ლიბერეცი
ლიბერეცი (ჩეხ. Liberec) — ქალაქი ჩეხეთის რესპუბლიკაში. მდებარეობს მდინარე ნისა-ლუჟიცკაზე და გარსშემორტყმულია იიზერის მთებით. წარმოადგენს ქვეყნის სიდიდით მეხუთე ქალაქს.
XIV საუკუნიდან დასახლდა გერმანელი და ფლამანდიელი მიგრანტებით, რომლებიც მეორე მსოფლიო ომის შემდეგ განდევნეს. ერთ დროს ქალაქში ყვაოდა ტექსტილის ინდუსტრია, რის გამოც მას ზედმეტსახელად „ბოჰემიის მანჩესტერს“ უწოდებდნენ. ბევრი ჩეხისთვის, ლიბერეცი ასოცირდება მის მთავარ ღირსშესანიშნაობასთან — იეშტედის კოშკთან. XIX საუკუნის დასასრულიდან, ლიბერეცმა კონურბაცია შექმნა გარეუბან ვრატისლავიცესა და მეზობელ ქალაქ იაბლონეც-ნად-ნისოუსთან. ამის შემდეგ, მთლიან ამ ტერიტორიაზე მოსახლეობამ 150 000 ადამიანი შეადგინა; შედეგად, ლიბერეცი ბოჰემიის მესამე უდიდესი ქალაქი გახდა პრაღისა და პლზენის შემდეგ.
წერილობით წყაროებში ქალაქი პირველად 1348 წელს იხსენიება. 1622—1634 წლებში ლიბერეცი ალბრეხტ ფონ ვალენშტაინის მფლობელობაში იყო.
განვითარების პიკს ქალაქმა XIX საუკუნის დასასრულს მიაღწია. ამ დროს აშენდა მრავალი შენობა, მათ შორის ქალაქის სამმართველო, ოპერა და ბოჰემიის მუზეუმი. ქალაქის ისტორიული ცენტრის თავზე მდებარე ბორცვებზე აიგო რომანტიზმის სტილის ნაგებობები.
დაძმობილებული ქალაქები
- ამერსფორტი, ნიდერლანდები
- ამიენი, საფრანგეთი
- აუგსბურგი, გერმანია
- ნაჰარია, ისრაელი
- სანქტ-გალენი, შვეიცარია
- ციტაუ, გერმანია
- დიუნკერკი, საფრანგეთი
- კოვროვი, რუსეთი
იხილეთ აგრეთვე
რესურსები ინტერნეტში
- Municipal website (ჩეხური) (გერმანული)
- Liberec portal დაარქივებული 2007-04-29 საიტზე Wayback Machine.
- Tramway Liberec (ჩეხური)
- Liberec Botanical Garden
- Liberec Zoo
- Oblastni galerie v Liberci (Museum of art)