ژوئن ۲۰۲۴

۱

• پرسپولیس ایران لیگ دله قهرمان بیه. وشون اتا امتیاز استقلال تهران جه ویشته‌ته امتیاز داشتنه.
• رئال مادرید پونزهمین دوره اروپا چمپیوز لیگ ره قهرمان بیه و فینال دله بروسیا دورتموند ره ۲-۰ بزو.
• ترامپ دادگاه محکوم بیه.

۲

• مانهایم، آلمان دله، اتا افغانی مردی ضدمسلمون‌های تجمع ره حمله هاکرده و کارد جه چند نفر ره زخم بکشی‌یه. اتا پؤلیس که ۲۹ سال سن داشته، بمرده. چند نفر دیئر هم بیمارستان کتنه.

۵

• حسین شنبه زاده که توییتر دله همش خامنه‌ای ره فحش-کتره گته ره انتخابات پیشی بیتنه که اینترنت دله کارورون خله واکنش هدانه.

۶

• شهرداری نوشهر فوتوال تیم شه آخرین بازی ره ماهشهر تیم جه بورده و لیگ آزادگان ره صعود هاکرده. ایرنا
• کلودیا شینباوم اولین زنی بیه که مکزیک دله رییس‌جمهور بوی‌یه.

۹

• نارندرا مودی سومین‌کش هند انتخابات دله ویشترین رأی بیارده و نخست‌وزیر بمونسته.
• اروپای پارلمون انتخابات ره شروع هاکردنه‌.
• ایران ریاست جمهوری انتخابات وسه شیش نفر تأیید صلاحیت بینه که محمدباقر قالیباف، سعید جلیلی، مسعود پزشکیان، علیرضا زاکانی، امیرحسین قاضی زاده هاشمی و مصطفی پورمحمدی هستنه.

۱۰

• اروپای پارلمون انتخابات دله راست‌خاهون حزبون رأی ویشته بیه. فرانسه دله امانوئل ماکرون که بباخته، هول‌هایته و باته فرانسه میلس وسه زودته‌ته انتخابات بلن که هارشن فرانسه پارلمون چتی خانه بوو. آلمان دله هم دولت اصلی حزب ۱۷ درصد رأی بیارده.

۱۳

• مالاوی دله رییس‌جمهوری ِمعاون‌اول بالون بنه هایته و ۹ نفری بمردنه.

۱۴

• چالس ره لاهیز بمو و کندوان ره ئو سرهایته.
• گپ-گپ هسته که اسرائیل خانه لبنان ره حمله هاکنه. وشون و حزب‌الله میون هئی ره مدام ویشته‌ته بمب و موشک ووشانه. اسراییل أشون اتا شهرک ره صور دله بمب بوارسته. فرانسه هم لبنان دولت ره باته که سرصاب بوئن.

۱۵

• محمدحسین محمدیان، ساروی کشتی‌گیر که ات‌گال تیم ملی دله هم دیه، جنگل زارع دله در-دو گیته که ونه دم ره بیتنه و باتنه چه شلوارک ته کینگ دره ؟ وه اینتا خور ره رسانه‌ای هاکرده.
• اتا جوون ریکا که زاغمرز دله اردیبهشت‌ماه گوم بئی بی‌یه، اسا ونه لاشه ره گل‌بن جه دربیاردنه که ونه دست و تک دوسته بی‌یه. اتا ۶۰ ساله مردی ونه قاتل بی‌یه ظارا. اسا ۱۵ نفر دیگه هم شاکی پیدا بینه که گنه این مردی وشون ره کشی‌یه سره دله و ریکائون ره تجاوز کرده.

۱۶

• کامران قاسمپور ره برسنینه ایتالیایِ ساساری کشتی بیره، پنج‌تا بازی دله چارتا ره ده-هیچ بَوِرده و پنجمی انصراف هدا و اینتی طلا ره بیته.
• چالس لاهیز دله ظارا سه نفر بمردنه که وشون جسد ره تیل‌بن جه دربیاردنه.

۱۸

• ان‌بی‌ای فینال دله، بوستون سلتیکس قهرمون بیه و شه هیژدهمین قهرمونی ره جشن بیته. nbc
• رشت دله اتا بیمارستان تش هایته و چند نفر ره بکوشته.

۱۹

• حج دله حدود هزار نفر حاجی ناخشی بیتنه و بمردنه. فرانس24
• کاشمر زلزله دکته. اقلا چار نفر بمردنه و صدها نفر صدمه بدینه.

۲۰

• سودان دله‌یی جنگ سره، واکنش‌سریع نیرو اتا مهم و استراتژیک شهر ره بیتنه که غربی کردوفان نیشتگا هسته.
• چند روزی اسرائیل و لبنان حزب‌الله ویشته هئی ره صدمه زنه. حسن نصالله إسا قبرس ره تهدید هاکرده که شه پایگاهون ره اسراییل دس په نینگنه.
• مارک روته، هلند پیش‌ته نخست‌وزیر ، إسا قرار بیه ناتوی دبیرکل بوه.

۲۱

• لیگ مقومات باتنه وطنی فوتوال‌زمین نتونده فصل بعد مازرون نساجی وسه میزبان بوو. همین گدر صاب باشگاه بمو باته دیگه تیم ره نخانه و ونه امتیاز ره خانه بروشه.

۲۲

• شهسوار دله، اولین بار وسه اتا دوشان‌زنی فستیوال سلیم‌آباد محله برگزار بیه. جوون خور گذاری

۲۶

• سوادکوه دله تلار روخنه لاهیز هاکرده و دِ نفر آدم سر دیروز-تاسا گوم هسته. هیژده نفر ره هم بیمارستان دارنه. لاهیز خله این کش خسارت بزو و جاده و مردم سره و زمین ره بَورده. (دویچه‌وله)

۲۷

• بولیوی دله کودتا هاکردنه ولی کودتا بشکسته و لوییس آرکه و ونه دولت جان به در بوردنه.
• ژولین آسانژ حبس جه رها بیه.
• نایروبی دله معترضون کنیای پارلمون ره نهب بکردنه بیرن که تیر ووشانه و نوزه نفر بمردنه

۲۸

• ایران ریاست جمهوریِ انتخابات شروع بیّه. آخرین روز دله، دِ تا کاندیدا شه ره کنار بکشینه و مسعود پزشکیان، سعید جلیلی، محمدباقر قالیباف و مصطفی پورمحمدی کاندیدائونی هستنه که مردم وشون سر رأی دِنّه.

۲۹

• ایران انتخابات نتیجه ره باتنه و مسعود پزشکیان ۱۰ میلیون و ۴۱۵ هزار و ۹۹۱ (۴۲٫۴۵٪) رای بیارده و سعید جلیلی ۹ میلیون و ۴۷۳ هزار و ۲۹۸ (۳۸٫۶۱٪) رای جه دوم بیّه. این‌صوه ونه دومین دوره رأی‌گیری بوه چون هچکمین پنجاه درصد که لازم بی‌یه ره نیاردنه.

۳۰

• فرانسه پارلمون وسه رأی کشنه. (اپ)
• نیجریه دله، اتا بومب ره بورنو اوستان دله بترکنینه که حدود ۶۰ نفر آدم ره بکوشته.