Արնային երշիկ

Արնային երշիկ
Արնային երշիկի տեսքը մինչև ապխտելը
Լատվիական խոհանոց
Ծագում
Ենթատեսակ	երշիկ և tripe?
Առաջացման երկիր	Լատվիա
Բաղադրամասեր
Հիմնական	արյուն
Սննդային արժեք
Կալորիականություն	1,586 ԿՋ (379 կկալ)
Ճարպեր	35 %
Blood sausages Վիքիպահեստում

Արնային երշիկ, երշիկի տեսակ, որի հիմնական բաղադրիչը ցուլի, հորթի կամ խոզի արյունն է, որից անջատված է ֆիբրինը (լատին․՝ fibra՝ մանրաթել)։ Պարունակում են մուգ կարմրաշագանակագույն, արյան թեթև համով ֆարշ։

Հենց նոր մորթված կենդանուց արյունը քամելու համար թափահարում են կենդանուն։ Արդեն քամած արյունը կարող է երկար ժամանակ պահպանվել, իսկ օգտագործելուց առաջ այն ֆիլտրում են՝ անցկացնելով նեղ անցքեր ունեցող մաղով։

Ըստ Մենանդրի (հին հունարեն՝ Μένανδρος, 342 մ․թ․ա․ — 291 մ․թ․ա․) կատակերգության, Աթենքի լավագույն խոհարարը հայտնի է եղել Աֆթեն անունով, ով արնային երշիկի հեղինակն է^[1]։

Այս երշիկի բաղադրության մեջ ներառվում է խոզի միս, կենդանիների մաշկ, այլ երշիկների մնացորդներ, համեմունքներ։ Որոշ դեպքերում նաև ավելացնում են խոզի, ցուլի կամ հորթի լեզու։ Արնային երշիկի պատրաստման գործընթացը հեշտ չէ։ Սպանդի ենթարկված խոզից առանձնացնում են 2 կարևոր բաղադրիչ՝ փորոտիքը և արյունը։ Որպեսզի լցոնն ունենա պինդ տեսք, ավելացնում են տարատեսակ բաղադրիչներ։ Ընդ որում յուրաքանչյուր պատրաստող ունի իր սեփական բաղդրատոմսը։ Մեկն ավելացնում է բեկոն և համեմունքներ, մեկ ուրիշը ավելացնում է խաշած վարսակաձավար, տապակած սոխ ու մսային հավելվածներ։ Այդ իսկ պատճառով երբեք հնարավոր չէ համտեսել միևնույն համն ունեցող արնային երշիկ։

Հաշվարկված է 100 գրամ ապրանքի համար․

• Էներգետիկ արժեք՝ 1,586 ԿՋ (379 կկալ)
• Ածխաջուր՝ 1 գր
• Շաքար՝ 1 գր
• Ճարպեր՝ 35 գր
• Պրոտեին՝ 18 գր
• Երկաթ՝ 6,4 գր (49%)
• Նատրիում՝ 680 գր (45%)

Արնային երշիկները լինում են՝

• բարձր տեսակի (տնական)
• առաջին տեսակի (խաշած)
• երկրորդ տեսակի (ապխտած)

• Յու․ Մարմարյան - «Անասնաբուծական մթերքների և հումքի ապրանքագիտություն», Երևան, 2002, «Ասողիկ» հրատարակչություն, 152 էջ

• "Արյունով ուտեստներ" Արխիվացված 2011-10-14 Wayback Machine (տապակած արյուն և տնական արնային երշիկ, տապակած արյան օգտակարությունը)