Sabiib

Kani waa bog ku saabsan sabiibka. Maqaalo kale fiiri midhaha laga sameeyo sabiibka
Sabiib
Midhaha Sabiibka
BahCanab
Koox JinsiMidho qalalan
AsalkaBariga dhexe
Jinsi xubnaha
  • Sabiibka Cad
      (L. f. alba DC.)
  • Sabiibka Cas
      ( L. var. capitata L. f. rubra (L.) Albert Thellung)
  • Sabiibka Iskujirka
      (''sabauda L.)

Sabiib (Af Ingiriis : raisin; Af Carabi : ar‎) waa midho la qalajiyey ee canabka. Sabiibka waxaa laga sameeyaa midhaha canabka oo loo dhigo ileyska qoraxda wakhti cayiman, ka dib la dabeeyliyo ka hor intaanan la cunin. Sabiibku waa midho aad u macaan oo laga isticmaalo dhamaan caalamka oo dhan. Inta ugu badan midhah sabiibka waxaa la cunaa ayagoo cayriin (sidii ay kaga yimaadeen midhah canabka), halka deegaano kale ay kariyaan sabiibka ama lagu dhex daro cuntada la karinayo. Tusaale ahaan, wadanka Soomaaliya waxaad ku dhex arki sabiib lagu dhex kariyay bariis kaasi oo loogu talogalay qurxin iyo macaaneyn. Deegaano kale waxay sabiibka u isticmaalaan khamiirin iyo shiiditaan.[1]

Guud ahaan midhaha sabiibku waxay leeyihiin dhowr nooc taasi oo ku xidhan nooca canab ah ee laga sameeyay iyo wakhtiga lagu dhaafay kulka iyo ileyska qoraxda. Midaba ugu badan ee lagu yaqaano sabiibka waxaa ka mid ah: madoow khafiif ah, casaan madoow xiga, cadaan khafiif ah iyo huruud jaamud ah.[2]

Magaca

Si la mid ah ereyo badan oo ku jira luuqada Soomaaliga, ereyga sabiib waxaan ka soo amaahanay eryga "" ee luuqada Carabiga; kaasi oo lagu sharaxo midho qalalan oo macaan.[3]

Noocyada

Noocyo kala duwan oo sabiib ah

Sidaan horay u soo sheegnay nooca sabiibku wuxuu ku xidhan yahay nooca midhaha canabka ah ee la isticmaalo. Sidoo kale waxaa jira in midhaha canabku leeyahay midabo badan oo kala duwan, (sida madoow, cirdhow, cagaar, buni, iyo huruud) kuwaasi oo ka turjumaya midabka uu yeelanayo sabiibku. Si loo helo sabiib saafi ah, waxaa inta ugu badan la isticmaalaa midho canab aan lahayn laf; meelaha qaarna waa laga saara lafta ku jirta canabka.

Guud ahaan, xajmiga iyo midabka sabiibku wuxuu ku xidhan yahay geedka canabka ee loo isticmaalo in laga sameeyo. Waxaa jira noocyo loo isticmaalo kimiko si loogu sameeyo midabyo qurux badan, kuwaasi waxaa ka mid ah "Sabiibka dahab". Si loo sameeyo sabiib dahabka waxaa midhaha canabka lagu daraa iskudhiska curiye kimiko salfar labo ogsajiin taasi oo markuu midhuhu qalalo ka dhigta mid leh midabka dahabka.


Muuqaalka

  • Muuqaalada Sabiibka

Qoraalo La Xidhiidha


Tixraac

  1. ↑ Dom Costello. "Nuqul Archive". Kew.org. Waxaa laga kaydiyay the original 5 September 2012. Soo qaatay 16 January 2013.  Barameter aan la aqoon |ciwaan= ignored (caawin)
  2. ↑ The Oxford English Dictionary entry at "currant" = "raisins of Corauntz n." (also called "raisins of Corinth")
  3. ↑ OEtymD|raisin
Wikimedia Commons waxee heysaa war la xiriiro: