عيد الفطر
عيد الفطر | |||||
---|---|---|---|---|---|
مٿي کان: مسلمان سليماني مسجد، استنبول، ترڪي ۾ عيد نماز ادا ڪندي؛ الجزائر ۾ جشن دوران ڪيڪ ۽ مٺايون، جيڪي مشهور طور تي استعمال ڪيا ويا آهن؛ انڊونيشيا ۾ عيد جي جشن دوران روشني ڪئي پئي وڃي. | |||||
سرڪاري نالو | عربي ٻولي: عيد الفطر | ||||
عرفيت | افطاري جو عيد ، ننڍي عيد ، مٺي عيد. | ||||
ملهائڻ وارا | فهرست
سانچو:List ترڪ قبرص صومالي لينڊ مغربي صحارا | ||||
قسم | اسلامي اهميت | ||||
اهميت | رمضان المبارڪ ۾ روزا ختم ٿيڻ جي يادگار | ||||
تقريبون | عيد جي نماز، خيرات، اجتماعي گڏجاڻيون، عيد جا طعام، عيدي (تحفا) ڏيڻ، لباس پائڻ. | ||||
تاريخ | 1 شوال [1] | ||||
2024 تاريخ | 10 April - 12 April[lower-alpha 1][2] | ||||
2025 تاريخ | 31 March - 2 April | ||||
لاڳاپيل | Ramadan, Eid al-Adha |
![](http://upload.wikimedia.org/wikipedia/commons/thumb/2/2b/Eid_ul-Fitr_praying_in_Grand_Mosque_of_Urmia_-_1926.jpg/280px-Eid_ul-Fitr_praying_in_Grand_Mosque_of_Urmia_-_1926.jpg)
عيدالفطر(انگريزي: Eid ul Fitar ) شوال مھيني جي پھرين تاريخ تي مسلمان ملھائيندا آهن. ھي ڏينهن ان خوشيءَ جو اظھار آھي ته خدا پنھنجي ٻانھن کي روزن جي مھيني ۾ روزا، تراويح، قرآن جي تلاوت، صدقو ۽ خيرات وغيره جون جيڪي عبادتون مقرر فرمايون، ٻانھا انھن کي سھڻي نموني ادا ڪرڻ ۾ خدا جي توفيق ۽ مدد سان ڪامياب ٿيا[3].رمضان جيڪو اسلام جي بنيادي رڪنن مان ٽيون رڪن آھي، جب مسلمان رمضان جا روزا مڪمل ڪري ٿو تہ الله تعالٰي ان جا روزا مڪمل ڪرڻ تي عيد مشروع ڪئي آھي جنھن ۾ ھو الله تعالٰي جو شڪر ادا ۽ الله تعالٰي جو ذڪر ڪرڻ جي لاءِ جمع ٿين ۽ ان جي اھڙي طرح وڏائي بيان ڪن ٿا جھڙي انھن کي الله تعالٰي ھدايت نصيب فرمائي آھي ۽ ھن عيد ۾ الله تعالٰي مسلمانن تي صدقو فطر ( فطرانو ) ۽ نماز عيد مشروع ڪئي آھي ۔
عيدالفطر جون سنتون
عيدالفطر جون ھيٺيون 12 سنتون آهن[3]:
- پاڻ کي سينگارڻ، سنوارڻ جو انتظام ڪرڻ
- غسل ڪرڻ
- ڏندڻ ھڻڻ
- عمدو لباس پائڻ
- خوشبو استعمال ڪرڻ
- صبح جو سوير اٿڻ
- عيدگاھ ۾ سوير پھچڻ
- عيدگاھ ۾ وڃڻ کان اڳ فطرو ادا ڪرڻ
- عيدگاھ وڃڻ کان اڳ ڪا مٺي شئي کائڻ
- عيد جي نماز عيدگاھ ۾ پڙھڻ
- رستي ۾ آھستي آھستي تڪبير پڙھڻ
- ھڪ رستي کان پيدل وڃڻ ۽ ٻئي رستي کان موٽڻ
عيد نماز
عيد جي نماز ۾ ٻہ رڪعتون واجب شامل آهن ۽ ان جي صحيح ۽ واجب ھجڻ لاء ساڳيا شرط آھن جيڪي جمعي جي نماز جا آھن پر عيد جي نماز ۾ خطبو شرط ناھي جيڪو جمعي جي نماز ۾ لازمي شرط ھوندو آھي[3]. عيد نماز ۾ خطبو سنت آھي. عيد جي نماز جو وقت سج نڪرڻ سان پيلاڻ جي ختم ٿيڻ بعد شروع ٿئي ٿو ۽ سج جي زوال تائين جاري رھي ٿو پر مستحب آھي تہ عيد نماز ۾ دير نہ ڪئي وڃي. اھا نماز اڪيلي سر نہ ٿي پڙھي سگھجي[3]. ان جي قضا ڪانہ ٿيندي آهي. ھن نماز ۾ اذان ۽ اقامت نہ ٿيندي آهي. اھل حديث وارن لاء عيد نماز ۾ عورتن جي ۽ ٻارن جي شرڪت سنت آھي[3]. عيد جو خطبو سنت آھي پر ان جو ٻڌڻ واجب آهي.خطبو نماز بعد پڙھڻ سنت آھي[3]. ٻہ خطبا پڙھڻ ۽ ٻنھي جي وچ ۾ جمعي جي نماز جي خطبي واري وقفي جيترو ويھڻ سنت آھي[3].
حوالا
- ↑ Cite warning:
<ref>
tag with nameummalqura
cannot be previewed because it is defined outside the current section or not defined at all. - ↑ Singh, Bhupinder (2 April 2023). "When Is Eid Al-Fitr 2023? Eid Al-Fitr History, Significance, All You Need To Know About Holy Festival" (en ۾). https://www.indiatimes.com/trending/social-relevance/when-is-eid-al-fitr-2023-history-significance-celebration-597357.html.
- ↑ 3.0 3.1 3.2 3.3 3.4 3.5 3.6 - ڪتاب: آسان فقه، از: مولانا محمد يوسف اصلاحي، مترجم: محمد عاشق ڌامراھا، مھراڻ اڪيڊمي شڪارپور، جنوري 2002 - صہ 277
حوالن جي پيش-نگاھ
- ↑ "The actual date may vary as per the moon sighting"