Paracétamol

Paracétamol, eyebani lisusus bo acétaminophène to APAP, ezali nkisi basalelaka mpo na kosilisa mpasi mpe fièvre.^[1] Mingi mpeza basalelaka yango mutu azali koyoka mua mpasi to mpasi mingi te.^[1] Preuve ya litomba ya nkisi oyo mpo na bana eza moke mpeza.^[2] Mingi mingi batekaka yango elongo na ba nkisi mosusu neti nkisi mpo na miyoyo.^[1] Ntango basangisi yango na nkisi mpo na mpasi kouta na opioïde, basalelaka paracétamol mpo na mutu oyo azoyoka mpasi makasi neti mpasi ya cancer na mpe sima na lipaso.^[3] Mingi mpeza bamelaka yango na monoko to kobaka yango, ya kotuba tonga na mizisa mpe ezalaka.^[1][4] Ba effet nayango ewumelaka kati na ngonga mibale na minei.^[4]

Paracétamol ezalaka na mindondo mpeza te soki baseleli yango kolandana na dose oyo esengeli.^[5] Mokosa makasi loposo esalemaka mpeza mingi te.^[1] Dose ya koleka mpeza ekoki komema liver failure.^[1] Emonani neti eza mindondo te na eleko ya zemi mpe ntango ya komelisa mwana libele.^[1] Mpon na baye bazali na maladi ya foie, bakoki kokoba kosalela yango kasi ekosengela basalela dose ya moke.^[6] Paracétamol etiyami nakati ya ba nkisi eye eyebani bo analgésique, ba nkisi oyo esilisaka to ekitisaka ba mpasi.^[4] Nkisi oyo eza na misala minene te ya anti-inflammatoire eye esalaka mpe lolenge nkisi oyo esalaka eyebani mpeza malamu te.^[7]

Bakundolaki paracétamol na mobu ya 1877.^[8] Yango ezali nkisi oyo batu mingi basalelaka mpo na kosilisa ba mpasi na fièvre ezala na Etats Unis to Eropa.^[9] Nkisi oyo ezali na Liste ya ba Nkisi ya Ntina ya OMS, nkisa ya ntina mpeza oyo esengeli kozanga te na ba lopitalo.^[10] Paracétamol ezali kozwama bo générique mpe nkombo misisu eye bakosalela mpo nayango na mombongo eza Tylenol and Panadol.^[11] Talo mpo na kosomba na mipiko-mipiko eza na se ya 0.01 USD na dose moko.^[12] Na Etats Unis talo nayango eza 0.05 USD na dose moko.^[1]

References