18 сӱрем

18 сӱрем (18 июль) — григориан кечышот почеш идалыкын 199-ше (кужемдыме ийлаште — 200-шӧ) кечыже. Идалык пытыме марте 166 кече кодеш.

Пайрем да памятный дате-влак

•  Испаний — Паша кече.
•  Россий — Элкӧргӧ паша орган-влакын озанлык слубын кечыже.
•  УАШ — Хот-дог кече.
•  Уругвай — Конституций кече.
•  Франций — Шнуй Арнульф кече.

Лӱмгече

• Католик лӱм-влак: Камилл, Симон.
• Танле (православный) лӱм-влак: Анна, Арсений, Афанасий, Варвара, Василий, Елизавета, Кирилл, Сергей, Степан, Тихон.

Событий-влак

Тугак ончо: Категорий:Сӱрем тылзын 18 кечысе событий-влак

• 64 ий (Мемнан курым) —Римыште моткоч кугу пожар лийын.
• 1985 ий — ТЕТРИС модышым ыштен луктыныт.

Шочыныт

Тугак ончо: Категорий:Сӱрем тылзын 18 кечынже шочшо-влак

• 1940 ий — Аркадий Богданов (Аркадий Арсентьевич Богданов), марий серызе, почеламутчо, туныктышо, Россий Серызе-влак ушемын йыжъеҥже (2003), Марий Эл Республикысе тӱвыран сулло пашаеҥже (2006).
• 1960 ий — Надежда Васильевна Орлова, администраций да мер пашаеҥ. Паша корныжо Нурма ял администраций дене кылдалтын: тыште тудо вуйлатыше сомылымат шукта. Мер пашаштат кугу пагалымашым сулен: VII-ше Марий Погынын делегатше лийын.
• 1978 ий — Евгений Аркадьевич Веткин туныктышо, баянист. Шернур кундем Веткан ялыште шочын. Тудын паша корныжо Кукнур кыдалаш школ дене кылдалтын: тыште тудо аккомпониатор семынат тырша.

Коленыт

Тугак ончо: Категорий:Сӱрем тылзын 18 кечынже колышо-влак

Калык пале

• Афанасийын кечыже. Ожно тиде кечын йӱд вашеш тылзым эскереныт. Ойленыт: тудо тӱс да кугытшо дене вашталалт модеш.
• Марий калыкат тылзым эскера. Тылзе ава деч кугезына-влак шочшо лийже манын йодын кумалыныт. Ӱдырамаш-влак гын тичмаш тылзе годым мӱшкыран лияш тыршеныт, а у тылзе шочмо годым чыла ешлан да икшывывлан тазалыкым йодыныт. Шочшо у тылзым пурла вачӱмбач ужат гын, толшо тылзын чыла сай лиеш. У тылзым шола вачумбач ужат гын, кумыл волен кереш.

	18 сӱрем Викиклатыште?