Ամերիկյան սև արջը (լատիներեն՝ Ursus americanus, անգլերեն՝ American black bear) Հյուսիսային Ամերիկայի բնիկ կենդանի է, որը հանդիսանում է այնտեղ ապրող արջերից չափսով ամենափոքրը և ամենատարածվածը։ Արջը ամենակեր է և ուտելիքի պաշարը կախված է եղանակից։
Ամերիկյան սև արջը աշխարհում ամենատարածված արջի տեսակն է։
Գորշ արջի հետ համատեղ այս արջի տարատեսակը միակն է, որը չի համարվող վտանգված կենդանի։
Դասակարգում
Սև արջ
Չնայած այն փաստին, որ ամերիկյան սև արջը գրիզլին և բևեռային արջը ապրում են Հյուսիսային Ամերիկայում, նրանք կենսաբանորեն իրար մոտ չեն համարվում և նրանց ընդհանուր նախնին ապրել է մոտ 5 միլիոն տարի առաջ։ Ամերիկյան և ասիական սև արջերը իրար ավելի մոտ են։
Ursus abstrusus անունով պրիմիտիվ արջի տեսակը, որը ապրել է 4.58 միլիոն տարի առաջ համարվում է սև արջերի հնարավոր նախնին՝ ըստ գտնված բրածոների ուսումնասիրությունների։ Հոլոցենի ժամանակվանից սև արջերի չափսը մնացել է նույնը։
Ամերիկյան սև արջը երկար ժամանակ ապրել է մայրցամաքում այլ արջի տեսակների հետ մեկտեղ, սակայն այդ վերջինները վերացել են։ Սև արջը միշտ ամենակեր է եղել։
Խառնուրդներ
Ամերիկյան սև արջը կենսաբանորեն համատեղելի է այլ արջի տեսակների հետ։ Գոյություն ունեն ամերիկյան սև արջի և ասիական սև արջի և ամերիկյան սև արջի և գրիզլիի խառնուրդներ։
1986 թվականին սպանված մի արջի հետազոտության արդյունքում պարզվեց, որ նա սև արջի և գրիզլիի խառնուրդ էր և ուներ ավելի խոշոր մարմին և ավելի մեծ ուղեղ։
Տարատեսակները
Կան Հյուսիսային Ամերիկայում ապրող սև արջերի մի քանի տարատեսակներ՝
Ursus americanus altifrontalis
Ursus americanus amblyceps
Ursus americanus americanus
Ursus americanus californiensis
Ursus americanus carlottae, Թագուհի Շառլոտայի կզղիների սև արջ
Ursus americanus cinnamomum, Դարչնագույն արջ
Ursus americanus emmonsii, Կապտավուն արջ
Ursus americanus eremicus
Ursus americanus floridanus, Ֆլորիդայի սև արջ
Ursus americanus hamiltoni, Նյուֆաունդլանդի սև արջ
