Sofía de Grecia

A Súa Maxestade
Sofía de Grecia

Biografía
Nacemento	(el) Σοφία Μαργαρίτα Βικτωρία Φρειδερίκη 2 de novembro de 1938 (86 anos) Psychiko palace, Grecia (en)
Consorte de España
22 de novembro de 1975 – 19 de xuño de 2014 ← Vitoria Uxía de Battenberg – Letizia Ortiz →
Datos persoais
Residencia	Palacio da Zarzuela Palácio de Tatoi (pt)
Relixión	Igrexa católica e igrexas greco-ortodoxas
Educación	Universidade de Atenas Schule Schloss Salem (en) El Nasr Girls' College (en) Universidade Autónoma de Madrid Fitzwilliam College, Cambridge (pt)
Cor dos ollos	Azul
Actividade
Empregador	Universidade de Cambridge
Membro de	Club de Roma (membro de honra)
Outro
Título	Raíña (1975–) Raíña consorte de España (1975–2014) Princess of Greece and Denmark (en)
Familia	Familia real grega
Cónxuxe	Xoán Carlos I de España (1962–)
Fillos	Elena de Borbón e Grecia, Cristina de Borbón e Grecia, Filipe de Borbón e Grecia
Pais	Paulo I de Grecia   e Frederica de Hannover
Irmáns	Constantino II de Grecia Irene de Grecia
Parentes	Lionor de Borbón, neta Sofía de Borbón, neta Victoria de Marichalar e Borbón, neta Irene Urdangarin e de Borbón, neta Felipe de Marichalar e Borbón, neto Pablo Urdangarin e de Borbón, neto Miguel Urdangarin e de Borbón, neto Juan Urdangarin e de Borbón, neto Filipe de Edimburgo, tío segundo Carlos III do Reino Unido, curmán segundo Xurxo II de Grecia, tío paterno
Premios
Gran Cruz da Lexión de Honra../... 38+
Sinatura
Descrito pola fonte	Obálky knih,

Sofía de Grecia (Sofía Margarida Vitoria Frederica de Schleswig-Holstein-Sönderborg-Glücksburg), nada en Atenas o 2 de novembro de 1938, é princesa de Grecia e Dinamarca e a raíña consorte de España polo seu matrimonio con Xoán Carlos I de España desde o 22 de novembro de 1975 ata o 19 de xuño de 2014, data da abdicación do Rei e do acceso á xefatura do Estado do seu fillo Filipe VI. Ostenta de forma vitalicia o título honorífico de Raíña.

Sofía é a filla primoxénita de Paulo I, rei dos Helenos, e da súa esposa Frederica de Hannover. O rei Paulo era o fillo de Constantino I de Grecia e da súa muller Sofía, nada princesa de Prusia. Frederica era a filla de Ernesto Augusto de Hannover e da súa muller, Luísa Vitoria de Prusia, sobriña da propia raíña de Grecia, polo que o rei Paulo era curmán da nai da súa propia muller.

Durante a súa infancia, en 1941, tivo que abandonar Grecia xunto a toda a súa familia por mor da invasión alemá durante a segunda guerra mundial, permanecendo no Cairo, Exipto e Suráfrica ata a súa volta en 1946. Aos poucos meses, o 1 de abril de 1947, o rei Xurxo II morreu e ocupou o trono o seu irmán, Paulo I, pai de Sofía. A princesa cursou estudos de pediatría, música e arqueoloxía. Traballou de enfermeira nunha maternidade de Atenas. Formou parte como suplente da selección grega de vela durante os Xogos Olímpicos de 1960, celebrados en Roma.

O 8 de xuño de 1961 asistiu en Londres á voda dos duques de Kent, onde coincidiu co entón príncipe Xoán Carlos de Borbón y Borbón. Un ano máis tarde, o 14 de maio de 1962, contraeron matrimonio en Atenas polos ritos católico e ortodoxo.

O matrimonio tivo tres fillos:

• S.A.R. a Infanta Elena n. 20 de decembro de 1963.
• S.A.R. a Infanta Cristina n. 13 de xuño de 1965.
• S.A.R. Filipe, príncipe de Asturias, n. 30 de xaneiro de 1968.

O 19 de xullo de 1969, Francisco Franco designou ao príncipe Xoán Carlos como sucesor a título de Rei, polo cal, e ata o momento da súa ascensión ao trono, tanto Xoán Carlos como a súa esposa ostentarían a dignidade de Príncipes de España, evitando a tradicional de Príncipes de Asturias. Trala morte de Franco, Xoán Carlos de Borbón foi proclamado Rei de España, o 22 de novembro de 1975, sendo Sofía a raíña consorte.

A Raíña é Académica de Honor da Real Academia de Belas Artes de San Fernando e da Real Academia da Historia. Recibiu o Doutoramento Honoris Causa polas Universidades de Rosario (Bogotá), Valladolid, Cambridge, Oxford, Georgetown, Évora e Nova York. Algunhas institucións culturais e musicais españolas levan o seu nome, como a Escola Superior de Música Raíña Sofía, o Museo Nacional Centro de Arte Raíña Sofía ou o Palacio das Artes Reina Sofía de Valencia. Do mesmo xeito que o de toda a familia real helena, a súa orixe familiar é fundamentalmente danesa, con importantes alianzas alemás e rusas.

Familia Real española Casa de Borbón

O Rei A Raíña consorte A princesa de Asturias A infanta Sofía O rei Xoán Carlos A raíña Sofía

Esta é unha lista de títulos e tratamentos que a raíña ostentou desde o seu nacemento:

• A súa Alteza Real a Princesa Sofía de Grecia e Dinamarca (1938-1962)
• A súa Alteza Real a Princesa Sofía de España (1962-1969)
• A súa Alteza Real a Princesa de España (1969-1975)
• A súa Maxestade a Raíña de España (Desde 1975)

• Dama gran colar da Real e Distinguida Orde de Carlos III.
• Dama da Orde das Damas Nobres de María Luisa.

• Familia real española

• Sitio web oficial da Casa Real (en castelán)
• Fundación Reina Sofía (en castelán)
• Árbore xenealóxica da Raíña Sofía
• Biografía oficial (en castelán)

Predecesor: Novo título	Princesa consorte de España  1962 - 1975	Sucesor: Desaparición do título
Predecesor: Vitoria Uxía de Battenberg	Raíña consorte de España  1975 - 2014	Sucesor: Letizia Ortiz