Уполу

Уполу
	Карта на Самоа со острвот Уполу на десна страна.
Географија
Место	Тихи Океан
Координати	13°55′S 171°45′W / 13.917° ЈГШ; 171.750° ЗГД
Површина	1.125 км2
Должина	75 км
Највисоко издигнување	1.113 м
Највисока точка	Фито
Управување
	Самоа
Најголема населба	Апија (pop. ~35,000)
Демографија
Население	143,418 (2011)
Густина	127 /km2 (329 /sq mi)
Етнички групи	92.6% Самоанци, 7% мешани, 0.4% Европејци

Уполу (самоански: Upolu) е остров во државата Самоа.

Географија

Островот е долг 75 километри и има вкупна површина од 1125 км², што го прави втор по големина во државата. На Уполу живеат околу 145.000 жители и со тоа е најнаселен самоански остров. Уполу се наоѓа југоисточно од Саваи. Апија, главниот град на државата, се наоѓа во средишниот дел на северниот брег. На западниот дел од островот се наоѓа Меѓународниот аеродром Фалеоло. Нема забележано вулкански ерупции, но има остатоци од три дамнешни потоци од лава.

Историја

Во 19 век, шкотскиот писател Роберт Луис Стивенсон поседувал имот на Уполу во селото Ваилима. Тој умрел на Уполу во 1894 година и е закопан на врвот на брдото Ваеја, каде гробот гледа кон неговиот имот. Поседот бил откупен во 1900 година и служел како службена резиденција на германскиот гувернер на Германска Самоа. Кога Британија ја презела контролата врз островите, Британците го конфискувале имотот и го ставиле во иста употреба. Денес е резиденција на шефот, односно претседателот, на Самоа.