Stríð Ísraels og Hamas 2023–

Hnöttur-klukka
Þessi grein fjallar um atburði sem eiga sér stað núna.
Innihald greinarinnar gæti af þessum sökum breyst þegar fram líða stundir.
Stríð Ísraels og Hamas
Hluti af átökum Araba og Ísraelsmanna

Gulur: Svæði rýmt af vígamönnum.
Dagsetning7. október 2023
(8 mánuðir og 29 dagar)
Staðsetning
Gasaströndin, Ísrael
Stríðsaðilar
Fáni Ísraels Ísrael

Fáni Hamas Hamas
Íslamska Jihad hreyfingin í Palestínu (PIJ)
Frelsisbandalag Palestínu (PFLP)
Lýðræðislegt frelsisbandalag Palestínu (DFLP)
Bandalag Palestínskra mótstöðudeilda (PRC)
Aðalstjórn Frelsisbandalags Palestínu (PFLP-GC)
Aðrir hópar:

Hizbollah
Hútí-fylkingin
Jamaa Islamiya
Amal-hreyfingin
Leiðtogar
Pólitík
Fáni Ísraels Benjamín Netanjahú
Fáni Ísraels Yoav Gallant
Her
Fáni Ísraels Herzi Halevi
Fáni Ísraels Yaron Finkelman
Öryggi
Fáni Ísraels Itamar Ben-Gvir		 Pólitík
Fáni Hamas Yahya Sinwar
Fáni Hamas Ismail Haniyeh
Her
Fáni Hamas Mohammed Deif
Fáni Hamas Marwan Issa X
Öryggi
Fáni Palestínu Fayeg Mabhouh X
Fjöldi hermanna
Fáni Ísraels 529.500 Fáni Palestínu 37.000
Mannfall og tjón
840 óbreyttir borgarar látnir
764 í herskyldu látnir
13.586+ særðir
251 í haldi eða rænt
1 týndur		 37.765+ látnir
10.000 - 20.000 týndir
82.777+ særðir (3.000+ aflimaðir)
9.312+ fangar
1.900.000 á flótta
4.000+ fósturvísar eyðilagðir

Snemma morguns þann 7. október 2023, gerðu Hamas-samtökin og tengd samtök yfirgripsmikla árás gegn Ísrael. Á bilinu 2.500 - 5.000 eldflaugum var skotið á landið og um 1.000 vígamenn brutust gegnum landamæragirðingar á 27 mismunandi stöðum. Þeir þustu inn í landamæri Ísraels á pallbílum, mótorhjólum, gröfum og öðrum farartækjum og réðust á óbreytta borgara, hernaðar- og lögreglumannvirki. [1] Ástæða árásanna var skýrð sem „vegna vanhelgunar á Al-Aqsa-moskunni og dráp (á yfir 200) Palestínumönnum á Vesturbakkanum (á árinu 2023)“. Vígamennirnir rændu um 200 manns og fóru með yfir á Gasa-ströndina. 8. október var orðið ljóst af yfir 600 Ísraelsmenn lágu í valnum og 2.000 höfðu særst.

Ísraelska leyniþjónustan var gagnrýnd fyrir að hafa ekki fengið upplýsingar um árásirnar.[2]

Ísrael brást við með loftárásum á Gasa og jafnaði við jörðu byggingar, þar á meðal turn sem hafði verið notaður fyrir útvarpsútsendingar og var sagður geyma skrifstofur Hamas. Yfir 300 létust í árásum fyrsta sólarhringinn. Lokað var fyrir vatn og rafmagn til Gasa á öðrum degi átakanna og loftárásum haldið áfram af hendi Ísraels. [3]

Ísrael safnaði 300.000 manna herliði við landamæri Gasa [4] og sagði 1,1 milljón íbúa á norðurhluta svæðisins (Gaza-borg) að flýja suður. [5]

Spítali var sprengdur í suður-Gasa-borg 17. október með þeim afleiðingum að um 500 manns létust. Ísraelsher neitaði sök og rakti sprenginguna til íslamskra vígasamtaka sem áttu að hafa sett af stað misheppnað skot. [6]

Átökin breiddust út á Vesturbakkann og við landamæri Ísraels og Líbanons þar sem eldflaugum var skotið. Mannfall var á báðum svæðum.

Í byrjun desember hafði Ísraelsher eyðilagt yfir 100.000 byggingar á Gasa [7]. Herinn gerði loftárásir á suður-Gasa, Khan Yunis og Rafah og réðst síðar þar inn.

Ísraelsher hafði í apríl drepið nær 200 hjálparstarfsmenn sem dreifðu matvælum til flóttamanna. Árásirnar voru gagnrýndar harðlegar og sagðar sumar gerðar af ásettu ráði.[8]


Tilvísanir

  1. ↑ How Hamas staged Israel lightning assault no-one thought possible BBC, sótt 9. okt. 2023
  2. ↑ Flókin og þaulskipulögð árás beint fyrir framan nefið á Ísraelsmönnum Rúv, sótt 9. okt. 2023
  3. ↑ Loka fyrir rafmagn og vatn til íbúa Gaza Rúv, sótt 9. okt. 2023
  4. ↑ Inn­rás virðist yfir­vofandi Vísir, sótt 11. okt. 2023
  5. ↑ 1,1 milljón íbúum á Gaza sagt að yfirgefa heimili sín Rúv, sótt 13. okt. 2023
  6. ↑ BBC News - Panic and confusion at scene of Gaza hospital blast BBC, sótt 19/10 2023
  7. ↑ Nearly 100,000 Gaza buildings may be damaged, satellite images show BBC, sótt 4/12 2023
  8. ↑ World Central Kitchen founder says Israel targeted staff car by car BBC, sótt 4. apríl 2024