اڑیال

اڑیال
دیس:	جنور
برادری:	کورڈیٹ
ٹولی:	ددپلانے
پتی:	پدھرے کھر
ٹبر :	گانواں
سائنسی ناں:	Ovis orientalis vignei
دنیا تے اڑیال دی پھرن تھاں رنگ وچ

اڑیال پاکستان تے وشکارلے ایشیاء دے دیساں دا گانواں دے ٹبر دا اک جانور اے۔

وکھالہ

نر اڑیال دے دے وڈے موٹے سنگ ہوندے نیں جیہڑے باہر ول مڑدے نیں تے انت تے سر ول مڑدے نیں۔ مادھ دے نکے سنگ ہوندے نیں۔ نر دے سنگ 100 سینٹی میٹر (39 انچ) تک لمے ہوندے نیں۔ وڈے نر دی اچائی مگراں توں 80 توں 90 سینٹی میٹر (31 توں 35 انچ) ہوندی اے۔ ایہدی کھل رتی پؤری ہوندی اے۔ نر دے گاٹے توں تھلے چھاتی تک کالے وال ہوندے نیں۔

پسار

ایہ پاکستان، لداخ توں لے کے افغانستان، ایران توں لیندے قازقستان تک پھیلے ہوۓ نیں۔

ویہار

ستمبر ایہناں دا نر مادھ دے ملنے دا ویلہ اے۔ اک نر 5 تک مادھ چندا اے تے ہر اک 5 مہینے سنار رہن مگروں اک ای بچہ جمدی اے۔

نکیاں ونڈاں

ایہدیاں 6 نکیاں ونڈاں نیں:

• افغانی یا ترکمانی اڑیال
• بلوچی اڑیال
• بخارا اڑیال
• پنجابی اڑیال
• کیسپینی اڑیال
• لداخی اڑیال