ചാമരാജനഗർ ജില്ല
ചാമരാജനഗർ ജില്ല Chamarajanagara | |
---|---|
ജില്ല | |
Country | India |
State | കർണ്ണാടക |
Headquarters | ചാമരാജനഗർ |
താലൂക്കുകൾ | യെലന്തൂർ, ഗുണ്ടൽപേട്ട്, ചാമരാജനഗര, കൊള്ളേഗൽ, ഹനൂർ |
• ആകെ | 5,101 ച.കി.മീ.(1,970 ച മൈ) |
(2001) | |
• ആകെ | 9,65,462 |
• ജനസാന്ദ്രത | 189/ച.കി.മീ.(490/ച മൈ) |
• Official | കന്നഡ |
സമയമേഖല | UTC+5:30 (IST) |
PIN | 571 3xx |
Telephone code | 08226 |
വാഹന റെജിസ്ട്രേഷൻ | KA-10 |
ഇന്ത്യൻ സംസ്ഥാനമായ കർണാടകത്തിലെ ഒരു ജില്ലയാണ് ചാമരാജനഗർ. ചാമരാജനഗർ ടൗൺ ആണ് ഇതിന്റെ ആസ്ഥാനം. 5 താലൂക്കുകൾ ഉള്ള ചാമരാജനഗർ ജില്ല രൂപീകരിച്ചത് 1998ലാണ്. അതു വരെ മൈസൂർ ജില്ലയുടെ ഭാഗമായിരുന്നു ഈ ജില്ല.
ഭൂമിശാസ്ത്രം
കർണ്ണാടകത്തിന്റെ തെക്കേ അറ്റത്ത് സ്ഥിതി ചെയ്യുന്ന ചാമരാജനഗർ ജില്ല കേരളവും തമിഴ്നാടുമായും അതിർത്തി പങ്കിടുന്നു. തെക്കു-പടിഞ്ഞാറു ഭാഗത്ത് കേരളത്തിലെ വയനാട് ജില്ലയുമായും, തെക്കുഭാഗത്ത് തമിഴ്നാട്ടിലെ നീലഗിരി ജില്ലയുമായും, തെക്കു-കിഴക്ക് ഭാഗത്ത് തമിഴ്നാട്ടിലെ സേലം, ഈറോഡ് ജില്ലകളുമായും, കിഴക്കു ഭാഗത്ത് തമിഴ്നാട്ടിലെ ധർമ്മപുരി ജില്ലയുമായും,വടക്കും, പടിഞ്ഞാറും ഭാഗങ്ങളിൽ കർണ്ണാടകത്തിലെ മൈസൂർ ജില്ലയുമായും വടക്കു-കിഴക്ക് ഭാഗത്ത് കർണ്ണാടകത്തിലെ ബാംഗളൂർ മാണ്ഡ്യ എന്നീ ജില്ലകളുമായും അതിർത്തി പങ്കിടുന്നു.
കൃഷി
കൃഷിയാണ് ഇവിടുത്തെ ജനങ്ങളുടെ പ്രധാന വരുമാനമാർഗ്ഗം.പ്രധാന കാർഷിക വിളകൾ കടല,റാഗി,കരിമ്പ്,മഞ്ഞൾ,വാഴ, ഉള്ളി എന്നിവയാണ്.ഇതിനു പുറമെ പൂകൃഷിയും ഇവിടെ വ്യാപകമാണ്. വരണ്ട കാലാവസ്ഥയാണ് ഇവിടെ.കേരളത്തിലേക്കുള്ള പച്ചക്കറി വരവിന്റെ ഒരു പ്രധാന ഭാഗം ഈ ജില്ലയിലെ ഗുണ്ടൽപേട്ടിൽ നിന്നാണ്.മലയാളികൾ ധാരാളമായി കുടിയേറി ഇവിടെ ഇഞ്ചികൃഷി നടത്തുന്നുണ്ട്.