Sigrid Undset

Sigrid Undset
Nacemento20 de maio de 1882
 Kalundborg Dinamarca Dinamarca
Falecemento10 de xuño de 1949
 Lillehammer Noruega Noruega
NacionalidadeNoruega
Relixióncatolicismo
Alma máterFru Ragna Nielsens skole
Ocupaciónnovelista, tradutora, escritora, guionista, prosista e poeta
PaiIngvald Undset
NaiCharlotte Undset
CónxuxeAnders Castus Svarstad
XénerosNovela
Coñecido/a porKristin Lavransdatter, Jenny e East of the sun and west of the moon
PremiosPremio Nobel de Literatura, Gran Cruz da Orde de San Olaf e Ordem do Falcão
Na rede
IMDB: nm0881057 Discogs: 1032165 WikiTree: Undset-25 Find a Grave: 10491878 Editar o valor em Wikidata
[ editar datos en Wikidata ]

Sigrid Undset, nada en Kalundborg (Dinamarca) o 20 de maio de 1882 e finada en Lillehammer o 10 de xuño de 1949, foi unha escritora norueguesa.

Biografía

Filla de Ingvald Undset, arqueólogo de renome internacional especializado na Idade de Ferro en Europa, naceu en Dinamarca, pero a súa familia trasladouse a Noruega cando ela contaba con dous anos. Realizou os seus estudos en Oslo, pero non puido ir á universidade a causa da morte do seu pai. Traballou como secretaria nunha importante empresa de enxeñaría cando contaba con dezaseis anos.

As súas primeiras novelas foron Fru Marta Oulie (1907), Jenny (1911) e Vaaren (1914), nas que escribe en contra dos defensores do «amor libre». Incrementou e consolidou a súa fama con De kloge jomfruer (1918) e o ensaio Et kvindesynspunk (1919).

As súas obras máis coñecidas son Kristin Lavransdatter (1920-1922) e Olav Audunssön (1925-1927), nas que trata o permanente conflito entre o amor terreal e o divino.

Converteuse ao catolicismo en 1924, experiencia que narrou en Gymnadenia (1929) e en Den brændende busk (1930). Profesou na Terceira Orde da Penitencia de Predicadores como Dominica segrar. En 1940 trasladouse aos Estados Unidos, a causa da súa oposición á Alemaña nazi e a ocupación alemá de Noruega, onde participou activamente en movementos de loita contra os nazis. Volveu a Noruega en 1945, tras a finalización da segunda guerra mundial.

Outras obras que cabe destacar son as novelas Den trofaste hustru (1936) e Madame Dorothea (1939), a súa autobiografía, Elleve aar (1934) e a súa famosa biografía sobre Catarina de Siena (1951).

Foi galardoada en 1928 co premio Nobel de Literatura.

Obra publicada

Véxase tamén

Ligazóns externas