საფრანგეთის ზღვისიქითა გაერთიანება

საფრანგეთის ზღვისიქითა გაერთიანება (ფრანგ. collectivités d'outre-mer or COM) — საფრანგეთის რეგიონების მსგავსად ქვეყნის ადმინისტრაციული დაყოფის ერთ-ერთი შემადგენელი ნაწილია. ზღვისიქითა გაერთიანების სტატუსი მიღებული აქვს, რამდენიმე ფრანგულ ტერიტორიას.

საფრანგეთის შემადგენლობაში შედის ხუთი ზღვისიქითა გაერთიანება:

• საფრანგეთის პოლინეზია: 2003 წელს ეს ტერიტორია გახდა ზღვისიქითა გაერთიანება. საფრანგეთის პოლინეზიას საკმაოდ ფართო ავტონომია აქვს მინიჭებული, ქვეყანას მართავს საკუთარი პრეზიდენტი. თუმცა ამის მიუხედავად ეს ტერიტორია საფრანგეთის უშუალო ნაწილად ითვლება.
• სენ-ბართელმი, კუნძული მცირე ანტილებში
• სენ-მარტენი, შედგება კუნძულ სენ-მარტენისგან და მდებარეობს მცირე ანტილის კუნძულების ჩრდილოეთ ნაწილში.
• სენ-პიერი და მიკელონი, კუნძულების ჯგუფი ატლანტის ოკეანეში, კუნძულ ნიუფაუნდლენდის სიახლოვეს.
• უოლისი და ფუტუნა, პატარა კუნძულების ჯგუფია წყნარ ოკეანეში. უოლისი და ფუტუნა ერთადერთი ტერიტორიაა, რომელიც კომუნებად არ იყოფა.

№	დროშა	გერბი	ტერიტორია	რეგიონი	ფართობი კმ²	მოსახლეობა (აღწერა)	დედაქალაქი
1			საფრანგეთის პოლინეზია	წყნარი ოკეანე	4167	268 270 (2012)	პაპეეტე
2			უოლისი და ფუტუნა	წყნარი ოკეანე	274	12 197 (2013)	მატა-უტუ
3			სენ-პიერი და მიკელონი	ჩრდილოეთი ამერიკა	242	6080 (2011)	სენ-პიერი
4			სენ-მარტენი	კარიბის ზღვა	53	36 286 (2011)	მარიგო
5			სენ-ბართელმი	კარიბის ზღვა	21	9035 (2011)	გუსტავია
			სულ		4757	331 868

იხილეთ აგრეთვე

• საფრანგეთის ზღვისიქითა ტერიტორიები
• საფრანგეთის ადმინისტრაციული დაყოფა

რესურსები ინტერნეტში

• ოფიციალური საიტი დაარქივებული 2005-10-12 საიტზე Wayback Machine. (ფრანგული)
• past and current developments of France's overseas administrative divisions like collectivités d'outre-mer დაარქივებული 2006-09-29 საიტზე Wayback Machine. (ფრანგული)