अनुष्का शेट्टी
अनुष्का शेट्टी Anushka Shetty | |
|---|---|
 सन् २०१३ मा शेट्टी | |
| जन्म | स्वीटी शेट्टी[१] ७ नोभेम्बर १९८१[२] पुत्तुर, कर्नाटक, भारत |
| मातृ शिक्षाप्रतिष्ठान | माउन्ट कार्मेल कलेज, बेङ्गलोर |
| पेशा | अभिनेत्री |
| कार्यकाल | सन् २००५–वर्तमान |
| हस्ताक्षर | |
 | |
स्वीटी शेट्टी (जन्म ७ नोभेम्बर १९८१), उनको मञ्च नाम अनुष्का शेट्टीद्वारा परिचित, एक भारतीय चलचित्र अभिनेत्री र मोडल हुन् जो मुख्य रूपमा तेलुगु र तमिल चलचित्र उद्योगहरूमा काम गर्छिन्। उनले धेरै पुरस्कार प्राप्त गरिसकेकी छिन्, जसमा तीन सिनेमा पुरस्कार, एक नन्दी पुरस्कार, तमिलनाडु राज्य चलचित्र पुरस्कार र आठ नामाङ्कनहरूबाट तीन फिल्मफेयर पुरस्कार समावेश छन्। अनुष्का भारतमा सबैभन्दा धेरै कमाई गर्ने अभिनेत्री हुन्[३] र उनलाई लोकप्रिय रूपमा "दक्षिण भारतीय सिनेमाको लेडी सुपरस्टार" भनेर चिनिन्छ।[४][५][६][७]
उनले सन् २००५ को तेलुगु चलचित्र 'सुपर'बाट अभिनयको सुरुवात गरेकी थिइन्, जसले उनलाई फिल्मफेयर सर्वश्रेष्ठ सहायक अभिनेत्री – तेलुगु नामाङ्कन दिलाएको थियो। अर्को वर्ष, उनले एसएस राजामौलीको 'विक्रमारकुडु'मा अभिनय गरेकी थिइन्, जुन एक प्रमुख व्यावसायिक सफलता भएको थियो। उनका थप चलचित्रहरू 'लक्ष्यम' (सन् २००७), 'सौर्यम' (सन् २००८) र 'चिन्तकयला रवि' (सन् २००८) पनि बक्स अफिसमा सफल थिए। सन् २००९ मा, शेट्टीले डार्क फ्यान्टसी 'अरुन्धती'मा दोहोरो भूमिका खेलेकी थिइन्, जसले उनलाई आलोचनात्मक प्रशंशा र धेरै पुरस्कारहरू दिलाएको थियो, जसमा उनको पहिलो सर्वश्रेष्ठ अभिनेत्रीको लागि फिल्मफेयर पुरस्कार - तेलुगु, सर्वश्रेष्ठ अभिनेत्रीको लागि नन्दी पुरस्कार र सर्वश्रेष्ठ अभिनेत्रीको लागि सिनेमा पुरस्कार समावेश छ। अर्को वर्ष, प्रशंसित नाटक 'वेदम'मा एक वेश्याको चित्रणको लागि शेट्टीले सर्वश्रेष्ठ अभिनेत्रीको लागि लगातार दोस्रो फिल्मफेयर र सिनेमा पुरस्कार जितेकी थिइन्।[८] चलचित्रहरूको शृङ्खलाको सफलतापछि, उनले आफूलाई तेलुगु सिनेमाको अग्रणी अभिनेत्रीको रूपमा स्थापित गरेकी छिन्।[९]
प्रारम्भिक जीवन
कर्नाटकको मङ्गलोरमा जन्मेकी, अनुष्का जातीय तुलुवा हुन् जो 'बेलिपडी उरमालु गुथु' परिवारबाट हुन्।[१०] उनका आमा बुबा प्रफुल्ल र ए.एन. विट्टल शेट्टी हुन्।[१०] उनका दुई भाईहरू गुणरञ्जन शेट्टी र साई रमेश शेट्टी छन् जो कस्मेटिक सर्जन हुन्।[१०] अनुष्काले आफ्नो स्कूली शिक्षा बेङ्गलोरमा र उनको ब्याचलर अफ कम्प्युटर एप्लिकेसन माउन्ट कार्मेल कलेज, बेङ्गलोरमा गरेकी थिइन्। उनी भरत ठाकुरको नेतृत्वमा एक योग प्रशिक्षक पनि थिइन्।[११]
सन्दर्भ सामग्रीहरू
- ↑ "Sweety "is a boring person, that's why I become Anushka for my fans: Anushka Shetty", indiatimes.com, अन्तिम पहुँच ३० जुन २०१७।
- ↑ "'Baahubali' "actress Anushka Shetty celebrates her 34th birthday!", dnaindia.com, अन्तिम पहुँच ३० जुन २०१७।
- ↑ "Baahubali 2: Did you know Prabhas, Rana Daggubati, Anushka are highest paid star cast in India?", India Today, Ist।
- ↑ "Happy Birthday Anushka Shetty: 6 Best Performances of the Baahubali actress who is a darling among the masses - Times of India ►", The Times of India।
- ↑ "Rajinikanth, Ram Charan laud Anushka Shetty's performance in Bhaagamathie", Indian Express, ३ फेब्रुअरी २०१८।
- ↑ "5 Reasons To Watch Anushka Shetty's Bhaagamathie", Sakshi Post, मूलबाट २४ जनवरी २०१८-मा सङ्ग्रहित।
- ↑ "Anushka helped with 'feminine' tips, says Unni Mukundan", OnManorama।
- ↑ "Meet super-talented Anushka Shetty! – Rediff.com Movies", Movies.rediff.com, ३१ मे २०१०, अन्तिम पहुँच १८ जुन २०११।
- ↑ "Top Telugu actresses of 2009 – Rediff.com Movies", Movies.rediff.com, २९ डिसेम्बर २००९, अन्तिम पहुँच १८ जुन २०११।
- ↑ १०.० १०.१ १०.२ Vinobha KT (२४ डिसेम्बर २०११), "Household Kola draws Tulu belle to Bellipady", The Times of India, अन्तिम पहुँच ७ जनवरी २०१२। वेब्याक मेसिन अभिलेखिकरण २० मे २०१३ मिति
- ↑ "Meet super-talented Anushka Shetty!", rediff.com, अन्तिम पहुँच ३० जुन २०१७।
बाह्य कडीहरू
