Экватор

Экватор (лат. aequator – теңестіргіш):

• 1) Географиялық немесе Жер Экватор – Жердің айналу осіне перпендикуляр әрі екі полюстен де бірдей қашықтықта орналасқан үлкен дөңгелек сызық. Ол жер шарын Солтүстік және Оңтүстік шарға бөледі. Географиялық ендіктер (0°-тан – 90°-қа дейін) Экватордан бастап солтүстікке және оңтүстікке қарай есептеледі. Жер эллипсоиды Экваторының ұзындығы 40075696 м-ге тең, 1° бойлық ұзындығы 111321,4 м. Экватор – күн мен түннің теңелу нүктесі орналасқан сызық. Күн жылына екі рет (көктемгі және күзгі күн мен түннің теңелуінде) Экватордың дәл үстінде болады.
• 2) Галактикалық Экватор – Галактиканың орта (немесе бас) жазықтығының аспан сферасымен қиылысатын үлкен дөңгелегі. Галактикалық Экватордың аспан экваторымен жасайтын көлбеулік бұрышы 62°-қа тең болады.
• 3) Аспан Экватор, қ. Аспан экваторы. ^[1]

1. ↑ Қазақ энциклопедиясы, 10 том;

Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет.