Otto von Bismarck
Otto Eduard Leopold von Bismarck-Schönhausen (vun 1865 af an Graaf, vun 1871 af an Först vun Bismarck, vun 1890 af an Hartog to Loonborg[1]; * 1. April 1815 in Schöönhusen; † 30. Juli 1898 in Friedrichsruh bi Hamborg) weer en düütschen Fürst un Politiker. Vun 1862 bit 1871 is he Ministerpräsident vun Preußen ween un togliek, vun 1867 bit 1871 Bundskanzler vun den Noordüütschen Bund un denn ok noch vun 1871 bit 1890 eersten Riekskanzler vun dat Düütsche Kaiserriek. He hett dor sunnerlich achter steken, datt dat Düütsche Riek grünnt wurrn is.
| 1851-1859 | preußische Gesandte in'n Bundsdag in Frankfurt a.M., |
| 1859 | Bottschapper in Sankt Petersborg, |
| 1862 | Bottschapper in Paris, |
| 1862 | Ministerpräsident van Preußen, |
| sett gegen den Landdag de Heeresreform dör, | |
| 1864 | tosamen mit Öösterriek Orlog gegen Däänmark um Schleswig-Holsteen, |
| 1866 | Krieg gegen Öösterriek, mitteldüütsche un süüddüütsche Staaten, |
| wobi he Hannober, Hessen-Kassel, Nassau un Frankfort an'n Main to Preußen sloog, | |
| 1867 | Kanzler van den Noorddüütschen Bund, den he sülvst grünnt hett, |
| 1870-1871 | Krieg gegen Frankriek, |
| 1871 | Riekskanzler van dat neegrünnte Düütsche Riek, |
| mit den Dreebund un gode Kontakten mit Russland soch he den
Freden för Düütschland to sekern, | |
| 1878 | Vörsitter van den Berliner Kongress, |
| 1872-1878 | Schutztoll un Sozialistengesetten, |
| 1890 | van den jungen Kaiser Wilhelm II. afsett. |
Bismarck weer en düchtigen Politiker un Staatsmann, aver he harr wat van enen herrischen Junker an sik, stell Nütten un Macht över Grundsetten un Rechten un streek de Autorität van de Monarchie hooch herut. Sien Wark, de Rieksgründung van 1871 un siene Politik as Riekskanzler weern tomeist militärisch un up Preußen afstimmt.
Ehren
Von Bismarck is 1885 Ehrenbörger von Bremerhoben worrn.
Belege
- ↑ Volker Ulrich meent in sien Book (Otto von Bismarck, 4. Uplage, bi Rowohlt in Reinbek 1998 rutkamen), datt Bismarck vun den Titel vun en Hartog vun Loonborg nix weten woll un jeden Breev torüchgahn laten hett, wenn düsse Titel up'e Adress stunn.