Rheamys y Cheltibeirish mastey ny çhengaghyn Shenn-Spaainagh
Nodyn: Foddee vel cowraghyn sheeanagh ASE ayns Unicode er yn duillag shoh.
Y Cheltibeirish, she çhengey Cheltiagh va goll er loayrt ec ny Celtibeiree er Lieh-innys ny h-Ibeir eddyr ushtaghyn eaghtyragh ny h-awinyn Duero, Tajo, Júcar as Turia as Ebro. Ta feanish ayn jeh'n çhengey ayns begnagh 200 screeunyn veih'n chied as y nah eash RC. Ta'n chooid smoo jeu screeuit sheese 'syn abbyrlhit Celtibeiragh, agh ta fir ayn 'syn abbyrlhit Romanagh chammah. Ta ny screeunyn by lhiurey ry-gheddyn er tabladyn Botorrita, tabladyn ooha veih Botorrita faggys da Zaragoza veih'n chied eash RC. T'ad enmyssit Botorrita I, III as IV (ta Botorrita II 'sy Ladjyn).
Arragheeyn veih'n Phroto-Ind-Oarpish
coayl ennalaghey coraagh y Phroto-Ind-Oarpish (PIO), m.s. PIO *bʰr̥ǵʰ- "ard" gys y Cheltiagh *brig- myr ta ry-akin 'syn elmint boayl-ennymagh Celtibeiragh as Goalagh -brigā
coayl *p y PIO, m.s. ro- (Celtibeirish, Shenn Yernish as Shenn Vritaanish) vs. pro- y Ladjyn as pra- y Sanskrit
arraghey *HR̥C y PIO gys y Cheltiagh aRC (raad ta H shassoo son aahjiooghagh ennagh, ta R̥ shassoo son aavuilltagh shillabagh, as ta C shassoo son corockle), m.s. arKa(n)to- y Cheltibeirish, arkato- y Lepontish, argat y Çhenn Yernish, argant y Çhenn Vretnish "argid" vs. argentum y Ladjyn, rajata y Sanskrit
arraghey *ē y PIO (as *eh₁) gys y Cheltiagh *ī, m.s. *h3rēg'-s y PIO "ree, reireyder" vs. -reiKis y Cheltibeirish, -rix y Ghoalish, RIX y Vritish, as ri "ree" y Çhenn Yernish, y Çhenn Vretnish as y Çhenn Vritaanish
arraghey *ō y PIO (as *oH as *eh₃) gys y Cheltiagh *ū ayns shillabyn jerree as *ā ayns shillabyn neu-yerree, m.s. *dh3-tōd y PIO gys TaTuz y Cheltibeirish, "lhisagh eh cur, lhisagh eh toyr".