Lucretia Mott

Modelo:BiografíaLucretia Mott

Editar o valor en Wikidata
Biografía
Nacemento3 de xaneiro de 1793 Editar o valor en Wikidata
Nantucket, Estados Unidos de América (pt) Traducir Editar o valor en Wikidata
Morte11 de novembro de 1880 Editar o valor en Wikidata (87 anos)
Filadelfia, Estados Unidos de América Editar o valor en Wikidata
Causa da mortepneumonía Editar o valor en Wikidata
EducaciónOakwood Friends School (en) Traducir Editar o valor en Wikidata
Actividade
Ocupaciónactivista polos dereitos das mulleres, mestra, escritora, activista pola paz, abolicionista, predicadora, sufraxista Editar o valor en Wikidata
Familia
CónxuxeJames Mott Editar o valor en Wikidata
FillosMaria Mott, Thomas Mott Editar o valor en Wikidata
PaisThomas Coffin Editar o valor en Wikidata  e Anna Folger Editar o valor en Wikidata
IrmánsMartha Coffin Wright Editar o valor en Wikidata
ParentesAnna Davis Hallowell, neta
Benjamin Franklin, curmán
Mayhew Folger, tío materno Editar o valor en Wikidata
Premios
Descrito pola fonteA Woman of the Century (en) Traducir, (sec:Lucretia Mott)
Obálky knih,
American Women Writers Editar o valor en Wikidata
WikiTree: Coffin-1474 Find a Grave: 744 Editar o valor en Wikidata

Lucretia Mott, nada en Nantucket, Massachusetts o 3 de xaneiro de 1793 e finada en Cheltenham, Pensilvania o 11 de novembro de 1880, foi unha defensora dos dereitos da muller, pioneira dentro do movemento feminista que pasou á historia, entre outros motivos, por participar na organización da Convención de Seneca Falls.

Traxectoria

Naceu no seo dunha familia cuáquera, sendo a segunda de sete irmáns. Os seus pais eran Thomas Coffin e Anna Folger,[1] o seu pai era capitán dun baleeiro e a súa nai dirixía a explotación agrícola familiar.

O pensamento cuáquero vai ser determinante na formación das súas ideas, especialmente a igualdade ante Deus que predica devandito movemento relixioso. Ós trece anos, ingresou na "Nine Partners Quaker Boarding School", un colexio cuáquero onde recibiu educación e onde máis tarde exerceu como profesora.[2]

O 10 de abril de 1812, contraeu matrimonio con James Mott, outro profesor da súa escola,[3] con quen tivo seis fillos, morrendo o primeiro ós cinco anos. En 1821 o matrimonio trasladouse a Filadelfia e ela foi nomeada predicadora do grupo cuáquero local.

O contexto de loita pola abolición da escravitude nos Estados Unidos e a marxinación da muller en todos os aspectos da vida pública e profesional, marcou o seu pensamento, todo isto, enmarcado na comunidade cuáquera.

Sufría de dispepsia, cousa que non lle impediu levar a cabo o seu labor como activista. Debido ó activismo pola abolición da escravitude do matrimonio Mott, a súa casa converteuse no centro do movemento anti escravista de Filadelfia e nunha etapa do "Ferrocarril subterráneo", unha ruta de escape dos escravos fuxidos.

O 11 de novembro de 1880, á idade de 87 anos, morreu na súa casa de Cheltenham (Pennsylvania) vítima dunha pneumonía. Foi enterrada no cemiterio cuáquero Fairhill, no norte de Filadelfia.

Notas

  1. ↑ Faulkner 2011, pp. 8, 14.
  2. ↑ Faulkner 2011, pp. 24–27.
  3. ↑ Faulkner 2011, pp. 34, 36.

Véxase tamén

Bibliografía

  • Bacon, Margaret Hope (1999). Quaker Press of Friends General Conference, ed. Valiant friend: the life of Lucretia Mott. Nova York. ISBN 9781888305111.