განდის მშვიდობის პრემია

განდის მშვიდობის პრემია (ინგლ. Gandhi Peace Prize) — სამშვიდობო პრემია, რომელსაც სახელი ეწოდა მაჰათმა განდის პატივსაცემად. გასცემს ინდოეთის მთავრობა.

1995 წელს, ინდოეთის მთავრობამ, განდის იდეების პატივისცემის ნიშნად, მისი დაბადების 125-ე წლისთავთან დაკავშირებით დააწესა აღნიშნული პრემია. ეს არის ყოველწლიური ჯილდო, რომელიც გადაეცემა პიროვნებებსა და და ინსტიტუტებს, რომლებიც თავიანთ საქმიანობაში აქტიურად იყენებენ განდის მეთოდებს. ჯილდოს ტანხა შეადგენს 140 000 დოლარს ნაღდი ანგარიშსწორებით. იგი გადაეცემა ნებისმიერ პირს, ეროვნების, რასის, სარწმუნოების ან სქესის მიუხედავად.

ჟიურის შემადგენლობაში შედის ინდოეთის პრემიერ-მინისტრი, ოპოზიციის ლიდერი, უზენაესი სასამართლოს თავმჯდომარე, ლოკ-საბჰას ლიდერი და კიდევ ერთი ცნობილი ადამიანი. ჟიური განუხილავს შემოსულ განცხადებებს. თუ ჟიური მიიჩნევს, რომ არცერთი წინადადება არაა საკმარისი პრემიის გასაცემად, უფლებამოსილია იმ წლისათის არ გასცეს პრემია. 2016-2012 წლებში პრემია არ გაცემულა. ჟიური კონკრეტული პიროვნების თი ინსტიტუტის მიღწევას განიხილავს უკანასკნელი 10 წლის პერიოდში. თუკი განსახილველია წერილობითი ნაშრომი, იგი აუცილებლად გამოქვეყნებული უნდა იყოს.^[1]

№	წელი	ლაურეატი	ფოტო	დ. / გ.	ქვეყანა	აღწერა
1	1995	ჯულიუს ნიერერე[2]		1922–1999	ტანზანია	ჯულიუს კამბარაჯე ნიერერე იყო ტანზანიელი პოლიტიკოსი, ჯერ ტანგანიიკისა და შემდეგ ტანზანიის ლიდერი 1960-1985 წლებში.
2	1996	აჰანგამაჯე ტუდორ არიარატნე[2]		დ. 1931	შრი-ლანკა	სარვოდაია შრამადანას მოძრაობის დამფუძნებელი
3	1997	გერჰარდ ფიშერი[3][4]		1921–2006	გერმანია	გერმანელი დიპლომატი, კეთრისა და პოლიომიელიტის წინააღმდეგ ბრძოლისათვის
4	1998	რამაკრიშნას საზოგადოება[2]		დაახლ. 1897	ინდოეთი	დაარსდა ვივეკანანდას მიერ სოციალურად დაუცველი ჯგუფების სოციალური კეთილდღეობის, შემწყნარებლობისა და არაძალადობის ხელშეწყობის მიზნით.
5	1999	ბაბა ამტე[5][2]		1914–2008	ინდოეთი	სოციალური მუშაკი, რომელიც განსაკუთრებით ცნობილია თავისი საქმიანობით კეთრით დაავადებული ღარიბი ადამიანების რეაბილიტაციისა და გაძლიერების საქმეში
6	2000	ნელსონ მანდელა[2]		1918-2013	სამხრეთი აფრიკა	სამხრეთ აფრიკის რესპუბლიკის ყოფილი პრეზიდენტი[2]
		გრამინ ბანკი		დაახლ. 1983	ბანგლადეში	დააარსა მუჰამედ იუნუსმა
7	2001	ჯონ ჰიუმი[1][2]		1937–2020	ირლანდია	ჩრდილოეთ ირლანდიელი პოლიტიკოსი, ჩრდილოეთ ირლანდიის სამშვიდობო პროცესის ხელმძღვანელი ფიგურა
8	2002	ბჰარატია ვიდია ბჰავანი[2]		დაახლ. 1938	ინდოეთი	საგანმანათლებლო საზოგადოება, რომელიც წინა პლანზე აყენებს ინდურ კულტურას
9	2003	ვაცლავ ჰაველი[6][7]		1936–2011	ჩეხეთი	ჩეხოსლოვაკიის ბოლო და ჩეხეთის პირველი პრეზიდენტი
10	2004	კორეტა სკოტ კინგი[2]		1927–2006	აშშ	ადამიანის უფლებათა აქტივისტი.
11	2005	დეზმონდ ტუტუ[8]		დ. 1931	სამხრეთი აფრიკა	სამხრეთ-აფრიკელი სასულიერო მოღვაწე და აქტივისტი, რომელმაც სახელი გაითქვა 1980-იან წლებში, როგორც აპართეიდის ოპონენტმა.
12	2013	ჩანდი პრასად ბჰატი[9][10]		დ. 1934	ინდოეთი	გარემოსდამცველი, სოციალური აქტივისტი და ჩიპკოს მოძრაობის პიონერი
13	2014	ISRO[11]		est. 1969	ინდოეთი	ინდოეთის მთავრობის კოსმოსური სააგენტო.
14	2015	ვივეკანანდა კენდრა[12]		დაახლ. 1972	ინდოეთი	ინდუისტური სასულიერო ორგანიზაცია, რომელიც დაფუძნებულია სვამი ვივეკანანდას მიერ ქადაგებულ პრინციპებზე.
15	2016	Akshaya Patra Foundation		დაახლ.2000	ინდოეთი	არაკომერციული ორგანიზაცია, რომელიც აწარმოებს სასკოლო სადილის პროგრამას ინდოეთში
		Sulabh International		დაახლ. 1970	ინდოეთი	სოციალური მომსახურების ორგანიზაცია, რომელიც მუშაობს ადამიანის უფლებების, გარემოს დაცვის, ენერგიის არატრადიციული წყაროების, ნარჩენების მართვისა და სოციალური რეფორმების ხელშეწყობაზე განათლების გზით.
16	2017	Ekal Vidyalaya			ინდოეთი	ორგანიზაცია, რომელსაც წვლილი შეაქვს შორეულ რეგიონებში მცხოვრები სოფლის და ტომების ბავშვების განათლების უზრუნველყოფაში.
17	2018	იოჰეი სასაკავა		დ. 1939	იაპონია	კეთრის აღმოფხვრაში შეტანილი წვლილისთვის როგორც ინდოეთში, ისე მთელს მსოფლიოში.[13]
18	2019	ქაბუს ბინ საიდ ალ საიდი		1940-2020	ომანი	სოციალურ, ეკონომიკურ და პოლიტიკურ ტრანსფორმაცაში წვლილის შეტანისთვის არაძალადობრივი და განდის სხვა მეთოდებით.[14]
19	2020	მუჯიბურ რაჰმანი		1920-1975	ბანგლადეში	სოციალურ, ეკონომიკურ და პოლიტიკურ ტრანსფორმაცაში წვლილის შეტანისთვის არაძალადობრივი და განდის სხვა მეთოდებით.[15]