دریائے نیل
| دریائے نیل | ||
|---|---|---|
 |
||
| تلفظ | LL-Q22809485 (apc)-Hassan Hassoon-نهر النيل.wav[۱] | |
| لمبائی | 6650 کلومیٹر | |
| سوما | نیل ایبض، نیل ازرق | |
| نقشہ | 15°38′25″N 32°30′20″E / 15.640138888889°N 32.5055°E، 31°27′55″N 30°22′00″E / 31.4653°N 30.3667°E | |
 نقشہ |
||
| انتظامی تقسیم | ||
| ملک |  سوڈان | |
| ڈگدا | بحیرہ روم | |
| معاون دریا | دریائے عطبرہ | |
| طاس دیس | ||
| ڈسچارج | 2830 cubic metre per second
| |
| طاس رقبہ | 3400000 مربع کلومیٹر
| |
| جغرافیائی خصوصیات | ||
| متناسقات | 15°38′25″N 32°30′20″E / 15.640138888889°N 32.5055°E [۳] | |
| بلندی | 2700 میٹر، 0 میٹر | |
| جیو رمز | 351036[۴] | |
|
|
||
ترمیم  | ||
نیل (Nile) شمال مشرقی افریقا وچ شمال دی طرف وَگدا اک وڈا دریا اے۔ ایہ رومی سمندر وچ ڈگھدا اے۔ دریائے نیل دنیا دا سبھ توں لمبا دریا اے۔ [۵]۔ ایہ 2 دریاواں نیل ابیض تے نیل ازرق نال رَل کے بَݨدا اے ۔ نیل ازرق ای دریائے نیل دے بیشتر پانی تے زرخیز زمیناں دا سبب اے ، پر لمبا نیل ابیض اے ۔ نیل ابیض وسطی افریقا توں عظیم جھلاں دے علاقے چوں جنوبی روانڈا توں نکلدا اے تے شمال دے پاسے تنزانیا ، یوگنڈا تے جنوبی سوڈان توں گذردا اے جدکہ نیل ازرق ایتھوپیا چوں جھیل ٹانا توں شروع ہندا اے تے جنوب مشرق ول سفر کردے ہوئے جنوبی سوڈان چوں لنگھدا اے ۔ ایہ دونے دریا، سوڈان دے راجگڑھ خرطوم لاگے آپس چ ملدے نیں .[۶]۔
دریائے نیل دا شمالی حصا سوڈان توں مصر تک مکمل طور تے صحراء چوں لنگھدا اے جنوبی مصر چ اس دریا تے مشہور اسوان ڈیم تعمیر کیتا گئیا اے جہڑا کہ 1971ء چ مکمل ہوئیا ۔ اس بند دی وجہ توں اک وڈی جھیل بنی جہڑی جھیل ناصر کہلاندی اے ، ایہ جھیل سوڈان تے مصر دی سرحد تے واقع اے تاہم اسدا 83 فیصد حصہ مصر چ تے 17 فیصد سوڈان وچ اے ۔ سوڈان چ اس جھیل نوں جھیل نوبیا آکھیا جاندا اے ۔ جھیل ناصر 550 کلومیٹر لمبی تے زیادہ توں زیادہ 35 کلومیٹر چوڑی اے ۔ ایہدا کل رقبا 5256 مربع کلومیٹر اے جدوں کہ پانی دے ذخیرے دی گنجائش 157 معکب کلومیٹر اے ۔ مصر دی آبادی دی اکثریت تے سارے شہر ایسے دریا دے کنارے تے آباد نیں ۔[۷]
مصر دا شہر قاہرہ دریائے نیل دے کنڈھے تے ایہدے جزیریاں تے عین اس مقام اُتے واقع اے جتھے دریا صحرائی علاقے توں نکل کے 2 شاخاں چ تقسیم ہوکے ڈیلٹائی خطے چ داخل ہندا اے ۔
دریائے نیل 6695 کلومیٹر دا سفر طے کرن دے بعد اس ڈیلٹائی علاقے توں ہندا ہوئیا رومی سمندر چ جا ڈگھدا اے ۔ قدیم مصر دے سارے آثار قدیمہ وی دریاۓ نیل دے کنارے دے نال نال ملدے نیں کیونکہ 4 ہزار سال قبل مسیح چ صحرائے اعظم دی وسعت گیری تے خشک سالی دی وجہ توں مقامی باشندے دریاۓ نیل ول ہجرت کرگئے جیہڑی عظیم مصری تہذیب دا پیش خیما بݨی ۔
معاون دریا
دریائے نیل علینہ پرویز کولوں ہو کہ جاندا عام طور تے جھیل وکٹوریا نوں نیل ابیض دا دہانہ منیا جاندا اے پر کجھ ماہراں دا کہنا اے کہ روانڈا دے جنگلات اسدا دہانہ نیں ۔ جس دے بعد ایہہ جھیل وکٹوریا چوں سفر کردا ہوئیا یوگنڈا چ اسدا ساتھ چھڈ دیندا اے تے 500 کلومیٹر دے سفر دے بعد جھیل کیوگا تے بعد وچ جھیل البرٹ پہنچدا اے ، جس دے بعد ایہ سوڈان پہنچدا اے اس جگہ ایہ بحر الجبل یعنی کوہستانی دریا دے ناں نال جانیا جاندا اے ۔ بحر الغزال دے ملاپ دے بعد ایہہ بحر الابیض یعنی سفید دریا کہلاندا اے جس نوں دنیا نیل ابیض دے ناں نال جاندی اے ۔ 😂😂😂😂😂
نیل ازرق ایتھوپیا دے پہاڑاں چ واقع جھیل ٹانا چوں نکلدا اے ایہہ 1400 کلومیٹر دا سفر کرن دے بعد سوڈان دے دارالحکومت خرطوم دے نیڑے نیل ابیض نال مل جاندا اے تے دریاۓ نیل دی تشکیل ہندی اے ۔
تریخ
پتھر دے زمانے توں دریائے نیل مصری رہتل دا خاص حصہ ریئا اے کیونکہ مصر دی وڈی لوک ابادی تے سارے وڈے شہر ایسی دریا دے کنڈے تے وسدے نیں۔ ممکن اے 3400 قبل مسیح توں وی لمے عرصے پہلے آئس ایج دی موسمی تبدیلی دی وجہ توں صحارا ریگستان دی تشکیل ہوئی۔
اونائل اجکل دا نیل ایتھوپیا دی زمین توں شمال نوں وگن آلا کٹ توں کٹ پنجواں دریا ہیگا اے۔ سیٹیلائٹ مورتاں نیل دے لہندے صحرا اچ خشک پانی دی گزرگاہ دی نشاندہی لئی ورتیاں جاندیاں نیں۔ اونائل وادی ہن سطح توں بھریا ہوئیا اک آبائی نیل اونائل دی نمائندگی کردا اے جیہڑا ملین وریا پہلاں وگدا سی۔ اونائل دی وادی نے گاد نوں بحیرہ روم ول منتقل کیتا۔ ایس گاد وچ قدرتی گیس دے ذخیرے لبے نیں۔[۸]
جھیل ٹانگانیکا شمال ول نیل وچ جا ڈگھدی اے تے اوس توں اگے ویرونگا آتش فشاں ایہنوں روانڈا ول جان توں ڈک دیندا اے۔ ایس ویلے نیل دی سبھ توں بوہتی لمبائی شمالی زمبیا تکر سی۔
نیل اکٹھ
نیل اکٹھ دی عمر بارے ہن تکر دو نظریے رکھے جاندے نیں۔ اک اے کہ نیل کٹھ نکاس دی عمر کٹ اے تے نیل ترائی اگوں ہور ٹوٹے بن گئے نیں۔ سب توں شمالی حصے دا دریا اجکل دے رستے تے ٹردا اے جیہڑا مصر تے سوڈان ول وگدا اے.[۹] ۔ دوجا نظریا اے آ کہ شروع ویلے ایتھوپیا توں نیل ازرق ، اتبارا تے تکازی دے برابر دریاواں دے ذریعے نکاسی رومی سمندر ول مصری نیل دے ذریعے ہندی اے۔ [۱۰]
نیل ازرق شق دی جیو فزیکل کھوج دے پاروں اے پتا لگدا اے کہ ایدی گاد 9-5 کلو میٹر گہرائی وچ اے۔ اے ترائیاں آپس اچ گاد دی چوکھی مقدار ہون نال ای پریاں جاندیاں نیں۔مصری نیل سوڈانی نیل نال جڑیا اے۔ اے چڑھدے، مرکزی تے سوڈانی شق نظام دے موجودہ ٹیکٹونک حرکت مرحلے وچ ایتھوپیا تے استوائی پانیاں تے مشتمل ہندا اے۔ نیل دے پانیاں دے وشکار رابطہ چکری گیلے دور وچ پیدا ہندا اے۔.[۱۱] دریا اتبارا ایس دور وچ اپنے کنڈے توں باعر ڈلدا اے تے اے کئی 120,000- 100,000 وریاں پہلے ہوئیا سی۔ نیل ازرق مرکزی نیل نال 80,000-70,000 وریاں پہلے گیلے چکر وچ رلیا سی۔ بحرالعرب اچ نیل ابیض دا نظام تے نیل ابیض شق جھیل وکٹوریا دے رابطے توں پہلاں 12,500 وریاں پچھوں اک بند جھیل دی شکل اچ موجود سی۔
مصری رہتل دی بنیاد وچ حصا
اک پرانے یونانی تریخ لکھاری ہیروڈوٹس نے آکھیا سی کہ "مصر نیل دی پیداوار (یا عطیہ) اے"، اے ہمیشہ لئی اک سہارا تے اینے مصری رہتل دی تعمیر چ بڑا ای پکا کردار ادا کیتا اے۔ ہر سال دریائی پانی دی وجہ توں کنڈے دے آسے پاسے دی کچی زمین رج کے چنگی گاد نال زرخیز ہو جاندی اے تے قدیم زمانے دے مصری لوک ایس زمین تے وائی بیجی کر کے کنک، السی تے پیپرس دی فصلاں اگاندے سن۔ کنک اوس قحط تے پعوکھ دے علاقے دی سب توں من پسند فصل رئی اے۔ تے ایس کر کے مصر دے دوجے دیساں نال چنگے سفارتی تعلقات ہون توں ایدی معیشت تے چنگا اثر ہوئیا اے۔پرانے زمانے توں ای نیل دے نال نال دور دراز علاقے آں تکر وی تجارت ہوندی رئی اے،
پاݨی ونڈ رپھڑ
نیل دے پانیاں نیں کئی وریاں تکر افریقہ دے سیاسی حالات تے اثر کیتا۔ یوگنڈا، سوڈان،ایتھوپیا تے کینیا نے نیل دے پانی تے مصر دے تسلظ دے خلاف ہمیشہ اواز چکی اے۔ نیل بیسن منصوبے دے آغاز نال ایناں دیساں دے وشکار اے مسئلہ پر امن طریقے نال حل ہو گیا۔ .[۱۲][۱۳]
نیل دے پاݨی دی ونڈ لئی دیساں دے وشکار کئی واری صلح نامے دی کوششاں کیتیاں گئیاں۔ پر ہر دیس دے زاتی، سیاسی، سماجی تے سٹریٹجک فرق دی وجہ توں ساریاں نوں کسی اک گل تے راضی کرنا اک مشکل کم اے۔ 14 مئی 2014 نوں انتیبے، اتھوپیا، روانڈا، تنزانیا تے یوگنڈا نے رل مل کے پانی دی ونڈ دی اک صلح تے دسخظ کیتے جیہدی مصر تے سوڈان نے کافی مخالفت کیتی سی۔ ایس طرحاں دے صلح نامے آں دی وجہ توں پانی دی برابر تقسیم ہونا چنگی گل اے۔ جے ایس پاݨی دے مسئلے دا چنگا حل نہ لبھیا گیا تاں ایہناں دیساں وچ ہمیشا لئی اک لڑائی دی جڑھ موجود رہو گی۔
جدید تحقیق تے کامیابی
نیل ابیض تے پھرن دی مہم پہلی واری شمالی افریقہ دے ہنڈرک کوٹزی نے شروع کیتی جیہڑی نیل ابیض دی پوری لمبائی 3700 کلومیٹر دے برابر سی۔ اے مہم یوگنڈا دی جھیل وکٹوریہ توں شروع ہوئی تے ساڑھے چار معینے آں چر مگروں خیر خریت نال بحیرہ روم تے روزیٹا دے مقام تے مک گئی۔ نیل ازرق دی مہم سب توں پہلے اک ماہر ارضیات پاسکل سکاٹرو تے اودے ساتھیاں نیں رل کے شروع کیتی۔ ایناں نیں ایتھوپیا دی جھیل ٹانا توں اسکندریہ بحیرہ روم تکر 5230 کلومیٹر دے سفر نوں 25 دسمبر 2003 توں 28 اپریل 2004 نوں 114 دن اچ پورا کیتا۔ براؤن تے سکاٹرو نیں سب توں ودھ کے اس مہم نوں پورا کرن چ حصہ لیا تے ایناں نیں ہتھاں توں علاوہ خاص مشیناں دی مددوی لئی۔ [۱۴]
29 جنوری ، 2005 نوں کینیڈین لیس جکلنگ تے نیوزی لینڈ دے مارک ٹینر ہوراں ایتھوپیا دی نیل ازرق دا پہلا انسانی سفر ٹرانزٹ پورا کیتا۔ 5،000 کلومیٹر ( 3،100 میل) دے سفر نوں پورا کرن لئی ایناں نوں پنج معینے لگے. اوناں فیر سعاب لایا کہ او دو علاقےآں چوں لنگے جو لڑائیاں تے ڈاکوواں بارے بدنام سن، تے بندوق دی نوک تے پھڑے وی گئے۔
چوراہے
خرطوم توں بحیرہ روم تکر اے پل نیل ازرق توں لنگدے ہوئے خرطوم تے شمالی خرطوم نوں رلاندے نیں۔
- میک نمر پل
- نیل روڈ تے ریلوے پل
- بری پل
- المانشیا پل
- سودا پل
ایہ پل نیل ابیض توں لنگدے ہوئے خرطوم تے اومدرمن نوں رلاندے نیں۔
- بلیک نیل پل
- فتیحاب پل
- الدباسین پل
- اومہوراز پل
ایہ پل اومدرمن تے شمالی خرطوم توں لنگھدے نیں۔
- شمبت پل
- حلفیہ پل
اے پل خرطوم تے توتی توں لنگدے نیں۔
- خرطوم-توتی پل
- اومدرمن-توتی سسپنشن پل
- شمالی خرطوم-توتی پل
ہور پل
- شاندی پل, شاندی
- اتبارا پل, اتبارا
- میروو ڈیم, میروو
- اسوان پل, اسوان
- لکسر پل, لکسر
- سہاگ پل, سہاگ
- اسوت پل, اسوت
- ال مانیا پل, ال مانیا
- المرازیک پل
- پہلا رنگ روڈ پل، قاہرا
- عباس پل, قاہرا
- یونیورسٹی پل
- قصر النیل پل, قاہرا
- 6 اکتوبر پل, قاہرا
- ابوالعلیٰ پل, قاہرا
- امبابا پل قاہرہ
- نواں ابوالعلیٰ پل قاہرا
- راڈالفراج پل قاہرا
- بنہاپل بنہا
- سمانود پل سمانود
- منصورہ 2 پل منصورا
- تلخا پل تلخا
- شربائن پل
- کفرساد - فارسکور پل
- انٹرنیشنل کوسٹل روڈ پل
- دامیٹا ہائی پل دامیٹا
- کفرالزیات پل، کفرالزیات
- زفتہ پل، زفتا
مورت نگری
-
نیل اچ اک کشتی، مصر ,1900
-
اسوان تے مصر دے وشکار نیل دا اک نظارا -
مارش نیل اچ -
یوگنڈا اچ نیل دا نظارا -
یوگنڈا- نیل اچ اک کشتی -
یوگنڈا -جھیل کیوگاتے جھیل وکٹوریا دے وچکارمرشیسن جھالر -
چانن اچ نیل دا اک نظارا
-
مصر - نیل دی وادی
-
قاہرا - نیل دے کنڈھے تے رہتل
-
نیل دا پہاڑی نظارا
-
نیل دے کنڈھے تے واسی
ہور دیکھو
باہرلے جوڑ
- نیل دے بارے حقائق
- نیل تے دریائے ایمیزون دا موازنہ
- پانی دے وسائل بارے عالمی قنون Archived 2011-02-09 at the وے بیک مشین
- نیل دا نقشہ تے پن دھار بارے جانکاری Archived 2005-03-05 at the وے بیک مشین
- نیل دی تریخ
- نیل دی تریخ –
- نیل دی تریخ
- ایمیزون نیل توں لمبا اے
- سعودی ارام کو "نیل دا آخری سیلاب"
حوالے
- ↑ https://lingualibre.org/wiki/Q836996
- ↑ "صفحہ سانچہ:نام صفحہ في GeoNames ID". http://sws.geonames.org/351036. Retrieved on ۳۱ اکتوبر ۲۰۲۳.
- ↑ "صفحہ سانچہ:نام صفحہ في خريطة الشارع المفتوحة". https://www.openstreetmap.org/relation/50793. Retrieved on ۳۱ اکتوبر ۲۰۲۳.
- ↑ اجازت نامہ: Creative Commons Attribution 3.0 Unported
- ↑ "Nile River". Encyclopædia Britannica.
- ↑ Oloo, Adams (2007). "The Quest for Cooperation in the Nile Water Conflicts: A Case for Eritrea". African Sociological Review 11 (1). http://www.codesria.org/IMG/pdf/07_Oloo.pdf. Retrieved on
- ↑ Faulkner, Raymond O. (1962). Concise Dictionary of Middle Egyptian. Griffith Institute, 33.
- ↑ Warren, John (2006). Evaporites:Sediments, Resources and Hydrocarbons. Berlin: Springer, 352. ISBN 3-540-26011-0.
- ↑ Said, R. (1981). The geological evolution of the River Nile. Springer Verlag.
- ↑ Williams, M.A.J.; Williams, F. (1980). Evolution of Nile Basin. In M.A.J. Williams and H. Faure (eds). The Sahara and the Nile. Balkema, Rotterdam, pp 207–224.
- ↑ Salama, R.B. (1997). Rift Basins of Sudan. African Basins, Sedimentary Basins of the World. 3. Edited by R.C. Selley (Series Editor K.J. Hsu) pp. 105–149. ElSevier, Amsterdam.
- ↑ Lua error in ماڈیول:Citation/CS1/Date_validation/ar at line 45: attempt to compare number with nil.
- ↑ Cambanis, Thanassis (25 September 2010). "Egypt and Thirsty Neighbors Are at Odds Over Nile". New York Times. http://www.nytimes.com/2010/09/26/world/middleeast/26nile.html?_r=1&ref=world. Retrieved on ۲۵ ستمبر ۲۰۱۰.
- ↑ They chronicled their adventure with an IMAX camera and two handheld video cams, sharing their story in the IMAX film Mystery of the Nile released in 2005, and in a book of the same title.
