ਗਲੈਨ ਮੈਕਸਵੈਲ

ਗਲੈਨ ਮੈਕਸਵੈਲ

ਮੈਕਸਵੈਲ ਅਕਤੂਬਰ 2011 ਵਿੱਚ
ਨਿੱਜੀ ਜਾਣਕਾਰੀ
ਪੂਰਾ ਨਾਮ	ਗਲੈਨ ਜੇਮਸ ਮੈਕਸਵੈਲ
ਜਨਮ	(1988-10-14) 14 ਅਕਤੂਬਰ 1988 (ਉਮਰ 36) ਵਿਕਟੋਰੀਆ, ਮੈਲਬਰਨ, ਆਸਟਰੇਲੀਆ
ਛੋਟਾ ਨਾਮ	ਮੈਕਸੀ, ਦਿ ਬਿਗ ਸ਼ੋਅ[1]
ਕੱਦ	1.80 m (5 ft 11 in)
ਬੱਲੇਬਾਜ਼ੀ ਅੰਦਾਜ਼	ਸੱਜਾ ਹੱਥ
ਗੇਂਦਬਾਜ਼ੀ ਅੰਦਾਜ਼	ਸੱਜਾ ਹੱਥ ਔਫ਼ ਸਪਿਨ
ਭੂਮਿਕਾ	ਬੱਲੇਬਾਜ਼ ਆਲ-ਰਾਊਂਡਰ, ਮੱਧ-ਕ੍ਰਮ ਬੱਲੇਬਾਜ਼
ਅੰਤਰਰਾਸ਼ਟਰੀ ਜਾਣਕਾਰੀ
ਰਾਸ਼ਟਰੀ ਟੀਮ	ਆਸਟਰੇਲੀਆ
ਪਹਿਲਾ ਟੈਸਟ (ਟੋਪੀ 434)	2 ਮਾਰਚ 2013 ਬਨਾਮ ਭਾਰਤ
ਆਖ਼ਰੀ ਟੈਸਟ	4 ਸਿਤੰਬਰ 2017 ਬਨਾਮ ਬੰਗਲਾਦੇਸ਼
ਪਹਿਲਾ ਓਡੀਆਈ ਮੈਚ (ਟੋਪੀ 196)	25 ਅਗਸਤ 2012 ਬਨਾਮ ਅਫ਼ਗਾਨਿਸਤਾਨ
ਆਖ਼ਰੀ ਓਡੀਆਈ	24 ਸਿਤੰਬਰ 2017 ਬਨਾਮ ਭਾਰਤ
ਓਡੀਆਈ ਕਮੀਜ਼ ਨੰ.	32
ਪਹਿਲਾ ਟੀ20ਆਈ ਮੈਚ (ਟੋਪੀ 58)	5 ਸਿਤੰਬਰ 2012 ਬਨਾਮ ਪਾਕਿਸਤਾਨ
ਆਖ਼ਰੀ ਟੀ20ਆਈ	10 ਅਕਤੂਬਰ 2017 ਬਨਾਮ ਭਾਰਤ
ਟੀ20 ਕਮੀਜ਼ ਨੰ.	32
ਘਰੇਲੂ ਕ੍ਰਿਕਟ ਟੀਮ ਜਾਣਕਾਰੀ
ਸਾਲ	ਟੀਮ
2010–ਹੁਣ ਤੱਕ	ਵਿਕਟੋਰੀਆ (ਟੀਮ ਨੰ. 32)
2011–2012	ਮੈਲਬਰਨ ਰੈਨੇਗੇਡਜ਼
2012, 2014	ਹੈਂਪਸ਼ਾਇਰ
2012–ਹੁਣ ਤੱਕ	ਮੈਲਬਰਨ ਸਟਾਰਜ਼
2013	ਮੁੰਬਈ ਇੰਡੀਅਨਜ਼
2013	ਸਰੀ
2014–ਹੁਣ ਤੱਕ	ਕਿੰਗਜ਼ XI ਪੰਜਾਬ
2015–ਹੁਣ ਤੱਕ	ਯੌਰਕਸ਼ਾਇਰ
ਕਰੀਅਰ ਅੰਕੜੇ
ਪ੍ਰਤਿਯੋਗਤਾ ਟੈਸਟ ਇੱਕ ਦਿਨਾ ਪਹਿਲਾ ਦਰਜਾ ਏ ਦਰਜਾ ਮੈਚ 7 77 51 127 ਦੌੜਾਂ ਬਣਾਈਆਂ 339 1,977 3,031 3,429 ਬੱਲੇਬਾਜ਼ੀ ਔਸਤ 26.07 32.95 39.36 34.98 100/50 1/0 1/15 6/17 4/23 ਸ੍ਰੇਸ਼ਠ ਸਕੋਰ 104 102 278 146 ਗੇਂਦਾਂ ਪਾਈਆਂ 462 1,882 4,104 3,060 ਵਿਕਟਾਂ 8 45 57 75 ਗੇਂਦਬਾਜ਼ੀ ਔਸਤ 42.62 38.66 41.49 36.29 ਇੱਕ ਪਾਰੀ ਵਿੱਚ 5 ਵਿਕਟਾਂ 0 0 0 0 ਇੱਕ ਮੈਚ ਵਿੱਚ 10 ਵਿਕਟਾਂ 0 n/a 0 n/a ਸ੍ਰੇਸ਼ਠ ਗੇਂਦਬਾਜ਼ੀ 4/127 4/46 4/42 4/46 ਕੈਚਾਂ/ਸਟੰਪ 5/– 46/– 41/– 76/–
ਸਰੋਤ: ESPNcricinfo, 7 ਸਿਤੰਬਰ 2017

ਗਲੈਨ ਜੇਮਸ ਮੈਕਸਵੈਲ (ਜਨਮ 14 ਅਕਤੂਬਰ 1988) ਇੱਕ ਆਸਟਰੇਲੀਆਈ ਪਹਿਲਾ ਦਰਜਾ ਕ੍ਰਿਕਟਰ ਹੈ ਜਿਹੜਾ ਆਸਟਰੇਲੀਆ ਦੀ ਰਾਸ਼ਟਰੀ ਟੀਮ ਲਈ ਟੈਸਟ ਮੈਚ, ਇੱਕ ਦਿਨਾ ਅੰਤਰਰਾਸ਼ਟਰੀ ਅਤੇ ਟਵੰਟੀ-20 ਅੰਤਰਰਾਸ਼ਟਰੀ ਮੁਕਾਬਲਿਆਂ ਵਿੱਚ ਖੇਡਦਾ ਹੈ।^[2] 2011 ਵਿੱਚ ਉਸਨੇ 19 ਗੇਂਦਾਂ ਵਿੱਚ 50 ਰਨ ਬਣਾ ਕੇ ਆਸਟਰੇਲੀਆਈ ਘਰੇਲੂ ਕ੍ਰਿਕਟ ਵਿੱਚ ਸਭ ਤੋਂ ਤੇਜ਼ ਅਰਧ-ਸੈਂਕੜਾ ਬਣਾਉਣ ਦਾ ਰਿਕਾਰਡ ਬਣਾਇਆ ਸੀ।^[3][4] ਫ਼ਰਵਰੀ 2013 ਵਿੱਚ ਇਂੰਡੀਅਨ ਪ੍ਰੀਮੀਅਰ ਲੀਗ ਵਿੱਚ ਉਸਨੂੰ ਮੁੰਬਈ ਇੰਡੀਅਨਜ਼ ਦੁਆਰਾ 10 ਲੱਖ ਅਮਰੀਕੀ ਡਾਲਰ ਵਿੱਚ ਖਰੀਦਿਆ ਗਿਆ ਸੀ।^[5] ਇਸੇ ਸਾਲ ਮਾਰਚ ਵਿੱਚ ਉਸਨੇ ਆਪਣੇ ਟੈਸਟ ਕੈਰੀਅਰ ਦੀ ਸ਼ੁਰੂਆਤ ਭਾਰਤ ਵਿੱਚ ਹੈਦਰਾਬਾਦ ਵਿਖੇ ਦੂਜੇ ਟੈਸਟ ਵਿੱਚ ਕੀਤੀ ਸੀ।^[6] ਸਾਲ 2015 ਵਿੱਚ ਮੈਕਸਵੈਲ ਯੌਰਕਸ਼ਾਇਰ ਦੇ ਕਾਊਂਟੀ ਕ੍ਰਿਕਟ ਕਲੱਬ ਵਿੱਚ ਸ਼ਾਮਿਲ ਹੋ ਗਿਆ। 2016 ਵਿੱਚ ਉਸਨੇ ਸ਼੍ਰੀਲੰਕਾ ਵਿਰੁੱਧ ਨਾਬਾਦ 145* ਦੌੜਾਂ ਦੀ ਪਾਰੀ ਖੇਡੀ ਸੀ, ਜਿਹੜਾ ਕਿ ਟਵੰਟੀ-20 ਅੰਤਰਰਾਸ਼ਟਰੀ ਵਿੱਚ ਦੂਜਾ ਸਭ ਤੋਂ ਵੱਡਾ ਨਿੱਜੀ ਸਕੋਰ ਹੈ। 2017 ਵਿੱਚ ਭਾਰਤ ਵਿਰੁੱਧ 104 ਦੌੜਾਂ ਬਣਾਉਣ ਤੋਂ ਬਾਅਦ ਜਿਹੜਾ ਉਸਦਾ ਭਾਰਤ ਵਿਰੁੱਧ ਪਹਿਲਾ ਸੈਂਕੜਾ ਸੀ, ਉਹ ਕ੍ਰਿਕਟ ਦੇ ਤਿੰਨਾਂ ਰੂਪਾਂ ਵਿੱਚ ਸੈਂਕੜਾ ਬਣਾਉਣ ਵਾਲਾ ਆਸਟਰੇਲੀਆ ਦਾ ਦੂਜਾ (ਪਹਿਲਾ ਸ਼ੇਨ ਵਾਟਸਨ) ਬੱਲੇਬਾਜ਼ ਬਣ ਗਿਆ। ਇਸ ਤਰ੍ਹਾਂ ਗਲੈਨ ਮੈਕਸਵੈਲ ਉਹਨਾਂ 13 ਮੈਂਬਰਾਂ ਦੀ ਸੂਚੀ ਵਿੱਚ ਸ਼ਾਮਿਲ ਹੈ, ਜਿਹਨਾਂ ਨੇ ਕ੍ਰਿਕਟ ਦੇ ਤਿੰਨਾਂ ਰੂਪਾਂ ਵਿੱਚ ਸੈਂਕੜਾ ਬਣਾਇਆ ਹੈ।^[7] ਸਾਲ 2014 ਤੋਂ ਮੈਕਸਵੈਲ ਇੰਡੀਅਨ ਪ੍ਰੀਮੀਅਰ ਲੀਗ ਵਿੱਚ ਕਿੰਗਜ਼ XI ਪੰਜਾਬ ਲਈ ਖੇਡਦਾ ਹੈ ਅਤੇ ਇਸ ਟੀਮ ਦੀ ਕਪਤਾਨੀ ਵੀ ਕਰ ਚੁੱਕਾ ਹੈ।