Eleccións ao Parlamento Europeo de 2014

Eleccións ao Parlamento Europeo de 2014
← 2009  2019  →
Data	25 de maio de 2014
Tipo	eleccións ao Parlamento Europeo
Cargo elixido	751 eurodeputado ≈ VIII lexislatura do Parlamento Europeo. Duración do mandato: 5
Páxina web oficial	elections2014.eu…
Participación política
384.464.064 163.551.013    42.54٪
Resultado da votación
PES  — Martin Schulz 40.202.068   24.58٪ Deputado EPP  — Jean-Claude Juncker 38.610.376   23.61٪ Deputado 208 European Greens  — Ska Keller, José Bové 12.058.475   7.37٪ Deputado ALDE  — Guy Verhofstadt 11.652.405   7.12٪ Deputado EAF  — Nigel Farage, David Borrelli 10.830.339   6.62٪ Deputado PEL  — Alexis Tsipras 9.243.548   5.65٪ Deputado ECR Party  — Syed Kamall 8.612.168   5.27٪ Deputado

As eleccións ao Parlamento Europeo tiveron lugar entre o 22 e o 25 de maio de 2014, e celebráronse por primeira vez en 28 estados membros, logo da admisión na Unión Europea de Croacia.

As eleccións celebráronse entre o xoves 22 e o domingo 25 de maio, para seguir os costumes dos distintos países sobre o día habitual de votación. O primeiro país en votar foi o Reino Unido.

Celebráronse ao mesmo tempo que as eleccións ao parlamento europeo outros comicios:

• Eleccións locais parciais no Reino Unido.

O voto é obrigatorio en Bélxica, Grecia, Chipre e Luxemburgo, e optativo en todos os demais. Os países que teñen unha participación tradicionalmente máis alta son dous onde o voto é obrigatorio, pois Bélxica e Luxemburgo roldan o 90% de participación. Ademais, a participación tende a superar o 50% en Malta, Italia, Irlanda, Dinamarca, Chipre (obrigatorio), Letonia e Grecia (obrigatorio). Os países do leste europeo son máis abstencionistas con estados como Eslovaquia, Polonia, Lituania ou Croacia que se moven ao redor do 20-25% de participación.

Hai 66 circunscricións electorais. A maior parte dos países teñen unha única circunscrición, pero existen algúns que teñen varias: Polonia ten 13 circunscricións, e o Reino Unido 12; Francia ten 8 e Italia 5; Irlanda e Bélxica teñen tres cada unha.

O sistema máis común é o de listas abertas e voto proporcional, pero tamén existen excepcións precisamente nos países con máis electores: Alemaña, Francia, o Reino Unido, España. Romanía, Grecia, Portugal e Hungría teñen listas pechadas. É dicir, o 60% dos eurodeputados son escollidos en listas pechadas. Ademais, Irlanda, Malta e a circunscrición de Irlanda do Norte no Reino Unido teñen un sistema de voto transferible, onde se van descartando as opcións que teñen menos votos e considerándose segundas, terceiras, e demais opcións de preferencia do votante.

Estes comicios presentan como principais novidades fronte aos de 2009 estes:

• A incorporación de Croacia como estado membro en 2013 fai que esta sexa a primeira vez en que os seus cidadáns poidan escoller os seus representantes europeos. Acomodar a Croacia fixo necesario tamén axustar o repartimento de escanos.
• É a primeira ocasión en que os principais partidos se presentan ás eleccións cun candidato a presidir a Comisión Europea. O Tratado de Lisboa sinala que o Presidente da Comisión Europea debe de ser escollido polo Parlamento Europeo.

Repartimento de escanos no Parlamento Europeo

Circunscrición	2009	2014[1]	Poboación en 2013[2]	Habitantes / eurodeputado
Alemaña	99	96	80 523 746	838.789
Francia	78	74	65 633 194	886.935
Reino Unido	78	73	63 896 071	875.289
Italia	78	73	59 685 227	817.606
España	54	54	46 704 308	864.895
Polonia	54	51	38 533 299	755.555
Romanía	35	32	20 020 074	625.627
Países Baixos	27	26	16 779 575	645.368
Bélxica	24	21	11 161 642	531.507
Grecia	24	21	11 062 508	526.786
República Checa	24	21	10 516 125	500.768
Portugal	24	21	10 487 289	499.395
Hungría	24	21	9 908 798	471.848
Suecia	19	20	9 555 893	477.795
Austria	18	18	8 451 860	469.548
Bulgaria	18	17	7 284 552	428.503
Dinamarca	14	13	5 602 628	430.971
Finlandia	14	13	5 426 674	417.436
Eslovaquia	14	13	5 410 836	416.218
Irlanda	13	11	4 591 087	417.372
Croacia	—	11	4 262 140	387.467
Lituania	13	11	2 971 905	270.173
Eslovenia	7	8	2 058 821	257.353
Letonia	9	8	2 023 825	252.978
Estonia	6	6	1 324 814	220.802
Chipre	6	6	865.878	144.313
Luxemburgo	6	6	537.039	89.507
Malta	5	6	421.364	70.227
total	785	751	505 701 172	673.370

Os principais partidos europeos presentaron como candidatos a presidir a Comisión Europea os seguintes persoeiros:

• Alianza Progresista de Socialistas e Demócratas: Martin Schulz
• Partido Popular Europeo: Jean-Claude Juncker
• Alianza de Liberais e Demócratas por Europa: Guy Verhofstadt
• Verdes Europeos - Alianza Libre Europea: Ska Keller e José Bové
• Alianza de Conservadores e Reformistas Europeos: Non presentará candidato
• Esquerda Unida Europea - Esquerda Verde Nórdica: Alexis Tsipras
• Europa da Liberdade e da Democracia:
• Grupo Europarlamentario de Non Inscritos: Non presentará candidato

Os comicios celebráronse en Galicia o 25 de maio. Galicia non é unha circunscrición propia nas eleccións europeas, como si sucede con algunhas divisións territoriais noutros países da Unión Europea, polo que os seus votos súmanse aos emitidos no resto de España, e entre eles reparten os 54 escanos.

A estes comicios concorreron 41 formacións políticas, das que só unha candidatura é exclusivamente galega, a do Partido da Terra. Estas foron as candidaturas, os seus principais integrantes e os seus cabezas de lista:

• Partido Popular: Miguel Arias Cañete
• Partido Socialista Obrero Español: Elena Valenciano.
• A Esquerda Plural (IU + ICV + EUiA + ANOVA + Espazo Ecosocialista + Batzarre + FLV + OV-EV + Gira Madrid + CI-AS + EE-EI: Willy Meyer
• Coalición por Europa (CiU + PNV + CxG + CC + PNC e outros): Ramón Tremosa.
• A Esquerda polo Dereito a Decidir (ERC + NECat + Catalunya Sí) : Josep Maria Terricabras.
• Unión, Progreso y Democracia: Francisco Sosa Wagner.
• Os Pobos Deciden (Bildu + BNG + Andecha Astur + Puyalón de Cuchas + ANC): Josu Jairisti
• Foro de Ciudadanos (inclúe a Foro Asturias): Argimiro Rodríguez Guerra.
• Ciudadanos - Partido de la Ciudadanía (inclúe a Ciutadans): Javier Nart
• Primavera Europea (Compromís + Equo + ChA + PUM+J + Coalición Caballas + Participa + PCas + SIEX): Jordi Sebastià
• Partido Andalucista: Pilar Távora.
• Extremeños por Europa (IPEX + PREX-CREX): José Luis Velilla
• Extremadura Unida: José María Gijón
• Movimiento por la Unidad del Pueblo Canario: Deyanira Tabares.
• Proyecto Europa (ANV + BAr + PRAO + RePo + Unió): Rubén Vañó.
• PREPAL: Francisco Iglesias Carreño
• Partido da Terra: Isaac Zas.
• PACMA: Laura Duarte.
• Los Verdes Ecopacifistas - Centro Moderado: Abelardo Lloret.
• Confederación Pirata - European Pirates (entre eles Piratas de Galicia): Rubén-Darío Castañé
• Podemos: Pablo Iglesias Turrión.
• Partido X: Hervé Falciani.
• Movimiento Red (Movimiento de Renovación Democrática Ciudadana): Elpidio Silva.
• Ciudadanos Libres Unidos (CiLUs): Félix Laudelino de la Fuente.
• Agrupación de Electores Discapacitados y Enfermedades Raras: Eduard Carreras.
• Escaños en Blanco: Luis Prado García.
• Partido de la Libertad Individual: Juan Pina.
• Partido Humanista: Arturo Viloria.
• Iniciativa Feminista: Juana Santana.
• Solidaridad y Autogestión Internacionalista: María Elena García San Segundo
• Recortes Cero (que inclúe a UCE e a Los Verdes - Grupo Verde, ademais de independentes): Nuria Suárez Hernández
• Alternativa Republicana: Alfonso Vázquez Vaamonde.
• Por la República, por la Ruptura con la UE: Antonio Criado Barbero
• PCPE: Carmelo Suárez Cabrera
• Movimiento Corriente Roja: Antonio Rodríguez Carrillo.
• Movimiento Social Republicano: Juan Antonio Llopart.
• Democracia Nacional: Luis Zapater.
• Falange Española de las JONS: Norberto Pico
• La España en Marcha (NPE + La Falange + AN + MCE): Jesús Muñoz Martínez
• Vox: Alejo Vidal-Quadras Roca
• Impulso Social (Alternativa Española + Familia y Vida + Comunión Tradicionalista Carlista): Rafael López-Diéguez

• Partido Popular: Na candidatura figura en postos de saída Francisco Millán Mon (8), eurodeputado.
• O PSOE integra na súa lista en postos de saída o antigo ministro José Blanco (10).
• Izquierda Unida: Na candidatura figuran varios galegos. No número 5 irá Lidia Senra^[3] de Anova, e no número 7 figura Javier Couso irmán do xornalista asasinado Xosé Couso. No resto da candidatura van tamén os membros galegos de Izquierda Unida Saínza Ruíz (45) e Xosé Luis Outes^[4] (30), Carlos Lorenzo Simón (35), de Anova, e Juan Martínez García (52), de Espazo Ecosocialista^[5].
• A candidatura Os Pobos Deciden, encabezada por Bildu, inclúe como socio de coalición o BNG. A cabeza de lista do BNG a estas eleccións foi a europarlamentaria Ana Miranda Paz.
• A candidatura de Coalición por Europa, que encabeza CiU inclúe como socio de coalición a Compromiso por Galicia. O cabeza de lista de Compromiso a estas eleccións é Paulo Carlos López, elixido nun proceso de primarias, e cinco persoas máis de CxG van na candidatura.
• Ciudadanos - Partido de la Ciudadanía leva no seu número 31 a José Canedo Santos, quen fora voceiro de UPyD en Galicia.
• En Primavera Europea figura Loli Tobío, como suplente número 10, membro de Equo Galicia.
• A candidatura íntegra do Partido da Terra está formada por galegos, e está encabezada polo músico Isaac Zas.
• A candidatura da Confederación Pirata conta cun galego, Fabián Plaza (Piratas de Galicia), no número dous.
• Outras dúas formacións están encabezadas por galegos: a viguesa Laura Duarte lidera a candidatura do PACMA; e o viveirense Alfonso Vázquez Vaamonde, a de Alternativa Republicana.

É moi complexo ofrecer unha panorámica xeral de resultados por partidos, dado que a afiliación a cada grupo parlamentario europeo é individual. Ademais, a propia formación de grupos ou non dependerá dos resultados das eleccións e dos pactos posteriores.

O PPE é o grupo parlamentario de centro-dereita europeo, e recolle no seu seo a maior parte dos partidos conservadores do continente, entre eles o PP, afiliados ao Partido Popular Europeo. A S&D é o grupo parlamentario socialdemócrata, e recolle tamén a maior parte dos partidos de esquerda moderada europea, como o PSOE. A maior parte destes partidos pertencen á súa vez ao Partido Socialista Europeo. Estas dúas formacións ocuparon tradicionalmente a maior parte dos euroescanos.

A ALDE é o grupo parlamentario liberal, e nel coinciden, ademais doutras formacións, os partidos integrantes da ALDE (CDC), e do Partido Demócrata Europeo (PNV). A ALE é o partido que reúne a distintas minorías rexionais, e que forma grupo parlamentario cos Verdes; o BNG forma parte da ALE. A EUE-EVN é o grupo parlamentario de partidos de esquerda, esquerda ecoloxista e extrema esquerda; aos que pertence Izquierda Unida. A ACRE é un grupo parlamentario conservador, moderadamente euroscéptico, que agrupa a diferentes formacións de dereita do leste europeo e o Partido Conservador británico. O MELD tamén é un partido conservador e máis claramente euroscéptico, máis á dereita da ACRE.

Ademais existen no Parlamento Europeo un grupo restante, o Grupo Europarlamentario dos Non Inscritos, que recolle diversas formacións políticas que non atopan acomodo nos grandes grupos. Moitas destas formacións son de ultradereita e outras, como UPyD, de perfil populista, socioliberal ou conservador.

• Eleccións europeas 2014 Arquivado 21 de decembro de 2013 en Wayback Machine. (en varias linguas).
• Resultados das eleccións europeas de 2014 Arquivado 28 de maio de 2020 en Wayback Machine. (en varias linguas).
• Parlamento europeo (en varias linguas).