Okara
Okara iyâ arèya rangkè'anna ca'-oca' sè aghânḍhu artè[1]. Neng è ḍâlem okara bâḍâ bâgiyân sè palèng parlo iyâ arèya jhejjher bân carètana. Jhejjher neng bhâsa Inḍonesia èkoca' subjek, dhinèng carètana neng bhâsa Inḍonesia èsebbhut predikat[2].
Macemma okara
Cem-macemma okara bisa ètèngghu ḍâri pan-brâmpan paddhu pangabâsân, akadhi bâḍâ-enjâ'na jhejjer bân carètana, tojjhuwânna, bân kompolanna. È bâbâ rèya èjhârbâ'aghi cem-macemma okara è ḍâlem bhâsa Madhurâ.
Mètorot jhejjher bân carèta
Okara samporna
Okara sè jhejjer bi' carètana paḍâ èsebbhut.
Conto:
- Bu' Sati'a ngakan.
- Eppa' mancèng.
- Alè' aghellâ'
| Jhejjher | Carèta |
|---|---|
| Bu' Sati'a | ngakan |
| Eppa' | mancèng |
| Alè' | aghellâ' |
Okara ta' samporna
Okara sè sala sèttong jhejjher otabâ carètana ta' èsebbhut.
Conto:
- Mellè acan
- Nabâng empè'
- Ajhâlan ka masèghid
| Okara ta' samporna | Okara samporna |
|---|---|
| Mellè acan | Embhuk mellè acan |
| Nabâng empè' | Ghuttè nabâng empè' |
| Ajhâlân ka masèghit | Santrè ajhâlân ka masèghit |
Okara rèngkes
Okara sè jhejjher otabâ carètana ta' èsebbhut, tapè jhejjher otabâ carètana sè ta' èsebbhut ghellâ' rèya kennèng èsarè neng è okara sabelluna otabâ samarèna.
Conto:
| Okara rèngkes | Okara sè ghenna' | Jhejjher | Carèta |
|---|---|---|---|
| Karno | Karno nolès | Karno | nolès |
| Ngènom | Sayuti | Sayuti | ngènom |
| Nolès | Dulaswi | Dulaswi | nolès |
| Sitti | Sitti ablânjhâ | Sitti | ablânjhâ |
Katerrangan:
Conto è attas tamaso’ contona okara rèngkes, mon èjhungaḍâ’i kalabân okara pètanya. Dhâddhi, jhejjher otabâ carètana sè ta’ èsebbhut ḍâlem okara rèngkes, bisa èghenna’è neng okara sè sabellunna.