Süleyman I

Süleyman I
Suleiman I
Bakuaso1520–1566 (46 tahun)
Panobatan30 September 1520
Pamakaman
Musajik Süleymaniye, Konstantinopel[1][2]
Namo langkok
Kanuni Sultan Suleyman Han
AyahSelim I
MandehAyşe Hafsa Sultan
PasanganMahidevran Sultan
Hurrem Sultan
Gülfem Hatun
AnakSehzade Mustafa
Sehzade Murad
Raziye Sultan
Sehzade Mehmed
Mihrimah Sultan
Sehzade Abdullah
Sehzade Selim
Sehzade Bayezid
Sehzade Cihangir

Süleyman I (Turki Utsmaniyah: سليمان Suleymān, Turki Modern: Süleyman; 6 November 1494  – 5/6/7 September 1566) adolah sultan Turki Utsmaniyah ka-10 nan bakuaso dari taun 1520 inggo 1566. Liau dikana sabagai Süleyman nan Lua Biaso di Barat, sarato panantu hukum (bahaso Turki: Kanuni; bahaso Arab: القانونى‎, al‐Qānūnī) di Timur dek pancapaiannyo dalam manyusun baliak sistem undang-undang Utsmaniyah. Liau marupokan tokoh pantiang di Eropa pado abaik ka-16. Süleyman mamimpin tantara Utsmaniyah manaklukkan Belgrade, Rhodes, sarato sabagian gadang Hongaria sabalun barasil disuruikan langkahnyo dalam Pangapuangan Wina taun 1529. Liau maaneksasi sabagian gadang Timur Tangah jo Afrika Utara (ingga sajauah Aljazair di barat). Di baruah kuasonyo, armada Utsmaniyah manguasii Lauik Tangah, Merah, jo Taluak Persia.[3]

Dalam upayonyo untuak mampakuek Utsmaniyah, Süleyman manjalanan reformasi legislatif nan barubuangan jo masyarakaik, pandidikan, pajak, jo hukum kriminal. Hukum kanunnyo mameloki bantuak kakaisaran salamo barabaik-abaik sasudah kamatiannyo. Salain marupokan panyair jo tukang ameh, liau juo manjadi palinduang budayo nan basa, ingga Utsmaniyah mancapai maso kaamehan dalam bidang artistik, sastra, jo arsitektur.[4] Süleyman pandai mangecek dalam limo bahaso: Turki Utsmaniyah, Arab, Serbia, Chagatai (dialek bahaso Turki dan takaik jo Uighur), sarato Persia.

Süleyman manikahi surang padusi harem nan banamo Hürrem Sultan, walaupun tindakan ko malangga tradisi Utsmaniyah. Putranyo, Selim II, manggantian Süleyman salapeh bakuaso salamo 46 tahun.

Rujuakan

  1. ↑ The Encyclopædia Britannica, Vol.7, Edited by Hugh Chisholm, (1911), 3; Constantinople, the capital of the Turkish Empire...
  2. ↑ Britannica, Istanbul:When the Republic of Turkey was founded in 1923, the capital was moved to Ankara, and Constantinople was officially renamed Istanbul in 1930.
  3. ↑ Mansel, 61.
  4. ↑ Atıl, 24.


  Artikel batopik biografi tokoh ko baru babantuak rancangan. Sanak dapek mambantu Wikipedia mangambangannyo.