Volvo S40

Volvo S40
Tipo	Automóbil de turismo
Marca	Volvo
Fabricante	Volvo Cars
País	Suecia
Período	1995  ╴2012
Configuración
Segmento	Segmento D Segmento C
Configuración	Motor dianteiro transversal, tracción dianteira ou 4WD
Cronoloxía
← Volvo 440 (pt) e Volvo 400-series (en) Volvo S60 →
[ Commons ] [ Wikidata ]

O Volvo S40, V40 ou V50 é un automóbil do segmento D (S40/V40 de primeira xeración e S40/V50 de segunda xeración) ou C (V40 de terceira xeración) producido polo fabricante sueco Volvo desde o ano 1996. O modelo é un cinco prazas con motor dianteiro transversal e tracción dianteira ou ás catro rodas. S40 corresponde á versión con carrozaría sedán de catro portas. As denominacións V40 e V50 refírense á variante familiar de cinco portas de primeira e segunda xeración, e á hatchback de cinco portas da terceira xeración. Os principais rivais da terceira xeración no mercado son o Audi A3, o BMW Serie 1/3 e o Mercedes-Benz Clase A/CLA.

Os Volvo S40 e V50 deixáronse de producir en 2012 e foron substituídos polos Volvo V40 e V40 Cros Country.

1ª xeración
Marca	Volvo
Fabricante	Volvo Cars (pt)
País	Suecia
Deseño	Peter Horbury
Produción	1.000.034 unidades
Configuración
Carrozaría	Sedán de 4 portas (S40) Familiar de 5 portas (V40)
Configuración	Motor dianteiro, tracción dianteira
Dimensións
Distancia eixes	1995–2001: 2550 mm 2002–2004: 2557 mm
Lonxitude	2000–2001: 4470 mm 2002–2004: 4521 mm
Anchura	2000–2001: 1720 mm 2002–2004: 1717 mm
Altura	2000–2001: 1410 mm 2002–2004: 1423–1426 mm
Peso	S40: 1220–1392 kg V40: 1234–1414 kg
Cronoloxía
← Volvo 440 (pt) e Volvo 400-series (en) Volvo V40 (pt) →
[ Commons ] [ Wikidata ]

A primeira xeración foi producida en cooperación co fabricante xaponés Mitsubishi, que fabricou o Mitsubishi Carisma con elementos compartidos co Volvo S40. O Carisma con todo non tivo tanto éxito en vendas como o S40. Esta versión lanzada no ano 1996 se ensamblou xunto co Carisma na fábrica automotriz NedCar, nos Países Baixos.

A seguridade que caracteriza a Volvo foi sumamente salientada nesta versión, que sacou a puntuación máis alta do ano (1997) na proba de protección a pasaxeiros adultos de EuroNCAP.

• 
  Volvo S40 1.8 (vista frontal).
• 
  Volvo S40 1.8 (vista posterior).
• 
  Volvo V40 1.8T

2ª xeración
Marca	Volvo
Fabricante	Volvo Cars (pt)
País	Suecia
Deseño	Fedde Talsma
Configuración
Carrozaría	Sedán de 4 portas
Configuración	Motor dianteiro, tracción dianteira ou total
Dimensións
Distancia eixes	2640 mm
Lonxitude	2004–2005: 4468 mm 2006–2007: 4475 mm 2008–2012: 4483 mm
Anchura	1770 mm
Altura	FWD: 1452 mm AWD: 1470 mm
Peso	FWD: 1435–1505 kg AWD: 1552–1579 kg
Cronoloxía
← Volvo 440 (pt) e Volvo 400-series (en) Volvo V40 (pt) →
[ Commons ] [ Wikidata ]

A segunda xeración do S40, lanzada en 2004, foi deseñada sobre a Plataforma Volvo P1, unha plataforma derivada da Ford C1 usada noutros modelos pertencentes a Ford Motor Company, como os Ford Focus, Ford C-Max e Mazda 3.^[1] A reestilización de 2007 (liña 2008) inclúe cambios visuais e mecánicos.

A segunda xeración do Volvo S40 (xunto coa versión familiar V50, o cabrio-coupé C70 e o hatchback C30) foron fabricados exclusivamente na fábrica de Volvo de Gante, Bélxica.

• 
  Volvo S40 (vista posterior).

A terceira xeración presentouse no Salón do Automóbil de Xenebra de 2012 coa denominación V40, esta vez con carrozaría hatchback de cinco portas, e comezouse a vender a mediados de ano. De momento, é a única carrozaría prevista do modelo. A plataforma é unha versión actualizada da Ford C1, a usada na segunda xeración do S40 e V50, o Volvo C30 e o Ford Focus II. O V40 convivirá polo momento co C30, que é un hatchback do segmento C con carrozaría hatchback de tres portas lanzado en 2006.

A gama de motores do V40 abarca cinco opcións gasolina e tres diésel, todos con turbocompresor. A gasolina son un catro cilindros de 1,6 litros en variantes de 150 e 180 CV, un cinco cilindros de 2,0 litros en versións de 180 e 213 CV, e un cinco cilindros en liña de 254 CV. En tanto, os diésel son un catro cilindros en liña de 1,6 litros e 115 CV, e un cinco cilindros en liña de 2,0 litros en variantes de 150 e 177 CV.

O Volvo V40 comezouse a producir para substituír os S40 e V50 que se deixaron de producir en 2012.

O Volvo V40 Cros Country presentouse no Salón do Automóbil de París de 2012. É a versión todo terreo do Volvo V40.

No exterior, o V40 Cros Country distínguese polo deseño das fascias e as proteccións na parte baixa. O habitáculo está situado 40 mm máis alto que no V40 normal. Conta con motores diésel cuxa potencia vai desde 112 até 170 CV, así como versións de gasolina con turbocompresor e potencias desde 177 até 251 CV. Todas as versións posúen tracción dianteira, e están dispoñibles con caixa de cambios manual ou automática de seis velocidades.

Opcionalmente, a versión T5 está dispoñible con tracción integral permanente e cun sistema de descenso de pendentes. Conta cun sistema de arranque e apagado automático (start/stop) que ofrece un baixo consumo de combustible. Tamén están dispoñibles diversas opcións de equipamento como lonas e reixas para separar a área de carga, así como combinacións de cores e tapicería exclusivos.