Տիբոր Բենեդեկ

Տիբոր Բենեդեկ
Անձնական տեղեկություն
Սեռ՝արական
Բնօրինակ անունհունգ.՝ Tibor Benedek
Մասնագիտացումջրագնդորդ և water polo coach
Երկիր Հունգարիա
Ծննդյան ամսաթիվհուլիսի 12, 1972(1972-07-12)
ԾննդավայրԲուդապեշտ, Հունգարական Ժողովրդական Հանրապետություն
Մահվան ամսաթիվհունիսի 18, 2020(2020-06-18)[1] (47 տարեկան)
Մահվան վայրԲուդապեշտ, Հունգարիա
ԱկումբPro Recco?
Հասակ՝1,88 մետր
Պարգևներ

Տիբոր Բենեդեկ (հունգարերեն՝ Tibor Benedek, հուլիսի 12, 1972(1972-07-12), Բուդապեշտ, Հունգարական Ժողովրդական Հանրապետություն - հունիսի 18, 2020(2020-06-18)[1], Բուդապեշտ, Հունգարիա), հունգարացի նախկին ջրագնդորդ, օլիմպիական եռակի չեմպիոն։ Ջրագնդակի Հունգարիայի հավաքականի կազմում ոսկե մեդալներ է նվաճել 2000, 2004, 2008 թվականների օլիմպիական խաղերում[2]։ Արժանացել է նաև մարզական այլ պարգևների թե՛ որպես ակումբային ու հավաքական թիմերի խաղացող և թե՛ որպես ջրագնդակի Հունգարիայի հավաքականի գլխավոր մարզիչ։

Մարզական կարիերա

Տիբորն իր մարզական կարիերան սկսել է Բուդապեշտի կենտրոնական մարզադպրոցում, որտեղ մարզվել ու մրցելույթներով հանդես է եկել 1980-1989 թվականներին[3]։ 190 սանտիմետր հասակ, 96 կիլոգրամ կշիռ ունեցող մարզիկը[4] ջրագնդակի Հունգարիայի ազգային հավաքականում իր առաջնելույթն ունեցել է 1990 թվականին։ 1992-ին մասնակցել է Բարսելոնում անցկացված ամառային օլիմպիական խաղերին (գրավել են 6-րդ տեղը), 1993-ին ու 1995-ին նվաճել Եվրոպայի առաջնության արծաթե մեդալները, հաջորդ օլիմպիադայում (1996 թ. Ատլանտայում) գրավել չորրորդ տեղը[5]։ 1997-ին Հունգարիայի հավաքականի կազմում հռչակվել է Եվրոպայի չեմպիոն, 1998-ին՝ աշխարհի փոխչեմպիոն։

Տիբոր Բենեդեկի մարզական կարիերայի բարձրակետը Սիդնեյի (2000 թ.), Աթենքի (2004 թ.) և Պեկինի (2008 թ.) միմյանց հաջորդած, ջրագնդակի Հունգարիայի հավաքականի համար եռակի հաղթական օլիմպիադաներն են, հատկապես եթե նկատի առնենք, որ եզրափակիչ լարված հանդիպումներում նա աչքի է ընկել՝ դառնալով վճռորոշ գոլերի հեղինակ[6]։

Հավաքականի մարզիչ

2012 թվականի վերջերից Տիբոր Բենեդեկը գլխավորել է ջրագնդակի Հունգարիայի հավաքականը, որը հաջորդ իսկ տարում նվաճել է աշխարհի չեմպիոնի ոսկե մեդալները, իսկ 2016 թվականին Ռիո դե Ժանեյրոյում անցկացված ամառային օլիմպիական խաղերում գրավել 5-րդ տեղը[7] [8]: Նրա հայրը՝ Միկլոշ Բենեդեկը, ճանաչված դերասան է։

Մրցելույթները օլիմպիադաներում

Օլիմպիադան Մրցաձևը Գրաված տեղը
Բարսելոն 1992 ջրագնդակ 6
Ատլանտա 1996 ջրագնդակ 4
Սիդնեյ 2000 ջրագնդակ 1
Աթենք 2004 ջրագնդակ 1
Պեկին 2008 ջրագնդակ 1

Պարգևներ

  • Դեռահաս վարպետ մարզիկ (Masterly youth athlete): 1991
  • Հունգարիայի «Տարվա ջրագնդորդ». 1992, 1993, 1994, 2002
  • Հունգարիայի «Տարվա թիմ»-ի անդամ. 1993, 1997, 2000, 2003, 2004, 2008
  • Ribbon Հունգարիայի «Վաստակի համար» շքանշանի ասպետ (2000)
  • Ribbon Հունգարիայի «Վաստակի համար» շքանշանի սպայական խաչ (2004)
  • Ribbon Հունգարիայի Հանրապետության «Վաստակի համար» շքանշանի սպայական խաչ և աստղ (2008)[9]
  • Բուդապեշտի պատվավոր քաղաքացու կոչում (2008)
  • Հունգարիայի «Տարվա գլխավոր մարզիչ». 2013
  • Տիբոր Բենեդեկի անունը ներառվել է Լողի միջազգային փառքի սրահում. (2015)

Ծանոթագրություններ

  1. ↑ 1,0 1,1 1,2 Three-time Olympic Champion Water Polo Player Benedek Dies Aged 47
  2. ↑ http://www.sports-reference.com/olympics/athletes/be/tibor-benedek-1.html%7Ctítulo=Perfil na Sports Reference|autor=|data=|publicado=|acessodata=23 de dezembro de 2015}
  3. ↑ kataca.hu, "Benedek Tibor", pristupljeno 7. kolovoza 2013.
  4. ↑ www.sports-reference.com Արխիվացված 2015-11-21 Wayback Machine, "Tibor Benedek", pristupljeno 7. kolovoza 2013.
  5. ↑ | titul = Benedek Tibor| jazyk = hu| vydavatel = kataca.hu| datum vydání = 2001| datum přístupu = 2008-04-23| url = http://kataca.hu/sport/polo/valogatott/benedek/%7C url archivu = https://web.archive.org/web/20080416023821/http://kataca.hu/sport/polo/valogatott/benedek/%7C datum archivace = 2008-04-16| nedostupné = ano}
  6. ↑ http://nbcsports.msnbc.com/id/5843223/%7C titul = Jones goes home without a medal| datum vydání = 2004-08-27| datum přístupu = 2008-04-23| jazyk = en| autor = Associated Press| vydavatel = NBC| url archivu = https://web.archive.org/web/20080718174121/http://nbcsports.msnbc.com/id/5843223/%7C datum archivace = 2008-07-18| nedostupné = ano}
  7. ↑ https://www.rio2016.com/en/team/australia-water-polo-men%7Ctítulo=Elenco(չաշխատող հղում) HUN Rio 2016|autor=|data=|publicado=|acessodata=23 de dezembro de 2015}
  8. ↑ «Vízilabda: kiválasztották az új kapitányt, itt a Benedek-utód!». nemzetisport.hu. Վերցված է 2017 թ․ հուլիսի 31-ին.
  9. ↑ «Olimpikonok kitüntetése a Parlamentben» (Hungarian). Hungarian Olympic Committee. 2008 թ․ օգոստոսի 29. Արխիվացված է օրիգինալից 2012 թ․ օգոստոսի 5-ին. Վերցված է 2012 թ․ հունվարի 27-ին.{cite web}: CS1 սպաս․ չճանաչված լեզու (link)

Արտաքին հղումներ

 ⛭ 
  Թեմատիկ կայքեր