Biro
Biro esas alkohola drinkajo produktita tra la sukro-fermentaco suspendita en aquala medio, e qua ne esas distilita pos fermentaco. La nefermentacita sukrala dissolvuro, nomizita mosto, obtenesas de macerinta malta hordeo-grano, lupulo ed altra cereali.
Etimologio
La vorto Idala "biro" venas del Angla (beer), Franca (bière), Germana (Bier) ed Italiana (birra), ed ultime decendas del Proto-Germana *beuzą, qua anke signifikas biro.
Historio
Biro apartenas al maxim ancienca fermentata drinkaji, quin la homaro produktas. Ol probable ja existis dum la neolitiko (c. 6000 aK) e facesis ek cereali, nome hordeo e frumento.
La ancienca civilizuri di Mezopotamia konocis la biro. En Sumer on ja maltizas, enfornigis e fermentis ula cerealo, probable hordeo. En l'Epikajo di Gilgamesh, skribita en la linguo dil Akkad, la sovaja viro Enkidu amansesis da prostituco, qua i.a. donis ad lu biro.
