Téivie

O Teivie (it. Tevere) o l'è o sciümme prinçipâ de l'Italia peninsulâ, e o terso da nassion in lunghessa dòppo o Po e l'Adige. Pe superfiçie do baçin imbrifero o l'è segundo solo a-o Pò, mentre pe quante riguarda a portâ o l'è süperòu da-o Pò e da-o Ticin. O nasce a 1268 metri in scio livello do mâ, in scio Monte Fumairoeu in Romagna (Appennin Tosco-Emilian). O bagna Toscann-a, Umbria e Lassio e o sbocca into Mâ Tirreno a nòrd de Ostia, dòppo esise diviso pòco primma inte dui rammi: Sciumæa Grande a sud e Canä de Sciumexin a nòrd. Se ritegne che o rammo settentrionâ o segge artifiçiâ, fæto scavâ da-o Claudio ò da-o Traian. O regime do Teivie o l'è torrentissio fin a-a conflüensa co-a Nera ( o seu affluente prinçipâ) e dòppo de quella o diventa fluviâ.

Çentri abitæ attraversæ (dä vivagna ä foxe)

• Ceive San Steva
• Çittæ de Castello
• Umbertide
• Peruggia - Ponte San Zane
• Romma

O Teivie in çiffre

• Lunghessa 405 km
• Süperfiçie do baçin imbrifero 17.169 kmq
• Portä media (a Romma) ca 240 mc/s (minima d' Agosto: 128 mc/s; mascima de Frevä: 350 mc/s)

Affluenti

Chiascio, Paglia, Nera, Farfa, Aniene

O Teivie inta mitologia

O Teivie o l'ea anche veneròu comme divinitæ: l'arte a o rappresentava barbüo e accucciòu in sce un scianco.

Âtri progètti

• Wikimedia Commons a contêgne di files in sce Teivie