Indonesia

Republica de Indonesia
Republik Indonesia

Cité capital	Jakarta
Lingues	Bahasa Indonesia
Area	1,904,569 km²
Population	280.725.438
Valuta	Rupiah indonesian (IDR)

Indonesia es un land situat in Asia. It consiste ex 7.508 insules e max grand insules es Sumatra, Java, Borneo, Sulawesi e Nov Guinéa. Li cité capital de Indonesia es Jakarta. Li guvernament de Indonesia projecte que in li august 2024 li nov constructet cité Nusantara va devenir li nov cité capital de Indonesia.

It have 280.725.438 (2023) habitantes e un area de 1,904,569 quadrat-kilometres.

Indonesia es li max grand insul-state del munde e li land in quel habita li max grand númere de musulmanes. It es anc li quaresim max grand state del munde.

Indonesia esset un colonia de Nederland. It proclamat su índependentie in li annu 1945 e esset aconosset de Nederland in li annu 1949.

Indonesia es un republica presidential. Desde li annu 2004 li presidente es electet directmen per li popul. Li presidente nomina e determina li membres del guvernament. Li parlament de Indonesia have du chambres. Li Majelis Permusyawaratan Rakyat have 692 membres e es directmen electet. Li duesim chambre es li Dewan Perwakilan Daerah, quel represente li regional parlamentes.

• Presidente e chef del guvernament: Joko Widodo

Indonesia es dividet in 38 provincias. Aceh e Yogyakarta es special regiones autonom. Li cité capital Jakarta forma un special districte. Li districtes es li duesim nivelle de administration del land.

Hay 250 diferent lingues in li land, ma li lingue oficial es Bahasa Indonesia.

Li max populari sportes in Indonesia es badminton e football.