David Gutiérrez de Coz

David Gutiérrez de Coz

Biografía
Nacemento	6 de febreiro de 1980 (44 anos) Sevilla, España
Datos persoais
País de nacionalidade	España
Actividade
Ocupación	futbolista
Período de actividade	1999 -
Lingua	Lingua castelá
Deporte	fútbol
Posición de xogo	Defensa
Traxectoria   Equipo - Real Betis Balompié 1999-2003 Real Betis Balompié B 80 (0) 2003-2005 Asociación Deportiva Ceuta 55 (0) 2005-2007 Xerez Club Deportivo 55 (2) 2007-2010 Real Murcia 80 (1) 2010-2011 Córdoba Club de Fútbol 30 (1) 2011-2012 →cesión a  Cádiz CF 30 (1) 2011-2013 Granada CF 0 (0) 2012-2013 →cesión a  CD Lugo 33 (1) 2013- CD Lugo

David Gutiérrez de Coz, nado en Sevilla o 6 de febreiro de 1980, é un exfutbolista español que xogaba de lateral dereito.

Nado en Sevilla, formouse na canteira do Betis. Na tempada 1999/00 debutou co Betis B na Segunda División B, onde xogou tres tempadas antes de asinar coa Asociación Deportiva Ceuta da mesma categoría. No equipo ceutí permaneceu dous anos, e as súas destacadas actuacións levárono a ser fichado polo Xerez Club Deportivo da Segunda División. Alí xogou 30 partidos no seu primeiro ano, marcando dous goles, e 18 no segundo.

Tras comezar a tempada 2007/08 co club xerezano, asinou coa tempada comezada e o período de traspasos fechado polo Real Murcia da Primeira División, grazas a un permiso especial outorgado pola Real Federación Española de Fútbol debido a que o Murcia perdera por unha grave lesión ao veterano Curro Torres.^[1] Debutou en Primeira o 24 de novembro de 2007 no empate 1-1 ante o Real Madrid no estadio Nueva Condomina, xogando o partido enteiro,^[2] e mantivo a titularidade durante toda a tempada. Porén, o equipo acabou descendendo finalmente á segunda categoría. De Coz continuou no Real Murcia dous ano máis, até 2010, cando o equipo sufriu un novo descenso, desta vez á Segunda B.

Fichou entón polo Córdoba da Segunda División, onde foi un xogador fundamental nos plans do adestrador Lucas Alcaraz. En agosto de 2011 asinou por dous anos co Granada da Primeira División, sendo inmediatamente cedido ao Cádiz, de Segunda B. Tras un destacábel ano no club gaditano, que conseguiu o ascenso, asinou polo Lugo, de Segunda. Xogou catro anos no club lucense, sendo unha das pezas importantes no equipo adestrado por Quique Setién nas súas dúas primeiras tempadas, pero perdendo protagonismo nas dúas últimas por mor das lesións.

• Datos do xogador en bdfutbol.com (en castelán)