Menchu Álvarez del Valle
| Biografía | |
|---|---|
| Nacemento | (es) María del Carmen Álvarez del Valle  16 de xaneiro de 1928 Santander, España |
| Morte | 27 de xullo de 2021 (93 anos) Ribeseya, España |
| Grupo étnico | Raça Mediterrânea (pt)  |
| Actividade | |
| Lugar de traballo | Oviedo |
| Ocupación | xornalista, locutor |
| Período de actividade | 1947 - 1990 |
| Empregador | Grupo PRISA RTVE |
| Familia | |
| Cónxuxe | José Luis Ortiz Velasco |
| Fillos | Jesús José Ortiz Álvarez |
| Parentes | Letizia Ortiz, son's daughter Víctor Elías Villagrasa, sobriño neto Telma Ortiz Rocasolano, son's daughter Érika Ortiz Rocasolano, son's daughter Lionor de Borbón, bisneta Sofía de Borbón, bisneta Carla Vigo, bisneta Filipe de Borbón e Grecia, spouse of grand-child Amanda, bisneta Erin, bisneta Francisco Rocasolano Camacho, consogro Enriqueta Rodríguez Figueredo, consogro |
| Premios | |
María del Carmen Álvarez del Valle, máis coñecida como Menchu, nada en Santander o 16 de xaneiro de 1928 e finada en Ribeseya o 27 de xullo de 2021,[1] foi unha xornalista radiofónica española e avoa paterna da raíña de España, Letizia Ortiz Rocasolano.
Biografía
Considerada unha das voces máis populares da radio asturiana, tivo dúas irmás: María Flora (1921) e Marisol del Valle (1936), tamén xornalista radiofónica e profesora de comunicación audiovisual. A súa nai chamábase Plácida del Valle Arribas (1900-1993) e o seu pai, Eulalio Álvarez de la Fuente (1897-1983), foi ferroviario.
Naceu en Santander, pero viviu en Oviedo dende os dezaseis anos. Frecuentou a radio dende moi nova, iniciándose en Radio Asturias. En 1947 entrou en Radio Oviedo (despois REM), La Voz del Principado, Radiocadena Española e finalmente Radio Nacional de España. Durante 42 anos traballou ben como locutora, ben como creadora de novos espazos radiofónicos, destacando entre os seus programas Coser y cantar e Rumbo a la gloria. Prexubilouse en 1990. Ao longo da súa carreira recibiu múltiples galardóns.
Saltou á fama nacional por ser a avoa de Letizia Ortiz Rocasolano, tamén xornalista, cando esta anunciou o seu compromiso matrimonial co Príncipe de Asturias. O seu marido, José Luis Ortiz Velasco, representante da firma Olivetti, faleceu no seu domicilio de Sardéu, en Ribeseya (Asturias), o 30 de marzo de 2005 aos 82 anos.
Menchu recibiu o 13 de febreiro de 2013 o Premio Nacional de Radio; a súa irmá Marisol tamén foi galardoada na mesma edición, sendo o nome concreto do galardón que reciben Premio María Elena Domenech. O devandito premio é outorgado pola Academia das Artes e as Ciencias Radiofónicas de España.
Notas
- ↑ López, M. (27 de xullo de 2021). "Luto en Ribadesella por la muerte de Menchu Álvarez del Valle: "Nos hemos quedado huérfanos", aseguran sus amigos". La Nueva España (en castelán) (Ribeseya). Consultado o 27 de xullo de 2021.