine, no seu traballo máis famoso, "Malacologie méditerranéenne et littorale, ou description des mollusques qui vivent dans la Méditerranée ou sur le continent de l'Italie, ainsi que des coquilles qui se trouvent dans les terrains tertiaires italiens; avec des observations sur leur anatomie, leurs moeurs, leur analogie et leur gisement", en Nouveaux mémoires de l’Académie Royale des Sciences et Belles-Lettres de Bruxelles, t. 13, Bruxelles: M. Hayez, 1841, p. 1-176.

Etimoloxía

O termo Argonauta deriva do nome dos argonautas,[7] (en grego antigo Ἀργοναύται Argonaýtai), un grupo de heroes da mitoloxía grega que, en anos anteriores á guerra de Troia, acompañaran a Xasón á Cólquida, na busca do vélaro de ouro. Este nome procede, á súa vez, do nome da súa nave, a Argo (en grego antigo Ἀργώ Argó), que fora designada así en honra do seu construtor; de xeito que, literalmente, argonautas significa "mariñeiros do Argo".

Xéneros extintos

  • †Izumonauta
  • †Kapal
  • †Mizuhobaris
  • †Obinautilus

Especies actuais

Na acualidade recoñécense as especies seguintes:

Xénero Argonauta Linnaeus, 1758

  • Argonauta argo Linnaeus, 1758
  • Argonauta hians Lightfoot, 1786
  • Argonauta nodosus Lightfoot, 1786
  • Argonauta nouryi Lorois, 1852

Notas

  1. ↑ Nota: para algúns autores, o descritor da familia foi Tyron, en 1879.
  2. ↑ Linnaeus, C. (1758): Systema Naturae per regna tria naturae, secundum classes, ordines, genera, species, cum characteribus, differentiis, synonymis, locis. Editio decima, reformata. Laurentius Salvius: Holmiae. p. 708.
  3. ↑ 3,0 3,1 Argonautidae Cantraine, 1841 no WoRMS.
  4. ↑ Octopoda no WoRMS.
  5. ↑ argonauta2 no diconario da RAG.
  6. ↑ Naef, A. (1923): "Die Cephalopoden, Systematik". Fauna Flora Golf. Napoli 35 (1): 1–863.
  7. ↑ argonauta1 no diconario da RAG.

Véxase tamén

Bibliografía

  • Felley, J., Vecchione, M., Roper, C. F. E., Sweeney, M. & Christensen, T. (2001-2003): Current Classification of Recent Cephalopoda. National Museum of Natural History: Department of Systematic Biology: Invertebrate Zoology: Cephalopods
  • Nixon, Marion & John Z. Young (2003): The brains and lives of Cephalopods. Oxford University Press. ISBN 0-19-852761-6.
  • Norman M. D.; Finn J. K. & Hochberg F. G. (2014): "Family Octopodidae". In P. Jereb, C. F. E. Roper, M. D. Norman & J. K. Finn (eds). Cephalopods of the world. An annotated and illustrated catalogue of cephalopod species known to date. Volume 3. Octopods and vampire Squids. FAO Species Catalogue for Fishery Purposes. Rome, FAO. 4 (3): 36-215.
  • Strugnell J. M., Norman M. D., Vecchione M., Guzik, M. & Allcock A. L. (2014): "The ink sac clouds octopod evolutionary history". Hydrobiologia 725: 215-235.
  • Vaught, K. C. (1989): A classification of the living Mollusca, American Malacologists, Melbourne, FL (USA). ISBN 0-9158-2622-4.

Outros artigos

Ligazóns externas