Patriarcado de Cilicia
| ||||
| Localización | ||||
|---|---|---|---|---|
| ||||
| Poboación | ||||
| Lingua usada | Lingua árabe  | |||
| Relixión | Igrexa Católica Armenia | |||
| Xeografía | ||||
| Parte de | ||||
| Catedral | St. Elie and St. Gregory the Illuminator Armenian Catholic Cathedral (en)  | |||
| Páxina web | armeniancatholic.org | |||
O patriarcado de Cilicia dos armenios (en latín, Patriarchatus Ciliciae Armenorum) é a sé do primado da Igrexa católica armenia, en comuñón co papa. Foi constituído por Bieito XIV o 26 de novembro de 1742 e dende 2021 está ocupado polo patriarca Rafael Pedro XXI .
Historia
A Igrexa apostólica armenia xurdira coa ruptura entre as igrexas cristiás posterior ao concilio de Calcedonia no século V. Isto mantívose así até que en 1195 a igrexa do reino armenio de Cilicia entrou en comuñón coa Igrexa católica, o que durou até a conquista de Cilicia polos mamelucos en 1375.
A unión foi posteriormente restabelecida durante o Concilio de Florencia en 1439, mediante o decreto Exultate Deo do 22 de novembro, pero non tivo ningún efecto práctico até 1740, cando Abraham Bedros Ardzivian, quen previamente se convertera ao catolicismo, foi nomeado Patriarca de Cilicia (ou Sis).
A sé do patriarcado, malia conservar o seu nome, foi movida a Beirut (Líbano), tendo xurisdición sobre os católicos armenios nas provincias meridionais do Imperio Otomán, quedando as setentrionais baixo xurisdición do vigairo apostólico latino de Istambul. Posteriormente, en 1866, a sé patriarcal foi unida á arquieparquía de Istambul, adquirindo o Patriarca xurisdición sobre toda a Igrexa católica armenia. En 1928 a sé patriarcal foi movida novamente a Beirut.
Territorio
O patriarcado ten xurisdición ordinaria sobre todos os fieis católicos armenios sen importar onde vivan. A sé do patriarcado atópase en Bzoummar, no Líbano. A arquieparquía de Beirut é a sé propia do patriarca.
Ademais, dependen directamente do patriarcado de Cilicia os exarcados patriarcais de Damasco e Xerusalén e Amán.
O patriarca de Cilicia é membro de dereito do Consello dos Patriarcas Católicos de Oriente.
Lista de Patriarcas de Cilicia
- Abraham Pedro I Arçiwean (26 de novembro de 1742 - 1 de outubro de 1749, finado)
- Xacobe Pedro II Yovsepean (23 de setembro de 1750 - 9 de xuño de 1753, finado)
- Miguel Pedro III Gasparean (22 de xullo de 1754 - 28 de novembro de 1780, finado)
- Basilio Pedro IV Awgatean (25 de xuño de 1781 - 6 de febreiro de 1788, finado)
- Gregorio Pedro V Kiwbelean (15 de setembro de 1788 - 17 de xuño de 1812, finado)
- Gregorio Pedro VI Cheranean (19 de decembro de 1814 - 22 de setembro de 1840, finado)
- Xacobe Pedro VII Holasean (27 de xaneiro de 1842 - 6 de febreiro de 1843, finado)
- Gregorio Pedro VIII Ter Astowaçatowrean (25 de xaneiro de 1844 - 9 de xaneiro de 1866, finado)
- Antón Pedro IX Hasownean (12 de xullo de 1867 - xuño de 1881, renuncia)
- Estevo Pedro X Azarean (4 de agosto de 1881 - 1 de maio de 1899, finado)
- Paulo Pedro XI Emmanowelean (14 de decembro de 1899 - 18 de abril de 1904, finado)
- Paulo Pedro XII Sappaghean (14 de novembro de 1904 - abril de 1910, renuncia)
- Paulo Pedro XIII Terzean (27 de novembro de 1911 - 31 de maio de 1931, renuncia)
- Avedis Pedro XIV Arpiarean (16 de outubro de 1931 - 26 de outubro de 1937, finado)
- Gregorio Pedro XV Agagianian (13 de decembro de 1937 - 25 de agosto de 1962, renuncia)
- Ignacio Pedro XVI Patanean (15 de novembro de 1962 - 22 de abril de 1976, retirado)
- Hmayeak Pedro XVII Ketikean (3 de xullo de 1976 - 30 de maio de 1982, retirado)
- Xoán Pedro XVIII Gasparean (7 de agosto de 1982 - 28 de novembro de 1998, retirado)
- Narsés Pedro XIX Tarmowni (13 de outubro de 1999 - 25 de xuño de 2015, finado)
- Gregorio Pedro XX Kaproyean (24 de xullo de 2015 - 25 de maio de 2021, finado)
- Rafael Pedro XXI Minasyan (dende o 23 de setembro de 2021)
Véxase tamén
Outros artigos
- Igrexa católica armenia
- Catolicosado de Cilicia e Igrexa apostólica armenia
