एनाफाइल्याक्सिस
| एनाफाइल्याक्सिस वर्गीकरण व पिनेया स्रोत | |
 | |
|---|---|
| मिजंमचाया ख्वाया एञ्जियोइदिमाया कारणं ख्वा मनावया मचां थःगु मिखा हे चायेकेमफु। थ्व प्रतिक्रिया एलरजेनया अनावृतिया कारणं जूगु ख। | |
| ICD-10 | T78.2 |
| ICD-9 | 995.0 |
| DiseasesDB | 29153 |
| MedlinePlus | 000844 |
| eMedicine | med/128 |
| MeSH | D000707 |
एनाफाइल्याक्सिसयात "छकलं न्ह्यथनिगु व ज्यान वनेफुगु छगू गम्भीर एलर्जिक रियाक्सन"या कथं परिभाषित यायेछिं। [१] थ्व ल्वचं थी-थी कथंया लक्षण क्यनेफु गुकिलि च्वासुइगु र्याश, कथु मनावइगु, व ब्लड प्रेसर म्हो जुइगु मू लक्षण ख। थ्व ल्वेया मू कारणय् किलं न्याइगु, नसाः, वासः आदि ला।
प्याथोफिजियोलोजिक स्तरय् एनाफाइल्याक्सिस इम्युनोलोजिक वा नन-इम्युनोलोजिक कारणं व्हाइत ब्लड सेलं पिकाइगु थी-थी कथंया मेदियतरया ज्याया लिच्वः ख। थुकिया दायग्नोसिस आपालं अवस्थाय् अस्पतालय् थ्यनिबिलेया ल्वमिया लक्षणया आधारय् जुइ। थ्व ल्वेया मू वासः इपिनेफ्रिनया इञ्जेक्सन ख। थ्व नापं मेमेगु वासः नं यायेमा।
हलिमय् ०.०५–२% जनसंख्याय् जीवनय् छुं अवस्थाय् एनाफाइल्याक्सिस जूगु खनेदु। थ्व ल्वेया नां यवन भाषाया खँग्वः ἀνά एना, विरुद्ध, व φύλαξις फाइल्याक्सिस, रक्षा स्वाना पलिस्था जूगु ख।
लिधंसा
- ↑ Tintinalli, Judith E. (2010). Emergency Medicine: A Comprehensive Study Guide (Emergency Medicine (Tintinalli)). New York: McGraw-Hill Companies, 177–182.
स्वयादिसँ
 |
विकिमिडिया मंका य् थ्व विषय नाप स्वापु दुगु मिडिया दु: Anaphylaxis |