Sahel

Sahel in tabula Africae.

Sahel[1] vel Sahelia[2] (Arabice ساحل, scilicet ripa. ora) est oecoregio et oecozona amplissima Africae, semidesertis et savannis operta. Inter Saharam et Sudaniam regionem (quae a Sudania civitate distinguenda est) sita est. Longitudo Sahelis 3900 chm ab Oceano Atlantico ad mare Erythraeum est, area 3 053 200 chm2. Incolas circa 300 milliones habet. Per multas civitates Sahel extenditur: Mauritaniae, Maliae (vel Azavadiae), Nigritaniae, Tzadiae, et Sudaniae maximae partes in Sahele sitae sunt, sed etiam Senegaliae, Burkina Faso, Algerii, Nigeriae, Cammaruniae, Erythraeae terras aliquas Sahel occupat. Quinque civitates in foedus Pentas Sahelis nominatum inscriptae sunt: haec sunt Burkina Faso, Mauritania, Malia, Nigritania, Tzadia. Lacus Tzadia et Nigri fluminis delta interior in Sahele siti sunt.

Alta planities Bandiagara Maliae.

Oecologia

Flora

Plantae quae in Sahele gignuntur, sunt

  • Acacia tortilis
  • Acacia senegal
  • Acacia laeta
  • Aristida stipoides
  • Boscia senegalensis
  • Cenchrus biflorus
  • Commiphora africana
  • Faidherbia albida
  • Balanites aegyptiaca
  • Schoenefeldia gracilis
Sahel prope Tombutum.

Fauna

Animalia Sahelis sunt

Notae

  1. ↑ Gilberti Genebrardi(fr) Chronographiae libri quatuor (Lugduni 1599), 467.
  2. ↑ Ioannes Paulus II, Litterae encyclicae Centesimus Annus, pag. 51, nota 59; idem, Apostolic Journey to Tanzania, Burundi, Rwanda and the Ivory Coast, Farewell Ceremony, sub 2, in fine.

Nexus externi

Vicimedia Communia plura habent quae ad Saheliam spectant.
Situs geographici et historici: Locus: 14°28′29″N 13°30′42″E • GeoNames • Store norske Lexikon • Большая российская энциклопедия