Benito Mussolini
Benito Amilcare Andrea Mussolini (Dovia di Predappio, 29 julio 1883 – Giulino di Mezzegra, 28 april 1945) ia es un politiciste, jornaliste e tirano italian.
Biografia
Vive temprana
Mussolini ia es nomida per Benito Juarez, un oposor mexican de la potia political de la Eglesa Catolica, par sua padre, ci ia es un forjor. Ante es relatada con politica, Mussolini ia es un editor de jornal (do el ia aprende sua capasia de propaganda) e un profesor de scola prima.
Prima, el ia es sosialiste, ma cuando el ia vole ce Italia ta luta en la Gera Mundal Un, el ia es espulsada de la partito sosialiste. El ia "inventa" un ideolojia nova, faxisme, basida en nasionalisme e sosialisme.
Faxisme italian
La forma de faxisme de Mussolini, la "faxisme italian", ia es diferente de la nazisme de Hitler. An si el ia crede en la superioria de la italianes, el ia no crede en razas.
Mussolini ia vole ce Italia deveni la Impero Roman nova. En 1923, el ia ataca la isola de Corfu, e en 1924, el ia ocupa la site-stato de Fiume. En 1935, el ia ataca Abisinia (oji Itiopia). Sua fortias ia ocupa lo en 1936. Italia ia es espulsada de la Alia de Nasiones par causa de esta ataca. En 1936, Mussonili ia alia con Hitler e, en 1939, el ia ocupa Xciperia.
Fali e mori
en 1940, el ia envia Italia a la Gera Mundal Du junta a la Ase. Mussolini ia ataca Elas, ma el ia no pote concista lo. En la 1943, la Alias ia ariva a Italia sude. La faxistes e la re Vittorio Emmanuele 33 ia despone Mussolini e ia prisoni el ma la deutxes ia libri el, fante el gidor de la Republica Sosial Italian, un stato pupetin en Italia sentral. Cuando la gera ia fini, Mussolini ia atenta fuji a Suiz ma ia es caturada e fusilida junta a sua concubina, Clara Petacci. A pos, los ia es pendeda inversada en Mezzegra, sirca la frontera entre Italia e Suiz.
Asende a potia
En 1922, el ia oteni la potia con sua grupo de omes, la "Camisas Negra", ci ia marxa a Roma e menasa con suverti la governa. La re Vittorio Emmanuele 3 ia dona lo a es, permetente a el forma governa, e ia fa de el la Ministro Xef. En la sinco anios seguente, el ia gania potia e en 1927 el ia crea la OVRA, sua polisia secreta. Sola la re e la Partito Faxiste ta pote defia sua potia.
Bibliografia
- Farrell, Nicholas. 2003. Mussolini: A New Life. London: Phoenix Press.
- Garibaldi, Luciano. 2004. Mussolini. The Secrets of his Death. Enigma.
- Gregor, Anthony James. 1979. Young Mussolini and the intellectual origins of fascism. Berkeley and Los Angeles, California, USA; London, England, UK: University of California Press.